ထာဝရနဂါးတန်ခိုးရှင် ( လုမင် )
မူရင်း စာရေးဆရာ - Mu Tong Ting Zhu
ဘာသာပြန်သူ - ကိုခန့်
အပိုင်း ( 46 ) တပည့်သစ်ဘုရင်ကား မည်သူနည်း?"စုစုပေါင်းရမှတ်က သောင်းသုံးထောင်ရှိတယ်… သီအိုရီအရ တစ်ဦးကို ဆယ်မှတ်ပဲလိုအပ်တာဆိုတော့ လူထောင့်သုံးရာတော့ အောင်မြင်မှာပဲ… ဒါပေမယ့် လက်တွေ့မှာတော့ လူဒီလောက်များများ မအောင်မြင်နိုင်ဘူး"
မိုးပြာနဂါးခန်းမရဲ့ အကြီးအကဲက ပြောလိုက်သည်။
" အချို့ရမှတ်တွေက ရှာမတွေ့ပဲပျောက်နေမှာရယ်၊ အချို့လူတွေကလည်း ရမှတ်တွေ ပိုရှာနေကြတာရယ်ကြောင့်… အချို့ ရမှတ်ငါးရာထက်ကျော်တဲ့ ရမှတ်တွေကို ပိုင်ဆိုင်ထားတဲ့လူတွေနဲ့ဆိုရင် အောင်မြင်တဲ့လူက အတော်နည်းပါးလိမ့်မယ်""ကျုပ်အမြင်တော့ ခန့်မှန်းချေ ငါးရာလောက်ပဲ အောင်မြင်လိမ့်မယ်"
ရွှီခွမ်းက ခေါင်းညိမ့်ပြီး ပြောလိုက်သည်။"ကျုပ်တို့ရဲ့ အတွေ့အကြုံတွေနဲ့ဆိုရင်တော့ ဒီနံပါတ်က ပုံမှန်ပါပဲ… ဒါပေမယ့် ကျုပ်သိချင်တာက ဒီနှစ် တပည့်သစ်ဘုရင်က ဘယ်သူဖြစ်မယ်၊ ဆိုတာပဲ"
လိပ်နက်ခန်းမရဲ့ အကြီးအကဲက ပြောလိုက်သည်။"ဒီနှစ် တပည့်သစ်ဘုရင်က ကျုပ်ရဲ့ သွမ့်မုမိသားစုက ပါရမီရှင်သွမ့်မုကျင်းဆိုတာ ပြောနေစရာတောင် လိုလို့လားဗျာ"
သွမ့်မုကျင်းက ရယ်မောရင်း ယုံကြည်မှုအပြည့်ဖြင့် ပြောလိုက်သည်။"သွမ့်မုကျင်း… ခင်ဗျားက ယုံကြည်မှု အတော်ရှိနေတာပဲ… ကျုပ်တို့ မိုးပြာနဂါးခန်းမရဲ့ ဟွမ်ယုကလည်း သာမန်မဟုတ်ဘူးနော်… သူကလည်း အဆင့်ငါးသွေးမျိုးဆက်ကို နိုးထခဲ့ပြီး အခု အဆင့်လေးသိုင်းသခင်ဖြစ်နေပြီ… ကျုပ်အမြင်တော့ သူက ဒီနှစ်တပည့်သစ်ဘုရင်ဖြစ်လိမ့်မယ်"
မိုးပြာနဂါးခန်းမရဲ့ အကြီးအကဲက ပြောလိုက်သည်။"ကျုပ်တို့ လိပ်နက်ခန်းမရဲ့ ရှဟုန်ကိုလည်း လျော့မတွက်နဲ့ဦးနော်… သူက မိန်းကလေးတစ်ယောက်ဆိုပေမယ့် သူ့ရဲ့ ပါရမီနဲ့ ကျင့်ကြံခြင်းအခြေခံက ပေါ့ပေါ့တန်တန်သဘောထားမရဘူး… ဒီနှစ်တပည့်သစ်ဘုရင်က ကျုပ်တို့ လိပ်နက်ခန်းမရဲ့ ရှဟုန်ဖြစ်နိုင်တယ်!"
လိပ်နက်ခန်းမရဲ့ အကြီးအကဲကလည်း ပြောလိုက်ပါသည်။
YOU ARE READING
ထာ၀ရနဂါး တန်ခိုးရှင် ( လုမင် ) (Ch 1 - 985 ) Book 1
Adventureမူရင်းစာစဉ်အမည် - Everlasting Dragon Emperor (ထာဝရနဂါး တန်ခိုးရှင် ) အဓိကဇာတ်ကောင် - လုမင် အမျိုးအစား - ကျင့်ကြံခြင်း၊လှုပ်ရှားမှု၊စိတ်ကူးယဉ်၊ ရွှမ်ဟွမ် မူရင်း စာရေးဆရာ - Mu Tong Ting Zhu ဘာသာပြန်သူ - ထာဝရ လူငယ်လေးလုမင်ဟာ သွေးကြောလုယူခြင်းခံရပြီး အသ...