🌓تبت على يديه🌓
💎بقلم : ايمان العماري💎
✨الجزء : 135✨
فؤاد : كاينة شي حاجة مزال ماقلتيهاش ؟؟؟
نور : فؤاد خلينا نهدرو
فؤاد : امتى تزوجتي همممم !!
نور : 4 ايام باش تزوجت
فؤاد : شحال من مرة هدرت معك علاش مقلتيش ليا تزوجتي
نور : مبغيت نقوليك والو فتليفون حتى نتلاقاو ونهدرو
فؤاد : وليتي كتكدبي عليا ياك ا نور ... خبيتي عليا موضوع زواجك ... علاش هادشي واش خايفة مني نحبسك !! .. واش انا غنقوليك متزوجيش !!! ..
نور : ماشي على هادشي ا فؤاد ...
فؤاد : شكون هو هدا لي تزوجتي بيه ؟؟؟
نور : ولد العائلة لي كنت خدامة عندهم ممرضة
فؤاد : مزيان
جا غادي هي تشدو من يدو تاضار عندها وهي تنتر يدها بسرعة ....
نور : فين غادي
فؤاد : غادي فحالي انور و نتي رجعي لدار راجلك لاشافك معيا مغيعجبوش الحال
نور : دغيا بغيتي تمشي !!!
فؤاد حط يدو على عنقو : شنو بغتيني نبقا كندير مع مرا مزووجة هااا !
نور : نتا راك بحال خويا ماشي شي حد غريب عليا
فؤاد : كون كنت بصح خوك كيف قلتي مكنتيش اتخبي عليا هاد الزواج
نور : درت فبالي غنعاود ليك كلشي نهار تجي المحمدية
فؤاد بعصبية : وتخليني نبقا غافل وكنهدر مع مرت الراجل محشوماش عليك هاد شي !!!!
نور بنبرة ترجي : خلينا غير نهدرو بالعقل عافاك بلا غواات بلا اعصاب الناس كتشوف فينا
فؤاد : هانا يلاه عاودي ليا ... هانا كنسمع ليك
نور : هاد زواج مكنش دايرا بحسابو تانا معرفتوش منين خرج ليا ... كنت عايشة مع عائلة ولدهم متدين رحبو بيا ومخلاو ما دارو على قبلي ... لقيتهم فجنبي فالوقت لي كنت محتاجة فيه لمساعدة راجلي .. دخلني لدارو بلاما يعرفني لا شكون انا ولا منين جيت .... ناس محافظين وشادين فالدين ديالهم ... نتا عارف عقليتي و كيفاش كنفكر ولباس لي كنلبس خالتو متقبلتنيش ناضت كطيح مني وقالت عليا هدرة خايبة وهو دافع عليا .. وقاليهم بلي انا خطيبتو وقريب نولي مراتو .... ( فؤاد كيسمع ليها وعينيه كيتوسعو ) تانا تصدمت بحالك .. ملي هدر معيا قاليا الى بغيت ندافع عليك قدام ناس خاص يكون عندي حق عليك وخاصك تولي مراتي .. وانا وافقت وتزوحت بيه ودبا كيف كتشوف نور لي قدامك ماشي نفسها نور لي كنتي كتعرف فالكلينيك .... نور ولات بنت متحجبة وكتصلي وعارفة بينها وبين الله .. نور تابت .. تابت على يدين متدين ... تابت على يدين راجلها
فؤاد سكت مدة : نتي مقتانعة بهاد الزواج ولا دتيه فوق خاطرك ؟؟؟؟
أنت تقرأ
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
