"ကိုယ်မင်းကိုရွေးတယ်လင်းသန့်"
ကိုစက်၏စကားအဆုံး၌ လင်းသန့်၏
နှလုံးခုန်သံတို့ဟာ စည်းချက်မညီတော့သလို...ကမ္ဘာကြီးရဲ့အချိန်တွေဟာလည်းရပ်တန့်သွားလို့။
အသက်အား ခပ်တင်းတင်းအောင့်ထားမိတော့ ကိုစက်က သူ့ရဲ့ခါးတွေကိုလက်တွေစတင်ဖက်လာရင်း မျက်နှာကိုသူ့ရဲ့ရင်အုံမှာအပ်ထားရင်း ပြောလာသည့်စကားက
"ကိုယ်မင်းကိုရွေးတယ်လို့လင်းသန့် မင်းကိုယ့်ကိုဘာမှမပြောတော့ဘူးလား"
လင်းသန့် သူအကြားချင်ခဲ့ဆုံးစကားကိုကြားလိုက်ရသော်လည်း အခုချိန်သူဘာပြောလို့ပြောရမလဲ မသိတော့ပေ။
ကိုစက်က သူ့ကိုရွေးသည်တဲ့ ကိုကြီးကိုမဟုတ်ပဲသူ့ကိုတဲ့။
အိမ်မက်ဆန်လွန်းတဲ့ လက်တွေ့ကိုသူ
မယုံနိုင်သော်လည်း သူ့ခါးထပ်၌ရှိသောလက်တွေနဲ့ သူ့ရဲ့နှလုံးခုန်သံနှင့်အတူ ထပ်တူကျနေသော ကိုစက်၏နှလုံးခုန်သံ။
"ကျွန်တော်..."
"ကိုယ်မင်းကိုချစ်တယ်၊မင်းတစ်ယောက်တည်းကိုပဲ ဘယ်အရာနဲ့ယှဥ်ယှဥ်ကိုယ်မင်းကိုရွေးချယ်မယ်၊မင်းက ကိုယ့်ရဲ့ရွေးချယ်မှုပဲ.....
ပေါင်ပေ့ ကိုယ်တို့ပြန်အဆင်ပြေကြရအောင်...ကိုယ်မင်းနဲ့ပြန်အဆင်ပြေချင်တယ်၊မင်းအနားမှာအမြဲရှိချင်တယ်၊ဒါကြောင့်ကျေးဇူးပြုပြီး ကိုယ်နဲ့အတူရှိပေးပါ။
ကိုယ်ဒီအခြေအနေကြီးကို သိပ်မုန်းတယ် ဒါကြောင့်...."
စက်လင်းလျှံ စကားပင်မဆုံးသေး သူ၏ခေါင်းဟာ အပေါ်သို့အပင့်ခံလိုက်ရ၍ သူ၏နှုတ်ခမ်းသားတို့ဟာလည်း စုပ်ယူခြင်းကိုခံလိုက်ရသည်။
မွတ်သိပ်နေသောအနမ်းမဟုတ်သော်ငြား သေချာသည်က ဤအနမ်းဟာသူတို့နှစ်ယောက်ကြားရှိပတ်သတ်မှု၏အဖြေပင်ဖြစ်သည်။
ထို့နောက် ကောင်လေးက သူ့အားပြုံးကာကြည့်လာရင်း
ဖြေလာသည့်အဖြေကား
"ဟုတ် ကိုကို"တဲ့လေ။
***
*ဟက်ချိုး!!*
နှာချေသံကားအခြားသောသူစီမှမဟုတ် သူ၏ကောင်လေးဖြစ်သူလင်းသန့်ထံမှပင်။
မနေ့ညက မိုးမိသွားသောကြောင့်ထင်၏ ယနေ့မနက်တွင်တော့အဖျားတက်နေလေပြီ။
YOU ARE READING
In Love With An Old Mafia(Complete)
Romance****** Start Date-Mar.31.2023 End Date-Nov.17.2023 *****
