🌓تبت على يديه🌓
💎بقلم : ايمان العماري💎
✨الجزء : 133✨
دازت يوماين ....
الساعة كانت كتشير لتاسعة صباحا ..
كانت فالكوزينة واقفة مع نجاة كيوجدو فالفطور تانزلات نهيلة بيجامتها الصيفية اليوم كان عندها خاوي فصباح مغتقرا حتى لعشية وجدات معهم طبلة وجلسو كيفطرو
نجاة شافت عند نور : فطري وطلعي وجدي راسك غنخرجو اليوم بجوج
نور : لا خالتي غير خرجي انا مبغاش نخرج اليوم
نجاة : اتبقاي سادة على راسك ... وياك دوينا لبارح
نور : ماشي على هادشي غير عيانة شوية وصافي
نجاة : على راحتك ابنتي .. نهيلة تخرجي معيا ولا حتى نتي مافيك لي يخرج
نهيلة : عندي متحان عشية وخاصني نراجع ليه
نجاة : الله يوفقك صافي غنخرج بوحدي ملي نتوما مباغيينش تخرجو
نهيلة : ماما انا قلت ليك عندي امتحان منقدرش نخلي المراجعة ونخرج
نجاة : تانا مقلت ليك والو
نور مسحات فمها وناضت : نطلع نجمع شي حوايج خاصهم يتصبنو
نجاة : خليهم عليك حتى نرجع انا نديرهم يتصبنو
نور : لا خالتي بلاما نعدبك كثر انا غنلوحهم فالماكينة يتصبنو
نجاة : وخا بنتي
نور طلعات لبيتها منبعد ماستأذنات دخلات كتعزل فالحوايج لي غيتصبنو تاسمعات تيليفونها كيصوني نترات داكشي من يديها ومشات كتجري لطابل دونوي هوما يحزنو ملامحها ملي مطلعش بدر الدين كيصوني كان فؤاد بلعات ريقها وهزاتو بقات مدة مترددة تجاوب تاقطع ورجع تاني كيصوني وهاد المرة جوباتو
نور : الو
فؤاد : كنت كنقول موحال تجاوبيني
نور : فؤاد لباس عليك
فؤاد : انا بيخير ونتي صاڤا ؟
نور : صافا حمد لله
فؤاد : فين كاينة
نور : انا فدار علاش ؟؟
فؤاد : خرجي عندي بغيت نشوفك
نور : شنو !!!
فؤاد بتاسم : انا فالمحمدية جيت عندك باش نشوفك
نور : فؤاد انا ...
فؤاد قاطعها : صيفتي ليا لوكاليزاسيون نجي عندك
نور : لا فؤاد لا ...
فؤاد : مبغاش تشوفني ؟
نور مسحات على شعرها : نتا فين كاين
فؤاد : انا ف ***
نور : انا غنشد طاكسي ونجي عندك دابا
فؤاد : انا كنتسناك
أنت تقرأ
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
