🌓تبت على يديه🌓
💎بقلم : ايمان العماري💎
✨الجزء : 131✨
نجاة : مبروك ابنتي
نور : شكرا اخالتي
نجاة : فرحتيني ودبا عاد رتاحيت ملي رجعتي مرتو دبصح شفتي غير نتي كنتي مخوفة راسك هاهي دازت بيخير
نور : الحمد لله
نجاة : انوض نخرج راجلك شوية وغيطلع يجمع حوايجو ونتي نعسي رتاحي شوية
نور : نعاس طار مني اخالتي
نجاة : راني هدرت معك صبري راه غير 3 ايام مادات ماجابت دغيا تفوت
نور هزات راسها بااه
نجاة : يلاه نعسي انا غنمشي نطل على مًي وندخل لبيتي نرتاح حتى انا نهيلة مغتخرج حتى ستة
نور : وخا
ناضت نجاة هازة داك ليزار فيديها داتو معها لبيتها ونور رجعات تكات فبلاصتها غمضات عينيها كتحاول تنعس والو مبغاش يجيها حتى خاطرها كتحس بيها مزيرة عليها ممرتحاش نهائيا ناضت كتلعن فشيطان وتستغفر الله دخلات لدوش جددات لوضو وخرجات لبسات عبايتها وشالها وهزات المصحف حلاتو على سورة النور وبدات كتقرا فيها بصوت منخافض تادخل بدر الدين شافها هو يبتاسم برضى .. مشا لدوش بلاما يقاطعها بروسا سنانو ودخل لدريسينغ هاز صاكادو دار فيه الحوايج لي غيحتاجهم فدوك ليمات دسفر وخرج مشا لبلاصتو تكا فيها بقا فايق منعسش حتى سالات نور ....
سدات المصحف وناضت حيدات عبايتها وشال ومشات حدااه تخشات فبلاصتها ...
بدر الدين : قريتي سورة النور
نور : من داك نهار لي عطتيني آيات منها وانا دايرا فبالي نقراها
بدر الدين : مزيان .. رتاحي شوية
نور : طار مني نعاس
بدر الدين جبدها عندو جابها فوق صدرو : مالكي
نور : والو
بدر الدين تنهد : نور هدرنا فهدشي قبيلة .. واعدتك مغنطولش بزاف ونرجع ... ديك ساعة غنديك معيا .. كون دبا عندي كيفاش ندير مغنخليكش مورايا .....
نور : معرفتش علاش خاطري ممهنينيش حاسة بحالا شي حاجة غتوقع
بدر الدين : هداك غير شيطان كيوسوس ليك .. ستغفري الله وان شاء الله باذنه .. مغيطرا والو ...
نور : خلي تيليفونك مشعول والوقت لي صونيت ليك جاوبني
بدر الدين باسها على راسها : وخا
نور : عنداك متجوبش عاود وتقوليا مشغول
بدر الدين : مغنقولهاش ليك غير رتاحي ليا
نور علات راسها فيه : تفكرت ماما واحد المرة سافرت وبقيت بوحدي مع خويا فدار كنت ديك ساعة باقة كنقرا ملي جات جابت ليا معها هاد سنسلة ( جبداتها من عنقها وراتها ليه ) عمرني حيدتها من عنقي
بدر الدين ضربها لخدها بلطف : جيني نيشان وقولي بغيتي كادو
نور تمخشات فيه كضحك : هانتاا فهمتيها
بدر الدين : تستاهلي كل الخير اصلا مكنتش غنساك ضروري مانجيب ليك معيا شي حاجة
نور : لهلا يخطيك عليا
بدر الدين : امين
أنت تقرأ
ثبت على يديه🌱مكتملة🌱
Romantizm💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
