عند توت طلعت من الحمام رتبت شكلها بحيث م يبين انها كانت تبكي راحت الصاله وكان ابوها يناديها
توت: امر يبه
ابو خالد بعصبيه والشر يطلع من عينه : ويين كنتيي
توت ببرود : ماقالت لك المخبر كنت بروح البقاله بس كنسلت ورجعت
ابو خالد قرب منها وخنقها بقووه : علشان كذا جيتي وتروشتي على طول ؟ اعترفييي ويين كنتييي تبيين تسوديي وجهيي بعد فعلتتك الشينه ياحقييره
توت ودموعها تطيح كانت تحاول توخر يد ابوها
لين م جا خالد و وخر ابوه عن اخته: يبه الله يهداك البنت تقول كانت بتروح البقاله مو كل شي تسمعه تصدق مايصير حرام عليك اللي جالس تسويه جالس تظلم بنتك كثيير
ابو خالد : وانت شضمنك انها ماكانت تصيع بالشوارع وتسوي لنا بلوه مثل البلاوي اللي سوتها
توت ببكاء وصراخ : مااااسسووويييتتت شييي انااا ماااكااان لييي ذنبببب افهمممم يكفيي ظللممم حررام علييك هذاا انت ابوووي وكذا كلاامكك وش خلييت للغرب حراام علييك انا ماليي ذنببب كلل اللي صارر ماكان ودييي يصيير ميين يتمنى الاذى لنفسه حرام علييك صار ليي سنين احاول اتخطى اللي صارر ليي وبكل مرره تسوي فيينيي كذاا مو مصدقني روح معي المستشفى خلييناا نسوي فحصص وشوف مع ميين الحقق
ركضت غرفتها و سكرت الباب وهي تبكي بقووه : مالللييي ذننبببب والله ماللييي ذننببب
ظلت تبكيي ليين تعبت من البكي وغفت عيينها على الارض وهي ضامه نفسها وكانهت تحتمي بنفسها
.........
عند ابو خالد وقمر
قمر : الله اعلم وين كانت
خالد بحده : يمه انتي عارفه ان توت مو مثل تفكيركم واللي صار معاها من سنين انا وانتو عارفين انها مالها ذنب فيه وانا مصدقها
ابو خالد : انا لازم ازوجها وارتاح من همها
خالد: انا برايي يبه فتح عينك وبتعرف مين الظالم ومين المظلوم
طلع من عندهم متوجهه لين غرفه توت دق الباب بخفه
فزت من سمعت صوت الباب : م م ميين
خالد بحنيه : انا حبيبتي افتحي لي
قامت توت وفتحت له الباب بشويش انكسر قلبه عليها من شاف منظرها كانت عينها حمرا من البكي و وجهها احمر ابتسم لها بحنيه ورفع الكريم : جيت اعلاج جروحك تسمحي لي ؟
توت بغبنه تقدمت و ضمته بقووه وصارت تبكي من قهرها عمرها م اعطت خالد فرصه وهو بكل مره يحاول يتقرب منها بس هي تبعده والحين من طاحت هو اول من جاها صار يمسح على شعرها بحنيه ويهدها : اشش خلاص حبيبتي اهديي وانا اخوك انا مصدقك ياتوت لا تخافي ياعيوني
ابتسمت ومسحت دموعها ابتسم ومسك يدها ودخل معاها داخل الغرفه جلس على الكنب وصار يحط لها كريم على اثار يد ابوه برقبتها خلص وترك الكريم ومسح يده ابتسم ومسك يدها : حبيبتي تبين شي ؟
توت: بتروح ؟
خالد : تبين نطلع نغير جو؟
توت : ابوك مابيخليني اروح مكان
خالد بحنيه باس راسها ونطق : الحين تجهزي بنروح نتمشى اليوم لنا حنا الاثنين بنطلع طلعه اخويه لوحدنا ناكل وندخل سينما ونتسوق وكل شي تبيه اليوم لك
توت بابتسامه : جد ؟
خالد: وجد الجد بعد يلا ياحلوه قومي
قامت توت بحماس ولبست عبايتها ونزلت مع خالد
شافتها قمر : وين وين
خالد: بطلع مع اختي شوي
قمر : بس البيت يبيله شغل
خالد: يمه من يوم ورايح توت مارح تشتغل لوحدها بالبيت
قمر : ليكون تبيني اخدمها ان شاء الله
خالد: بجيب لك خدامه واتركي البنت بحالها
قمر : حتى لو جبت خدامه بخليها تشتغل يعني بتشتغل
خالد : اذا بتحاولي تضري توت يايمه بتخسريني طول عمرك
مشا بعصبيه واشر لتوت تلحقه توت ناظرت قمر بانتصار ونطقت : لا تخليني اقول لابوي اللي حذرتك منه انتبهي لنفسك واقصري شرك ياقمر
مشت وركبت مع خالد وهي مبسوطه عكس حالتها قبل
..........
