غرفة 307

part 1

مساء الخير

غرفة_ 307

بقلم الكاتبة: أزل العقابي

تصويت + تعليق + متابعة للحساب
--------------------

"لقد مضى ما ظنناهُ لا يمضي أبدًا،
واعتدناه كأنما لا أثر باقٍ له "🌿

-------------------------------------

روح: بروده الشارع تصك العظم بالعظم
دمعتي نزلت احسه جمدت على خدي
جسمي يرجف واسناني ايطگن سن بسن
ادية باردات بحيث زورگن من البرد.

رغم لابسة قمصلة بس البرد ذبحني
وموجة هوى عالية حطيت شعري ورة اذني
وفركت ايدية حضنت نفسي
ومشيت وما ادري وين الدنية اتفر بية ..

واني امشي فجأة صارت صاعقة صرخت بعلو صوتي
وجمدت بمكاني شوي وهدء الجو وسرعت بمشيتي
واني ادور على شي اگعد بي لگيت شجرة چبيرة گعدت ومديت روحي جواهه

غمضت عيوني بقوة وحسيت شي نزل علية فزيت
من مكاني وباوعت لگيت دم حطيت ادية على وچهي وبچيت مو وكتچ ابد مو وكتچ ياربي دخيلك
ساعدني

ما عرفت شنو اسوي گمت واني لازمة بطني
ادور على شي يكض الدم لگيت قطعة كلش جبيرة
مشدودة على الشجرة فليتهه وشگيته سويتهه اربع قطع حطيت قطعة وحدة جواي والباقي ضميتهن
ما ادري شوكت يفرجه ربي علية ..

انتچيت على الشجرة واني اباوع المنضر السمه من المطر صارت امغيمة وريحة المي وي التراب ترست خشمي خذيت شهيق وزفير رفعت راسي ليفوك
واني اتذكر الحجية وسوالفهه ..

الماضي ....

الحجية جواهر: روح يمة گعدي راح الوقت عليچ

روح :اي يوم گعدت
نهضت من فراشي غسلت وچهي وفرشت اسناني
واني بكل حماس لأن هذة اول يوم الي معهد تمريض
كملت تبديل باوعت الروحي بالمراية جبت قلم الحمرة ورسمت شفايفي رشيت عطر وحطيت ماشة
الشعري

:- روح ولچ روح نزلي اجاچ ابو الخط

:- نزلت جوة بوست امي
وصعدت بالسيارة متوجهين للكلية

الحجية جواهر هية مو امي الجابتني هية امي الربتني من چنت صغيرة رضيعة ابويه وامي اتزوجو

عن حب وزوجت ابويه غصبن عن اهله وعافت اهله وكل اقاربه وبعد فترة من زواجهم صارت حامل بية

ومن هية حامل بشهرهه الاخير اتوفه
ابوية وبنفس الوقت جابتني ووراهه بفترة
اتخبلت امي وحالياً هيه بمستشفى مجانين

اما الحجية جواهر مقطوعة من شجرة عدهه ولد
ومسافر بالخارج يدرس ويجيهه بين فترة وفترة چانت جارته الامي وتساعدهه بكلشي ولحد هاي اللحضة تذكر امي بكلشي وهية اتكفلت بية وتعبت علية ...