ثبت على يديه🌱مكتملة🌱

🌱الجزء 129🌱

🌓تبت على يديه🌓
💎بقلم : ايمان العماري💎
✨الجزء : 129✨
بدر الدين : علاش ؟

نور : مبغيتش

بغات تمشي ورجع شدها من يدها ...

بدر الدين :  هداك راه خوك وخاصك تمشي تزوريه

نور ضارت عندو ونطقات بنغمة البكاء : مبغيتش نشوفو هداك ماشي خويا وعمرو كان خويا ..

نترات يدها وخرحات وهو تنهد ولحق بيها نزل فدروج موراها دخلات الكوزينة ودخل تاهو معها ...

بدر الدين : نور

نور : الى كنتي غتهدر عليه انا مبغاش نهدر عليه

بدر الدين وقف موراها :  هداك راه خوك وخا يدير لي دار كيبقى خوك هو لي بقا ليك ونتي لي بقتي ليه مخصكش تسمحي فيه بالعكس دبا  جا الوقت فين توقفي معاه تيدوز من  المحنة ديالو

نور ضارت شافت فيه و نطقات بعصبية وبالبكا : الاخ مكيضربش ختو على قبل هدرة سمعها من عند صحابو ... الاخ هو اللي كيحن على ختو هدا لي تتقول عليه خويا كان خاصو يكون  الاب التاني من بعد بابا ... ماشي يتكرفس على ختو بالعصا على قبل صحابو

بدر الدين : دابا نهدرو فالمنطق انا كون كانت عندي ختي بحالك متحررة فدماغها ولباسها داك الباب لي كتشوفي فيه قدامك (نعت ليها بيدو لباب )  منخليهاش تعتبو تاستر راسها والى دارت عكس كلامي انا غنعرف كيفاش نتصرف معها .. الخطأ اللي دارو خوك تعرف على وحدين مكيعرفو فدين والو كيشدو منو لي بغاو ويكملو من راسهم ... الدين ليس دين عسر بل الدين يسر ..... هوما لا متشددين فيه وغاديين فطريق ماشي طريق صحيحة  ... وخوك ملي شافوه ماعرفش جروه معهم .. وداو لديك طريق لي مصلحااش وراك شفتي بعنيك أخرتها ..

نور :   خويا مكانش هاكا .. عمرو ماكان هاكا .. ملي تعرف على دوك الكفارة  تبدل تسعين درجة  ... ولا حاط عليا العين فينما يلقا السبة كيضربني ... ( كتبكي بحححرقة ) واحد المرة هز عليا الموس كان باغي يدبحني .. كون ماكانت ماما عيطات البوليس ...مكنتش انكون دبا واقفة قدامك ....

بدر : انا مجبدتش معك الموضوع باش تبكي ...

نور : من الاحسن تسدو حيت مبقيتش باغا نهدر فيه

بدر الدين : نور

نور بترجي : عافاك

بدر الدين تنهد : انا على برا

خرج وخلاها على راحتها  ....