عند توق جهزت عصير برتقال وتقدمت للمكتب دقت الباب ودخلت راسها بس ونطقت بدلع : ممكن ادخل ياطويل العمر ؟
فواز رفع راسه وابتسم : حياك يابعد عمري
دخلت توق وحطت عصير البرتقال على المكتب ابتسمت وجلست على فخده ويدها محاوطه رقبته : وبعدين مع الشغل متى بتفضى لي
فواز بابتسامه : انا كل وقتي لك وافضى علشانك بس اليوم ابيك انتي تفضين لي
توق : ليه شعندك
فواز : عندي صاحب اسمه حسين بن****** محامي عزامننا اليوم على بيتهم وحاب اننا نروح وبصراحه هو خويي الروح بالروح فقلت ليه م نروح نزورهم
توق بابتسامه : اي ليش لا اذا مره ودك انا ماعندي مانع
فواز : اجل بعد ساعه كذا كوني جاهزة طيب ؟
توق : يحتاج اكشخ ؟
فواز : اي اكيد هذول عائله كبيره ولهم قيمه ومركز بس تروحي لهم بتعرفي قصدي
توق : طيب متزوج هو ؟
فواز: اي وعنده بنت بعد تدرين شسمه ؟
توق باستغراب : شسمها
فواز بابتسامه وهو يلعب بشعرها: توق
توق بفهاوه : هلا
فواز بضحكه: لا لا بنتهم اسمها توق
توق بضحكة : بالله عليك
فواز: اي والله
توق : حلوو تحمست اشوفها
فواز: ان شاء الله بتشوفيها يلا تقومي تجهزي ؟
توق : اي يلا بس
فواز: بس ؟
توق : فواز وخواتي
فواز: شفيهم ؟
توق : اشتقت لهم ابي اشوفهم
فواز: الحين اختك تالين اكيد بتشوفينها قبل لا تسافر بس توت ان شاء الله بخليهم يجيبونها للبيت علشان مابي تصير مشاكل بينك وبين ابوك ويحاول يضربك مثل اخر مره
توق بهدوء: طيب
فواز: نقوم؟
توق : اي يلا
قامت متوجهة للغرفه تجهز وكلم فواز حسين يخبره بقدومهم
.......
عند تالين كانت جالسه وتناظر عزام اللي يكلم ويحجز لهم لبريطانيا كانت متخوفه كثيير من السفره سكر والتفت لها : وكذا حجزنا صار تمام وان شاء الله بعد يومين السفره
تالين ناظرته وسكتت جا وجلس جنبها : شفيك ياقلبي كانك مو متحمسه
تالين : مو كذا بس يعني حياه جديده وبصراحه خايفه شوي
عزام : لا تخافي وانا معك ان شاء الله كل شي بيكون مثل ماتحبي واكثر وبعدين انتي شاطره م ينخاف عليك
ابتسمت وشدت على يده ونطقت : شكرا
عزام : مابي اسمع هالكلمه منك مره ثانيه والحين شرايك تبينا نطلع نتمشا سوا ؟
تالين : كيفك
عزام : والا تبينا نشاهد فيلم
تالين : نشاهد
عزام بمزح: تعرفي تسوي فشار والا
تالين : الا اعرف
عزام : يلا اجل قومي سوي لين م اختار لنا فيلم
تالين : بختار معك اجل
عزام : اجل اسوي الفشار وانتي اختاري
تالين: ليه م نسويه مع بعض ونختار الفيلم مع بعض
عزام : ابد انتي تبشرين
تالين بابتسامه : يلا
........
