🍃 مشاعر_صامتة 🍃| ( مكتملة )

🌛بارت 33 🌜

🌺مشاعر صامتة🌺
                   بقلمي✏️: خولة غزالي🌹
              

هو راه بلوكاتو بقا كيشوف فيها بلا مايرمش ماعرفش هاد برهوشة اش دارت دبا صدماتو بلمعقول حركة لي دارت توشاتو خلاتو غير كيشوف فيها و قلبو كيضرب كتر من لقياس غمض عينو و عاود حلهم شاف فيها بهدوء كيحاول يكتم مشاعر ديالو  سمع دقان فلباب نطق : دخل
تمات داخلة نفس خدامة شافت فيه و نطقات باحترام: غرفة واجدة اسيدي
ناصر شاف فألاء و نطق: سيري معاها اتوريك غرفة ديالك و حوايجك ايطلعهم ليك
بتاسمات ليه ألاء بأدب و نطقات: شكرا
ماجوبهاش بقا غير كيشوف و صمت من طرفو بقا حاضيها و هي خارجة تابعة خدامة غير خرجات تنهد بضيق ماباغيش مشاعر ديالو اسيطرو عليه هادشي مخليه مامرتاحش هز تيلي ديالو و تاصل بلمركز ناوي يعلمهم انه ماشي بصحة جيدة لي يخليه يمشي

اما بالنسبة لألاء لي دخلات لغرفتها سدات لباب و تمشات ناحية ناموسية جلسات فيها و هي حاطة ليديها على قلبها  لي كيضرب مجهد سادة عويناتها و كتخمم بقات هكاك لمدة خمسة دقايق حلات عويناتها دامعين عضات على شفايفها كاتمة شهقاتها نطقات بصوت خافت كتحاول تعاتب قلبها: علاش كدير هكا علاش من بين ناس كولهم كضرب غير ليه هو ، ياك عاطيك تيساع و كلام هو لخر مايجمعكش معاه بزااف، عاطيك غير نخال علاش كتخرج على سيطرة راه هو ماليقش ليك واش ضروري تعدبني و تخليني مدلولة هو ماكيحس بتاحاجة من جيهتي و عمرو يشوف فيا بديك طريقة هادشي فهمتو لعقلي و دماغي و علاش نت ماباغيش تفهم تا كنقول فهمتي و درتي نفس و لكن غير تشوفو كتضرب كولشي فزيرو واش لهاد درجة بغيتيه و ولفتيه واخا هو غريب عليك و ماعرفش عليه شي حاجة من غير سميتو و خدمتو
هزات راسها لفوق خرجات من فمها شهقة و ليديها مخلياها على صدرها من جيهة قلبها نطقات بصوت مغلوب عليه: عيييت اربي و الله تا عيت رااني كنبغيه و هاد شعور بزااف عليا حاولت نبرد مشاعر ديالي و نخليهم صامتين و لكن والو راه برودو كيقتلني علاش مُصر (اصرار ) تخليني جنبو قدما كانحاول نبعد كنلقا راسي قربت
وقفات و هي كتشهق دموعها مابغاش يتحبسو تضغطات كولشي تجمع عليها و مسبتها جات غير على قلبها بكات تا شبعات عاد مسحات دموعها و نطقات: واخا هكاك انا ماشي هي لي دل راسها على حب واخا نعرف نموت و منطيحش راسي ليه
ألاء من نوع لي فيما كانت كتشوف شي وحدة كتبغي شي حد و كدير اي حاجة على قبلو و دل راسها كتعصب و كتاخد نظرة خايبة على ديك لبنت مي بصح ماكانتش جربات الحب ولكن منين جرباتو عاد حسات بيهم و لكن فنفس لوقت حالفة مدل راسها كرمتها هي لولة هي كتخدم بطريقة ديال حيلة حسن من لعار تفضل انها تحاول تخدم حيلها و تخليه يبغيها و دير اي خطة غير باش يتنازل و يقول ليها كنبغيك و لا تدل راسها و تمشي عندو تبقا ترمي عليه راسها راه تموت و ماديرهاش 
تنهدات بتعب و نظرة امل فعينيها لخضرين نطقات بحيوية: ولكن انحاول مهما انا قريبة ليه فغنحاول نخليه يبغيني و الى مابغانيش معندي ماندير ليه
ضورات عينيها فلغرفة ياله قدرات تمنظر فيها عجباتها بزااف كانت بلون أبيض و لكن داخل فيه أحمر كتحس بيها غرفة رومانسية بكل معنى كلمة تقدمات ناحية لبالكو و طلات كتبان جردة كلها بأشجارها و وردها وواحد لابسين طوييل ،جاها لمنظر خاص بقات كتمنظر و لبرد كيطير ليها خصلات شعرها كتحاول متفكرش ولكن كتحس بطاقتها خارت طاح عليها ضيم اه كتعرف حب شي حاجة زوينة و لكن فنفس لوقت كيعدب بكل معنى كلمة
سمعات دقان نطقات بصوت هادئ: دخل
تمات داخلة نفس خدامة و معاها وحدة خرى و عاد كارد هاز ڤاليز ديالها لي غير حطها و استأدن شافت خدامة فألاء و نطقات باحترام: لالة تبغي نستفو ليك لحوايج
ألاء كون جاوها فشي وقت اخور كانت اترفض تاتستفهم راسها و لكن كتحس براسها عيانة و مافيها لي دير شي حاجة نطقات بتعب: اه الى سمحتي
بتاسمات ليها و جرات ڤاليزة و خدامة لاخرة تابعاها تقدمو ناحية دريسينغ كيستفو ليها لحوايج و هي فلمقابل غير كتشوف فسما و ساكتة معرفاتش مال نفسيتها تبدلات عيات لواحد درجة لي كبيرة تمنات كون غير رجعات لحياتها مملة ولا هاد عداب ديال دبا من نهار لقاتو داير كسيدة و نفسيتها كتبدل
تنهدات ملي بانو ليها خرجو مفكراتش جوج مرات حيدات حوايجها بقات بدوبياس و تلاحت ناعسة فوق ناموسية ضامة رجليها عندها بحال شي جنين ماكاملة تا جوج دقايق تا كانت ناعسة

يتبع...✏️

كتقطع ليا فقلبي هاد ليتيمة🥺