🌓تبت على يديه🌓
💎بقلم : ايمان العماري💎
✨الجزء : 137✨
شافها داخلة طلعها و نزلها وكيشوف فداك اللباس لي لابسة فرح فلداخل ديالو و مبغاش يبين فرحتو ورضاه عليها لانه ملي عرفها خرجات بوحدها معجبوش الحال نهائيا حتى نهلية لي بغات تجي من جيهتها وتكدب على خوها وتقوليه نور خرجات مع نجاة كانت نجاة رجعات حتى هي بكري لدار قبل نور ....
قرب عندها خاشي يديه فجيابو ونور منزلة راسها لارض كتفرك فصبعانها وتسرط فريقها ... معرفتش علاش فهاد اللحظة حسات ... بالخوف ، و التوتر .. وهدشي ماشي غريب عليها من ديما ... ملي كيكون بدر الدين قريب منها واقف حداها كتجيها الهيبة منو ...
بدر الدين وقف قدامها وملامح وجهوو ممحية متعرفو لا معصب و لا فرحان .... ونطق بهدوء تام .....
بدر الدين : فين كنتي ؟
نور : ا .. ا نا .. كنت .. خخ خارجة
بدر الدين : عرفتك كنتي خارجة .. انا دابا سولتك فين كنتي
نور علات عينيها فيه : مشيت خرجت ناخد شي حاجة
بدر الدين زير على عينيه اعدا حاجة عندو هو يكدب شي واحد فوجهو : الواليدة كانت خارجة علاش مخرجتيش معاها
نور سكتات كتشوف فيه وقلبها قريب يسكت بالخلعة
بدر الدين مسح على وجهو : نوووور .. اكثر حاجة كنكرها فالواحد هي الكدوب ..... هدري معيا صريحة وقولي ليا فين مشيتي
نور : تلاقيت بفؤاد
بدر الدين علا حاجبو كاتم عصبيتو بسييف : اها !!
نور : صونا عليا و انا خرجت تلاقيتو .. هو جا على قبلي المحمدية باش يشوفني ....
بدر الدين : هو صونا عليك ونتي خرجتي كطيري لعندو ياك
نور : بدر متفهمنيش غلاط عافاك
بدر الدين بعصبية وبحدة : شنو لي مغنفهمش غلاط شنووو ؟؟؟ .. انا ليي فهمتو دبا هو هدرتي كاملة ... ضربتيها فزيرو ... وخرجتي من الدار .... بوحدك وبلا خباري ... هدرتي انا ما ساوية والو عندك ياك ....
نور قلبها كيضرب بالخوف ندمات حتى خرجات بلا خبارو : بدر سمعني عافاك ..( بدر كيسوط معصب ) بدر خليني نشرح ليك ... فؤاد مابيني وبينو والو ... هو بحال خويا و جا باش يشوفني ويطمن عليا بحال ما كيطمن أخ على ختو ....
بدر الدين : الى كان هدا لي كتدوي عليه بحال خوك ديك ساعة جيبيه لدار يكلس معنا .. نضيفوه و منها نتعرفو عليه ... ماشي تخرجي بوحدك لعندو وتلاقاي بيه فزنقة قدام الناس ....
نور : خفت منك تقلق مني و تخاصم عليا ... وكون حسابتني هاكا ... كنت غنقولها ليك ....
بدر الدين : هانتي خرجتي وكدبتي عليا .. شنو ستافدتي هااا ! .... داكشي لي خفتي منو هو لي طحتي فيه .. فين تلاقيتو بعدا ؟
نور هبطات راسها الارض : حدا البحر
بدر الدين : جلستي معاه فشي بلاصة !!!
أنت تقرأ
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
