كانت نهايتي هي الصف الثالث الإعدادي

بدون عنوان

الإمتحانات خلاص علي الأبواب ومفيش وقت ......

انا كنت خايفة ومتوتره اكتر من الترم الأول وحسه بجد ان كدا خلاص .......
بكره الإمتحان بتاع العربي

الأحد 14/5/2023
....امتحان العربي ...واو علي الإمتحانات بجد اللي حاطط الإمتحان عبقرينوا بس للأسف احنا مش عباقرة .....الإمتحان كان صعب خالص لدرجة اني حسيت ان الإمتحان مش من المنهج ......
روحت البيت ...الحمد لله ...الإمتحان حلو ..اووي ..وانا من جوايا مستنيا ادخل الأودة عشان اقطع الورقة .....

طول الليل بقي مذاكره عشان امتحان الجبر ..
الجبر وما ادراك ما الجبر .....كمية سهولة .
...
الإثنين 15/5/2023 .
امتحان الجبر ....... بدون تعليق انا اصلا معنديش تعليق علي الإمتحان ....نص ساهل والباقي .....الرب اعلم بيه ..... كان في مسئلة في الإمتحان اول ما شفتها رجعت ...منظرها كان يقرف .....بس سيطرت عل الوضع وحليتها ...وربنا سترها .....

الهندسه بكره .....انا خايفة خالص من الهندسة مع اني بحبها والله بس الهندسة اللي علينا هندسة دوائر ...... وما ادراك ما هندسة الدوائر ....فرع من فروع هندسة الثانوي ......المهم ذاكرت كويس ....
كان بقالي يومين مكلتش من كتر الخوف  ....
مستر الهندسة قالي لازم تخدي بالك من كل كلمة في السؤال ..... انا بصراحة مكنتش متفائلة من الهندسة ...طول الليل بقي بذاكر علي امل اني اجيب درجة كويسه في الهندسة

الثلاثاء 16/5/2023
امتحان الهندسة .....بصراحة كان أسهل من امتحان الجبر شويه ....يعني ربنا عداها علي خير ...

بكره بقي العلوم ...  ودي لحدها بعلم الوراثة بلوة لوحدها ...مستر العلوم شرح وأكد علي اللي هييجي في الامتحان .......

الأربعاء 17/5/2023

امتحان العلوم ...... الإمتحان كان صعب اووي والأسئلة غير مطمإنة خالص بس مرت علي خير ....
.
الخميس 18/5/2023
امتحان الدراسات .... الجغرافيا .... الجغرافيا كانت عايزة اللي حافظ ....بس الحمد لله انا حليت كويس ....
الجمعة اجازة مؤقتة آخر يوم السبت وهيكون انجليزي

اخويا شرحلي القواعد والمنهج في حصتين .... مشكور والله .

السبت 20/5/2023 يااه اخر يوم من ايام الجحيم يعني خلاص بقي لا دروس ولامذاكره ولا اي حاجة .... يعني خلاص اولي ثانوي ان شاء الله

الإمتحان كان ساهل اول امتحان ييجي ساهل ...بس السؤال بتاع الكتابة كان اصعب سؤال مكنش في حد متوقع ان السؤال يكون كدا .....بس الحمد لله حليت كويس وكلو بإذن الله صح ....
.......حاليا...حاليا .... انا منتظرة الدرجات واللي احتمال  تطلع الأسبوع الجااي .. ف ربنا يستر ..  وادعولي ....

انتهي البارت نكمل ف اللي بعده.....