ဟန်ဆောင်သတို့သား ကျွန်မရည်းစား

Part_1

2023 MAY 1

ပထမအကြိမ်အဖြစ်ထုတ်ဝေလိုက်သော စာရေးဆရာမလေးမနှင်းဆီ၏ feel of love ခေါင်းစဉ်ရှိတဲ့စာအုပ်လေးသည် ထုတ်ဝေရောင်းချသည့် ဒီနေ့မနက်ခင်းတွင်ပင် လူအများကြိတ်ကြိတ်တိုးဝယ်ယူရသည်ထိ အောင်မြင်မှု့ရခဲ့သည်။ဆရာမ၏ ရေးသမျှစာပေများသည်လည်း လူငယ်တွေကြားက ချစ်ခြင်းမေတ္တာကို ဖော်ကြူးသည့် အချစ်ဝတ္ထုများစွာသာဖြစ်သည်။ထို့ကြောင့်လည်း လူငယ်ဖန်တီးရှင် စာရေးဆရာမလေးမနှင်းဆီသည် လူငယ်တွေအသည်းစွဲဖြစ်ခဲ့ရသည်။

"ဒီနေ့မနက်က ထွက်တဲ့စာရေးဆရာမနှင်းဆီရဲ့ feel of loveစာအုပ်လေး ရှိသေးလား ဦးလေး"

"ပြောရတာ အားနာလိုက်တာကွယ်
အဲ့စာအုပ်က ဦးလေးတို့ဆိုင်ပေါ် တင်ပြီးနာရီပိုင်းနဲ့အကုန်ရောင်းထွက်သွားတာကွဲ့ "

"တစ်အုပ်လောက်လေးများမရှိတော့ဘူးလား ဦးလေးရယ်
ကျမက ပုံမှန်ဆို ဆရာမရဲ့စာအုပ်တွေထွက်ထွက်ချင်းအပြေးဝယ်နေကြပါ ဒီနေ့မှအလုပ်ကခွင့်ယူမရဖြစ်နေလို့ နောက်ကျသွားတာ "

"ဦးလေးဆီလည်း တကယ်မရှိလို့ပါကွယ်
တူမလေးလည်းသိသားပဲကွယ် ဆရာမရဲ့စာအုပ်တွေက ရောင်းအားအကောင်းဆုံးဆိုတာလေ
ဒီလိုလုပ်ပါလား လာမယ့် May 25မှာ ဆရာမရဲ့လက်မှတ်ထိုးပွဲရှိတယ် အဲ့အခါမှာတော့ ရနိုင်တယ်ကွယ့်"

__&__&___&____&___&___&____&____&___&

ဒေါက်...ဒေါက်....ဒေါက်

"သမီးရေ.....မေမေဝင်လာခဲ့လို့ရမလား"

"ဝင်ခဲ့လေမေမေ"

မိခင်ဖြစ်သူက ကွန်ပြူတာရှေ့ကနေမခွာပဲ မျက်မှန်လေးတပ်ကာ စာရေးနေသော သမီးဖြစ်သူရဲ့အနားကိုသွားကို ခေါင်းလေးကိုပွတ်သပ်လိုက်သည်။

"သမီးရယ် ဒီနေ့မှ စာအုပ်ထွက်ထားတာမလား
အခုနောက်တစ်ပုဒ်ရေးနေပြန်ပြီလား
နားနားနေနေလုပ်ပါ သမီးရယ်"

မိခင်ရဲ့သနားဂရုဏာသံလေးအဆုံးမှာ နှင်းဆီတစ်ယောက် မိခင်ရင်ခွင်ထဲဝင်ကာ အချွဲပိုပါတော့သည်။

"သမီးနော် ဒီအခန်းထဲမှာပဲနေတော့မှာလား
အပြင်လေးဘာလေးလည်းထွက်ပါအုံးကွယ်
‌တော်ကြာ အခန်းထဲမှာပဲအောင်းနေပြီး မေမေ့သမီးလေး ဘယ်သူမှမကြိုက်တဲ့ဂေါ်မစွံတဲ့ အပျိုကြီးလေးဖြစ်နေမစိုးလို့ မေမေကစေတနာနဲ့ပြောတာပါနော် အဟီး"