عند توت وخالد
كانو يتمشون بالمول التفت لها خالد
خالد: تبين تاكلين شي ؟
توت: لا بس شرايك نشتري لخواتك هدايا لزواجهم
خالد : ابشري بس من وين
توت: من محلات المكياج ندخل ونشوف
دخلت توت وشرت هدايا لخواتها طلعت وهي مبسوطه بالحيل بس اختفت ابتسامتها من شافت نايف واقف ويبتسم لها التفت لخالد خافت انه يشوفه مسكت يده ونطقت : اءءء تبي نروح من ذي الجهة
خالد: توت شفيك وانا اخوك تونا جايين منها
توت : ايي شفت محل عجبني
خالد: رجعتنا نشوف
توت : اءءء اجل بروح الحمام وانت انتظرني تمام؟
خالد: تدلين ؟
توت : اي اي شوف هناك في لوحه ماعليك
خالد: طيب انتظرك
مشت توت وهي عارفه ان لو مشت بيلحقها نايف وبالفعل لحقها ليين بعد دقايق قدرت انها تنحاش عنه ورجعت لخالد ونايف ظل واقف ومحتار ليين ماطلع برا المول وقرر ينتظرهم برا
توت وهي متمسكه بيد خالد ، خالد كان حاس عليها انها خايفه من شي بس فكر انها اول مره تجي المول معاه واول مره تشوف الزحمه كذا
خالد: توتي خويي بالمحل بسلم عليه وبجيك طيب ؟
توت : طيب
جلست على الكراسي وفجاه جتها رساله من رقم غريب فتحت الرساله وكان مضمونها
" لا تفكري انك انحشتي مني باخدك يعني باخدك وبحاسبك على الحقير اللي دافع عنك اليوم "
توت بحقد كتبت له: اذا تبي تحاسب حاسب نفسك يامجرم على قتل الرجال البريئ
بلكته وحذفت الرقم تنهدت بضيق بس حاولت تكون طبيعيه من جا خالد ابتسم وكمل معاها تسوق لين م خلصو ورجعو البيت
........
عند توق لبست فستان ابيض ناعم وسوت شعرها ويفي وحطت مكياج خفيف ابتسمت من حست فواز ضمها من ورا ولبسها عقد لفها له ولبسها اسواره و خاتم
توق : ليه كذا ذا
فواز بابتسامه : اول شي ياعيوني انتي غاليه وتستاهلي الغالي ثاني شي مابيك تطلعي اقل من الجماعه اللي بنروح لهم لا تنسي انتي مين وزوجه مين
توق بابتسامه : الله لا يخليني منك
فواز : ولا منك ويلا اذا خلصتي خلينا نمشي
لبست عبايتها وركبت معاه السياره متوجهين عند بيت حسين
وصلو عند البيت اشر لها فواز ان تدخل عند الحريم دخلت واستقبلتها رهف زوجه حسين
رهف بابتسامه : مرحبا توق صح؟
توق بنفس الابتسامه : ايي انا توق
رهف بحب ضمتها : ياهلا فيك تو مانور بيتنا
توق : منور باهله
رهف: تعالي بعرفك على اهلي
دخلت توق وشافت الكل مجتمع
رهف : هذي جدتي
الجده: ياهلا يابنيتي تو مانور البيت
توق قربت وباست راس الجده ونطقت بخجل : منور بوجودك ياخالتي
عرفتها رهف على كل الموجودين جلست توق معهم وبدت تسولف مع رهف
توق : اها يعني انتي محاميه مثل زوجك
رهف : ايي الحمد لله محاميه وعندنا شركه للمحاماه
توق : يمكن من هناك تعرف فواز على حسين
رهف : هم يعرفو بعض من زمان بس شفته اكثر من مره بالشركه وحسين نفس الشي يروح ويجي لشركه فواز
اروى: انتي توك عروس صح؟
توق : ايي تونا
اروى : الله يهنيكم يارب عاد اول الاشهر صعبه تكون
توق اكتفت بالابتسامه وتذكرت اول ايامها مع فواز كيف كانت صعبه
كملت اروى: بس اكيد حلوه صح؟
توق : ايي ايي اكيد
جواهر : يمه توق وش تحبي تشربي
توق : بس ياخالتي تسلمي ماودي بشي
رهف : لا مايصير لازم تشربي شي
توق : بعدين الحين ماودي
دخلت عليهم اسيل وهي حامله بيدها توق بنت رهف
اسيل : السلام عليكم
ردو كلهم عليها السلام ابتسمت توق من شافت توق الصغيره بحضن اسيل
اروى بابتسامه : جت سميتك ياتوق
توق بابتسامه كلها حنيه : حبيبتي ربي يحفظها
اسيل : ياعمري ويحفظك
اروى : يمه احسني حبيتك كل يوم تعالي لنا
رهف : ايي والله نتونس كلنا
ريتاج : ايي خصوصا اروى تنبسط بالحيل بالسوالف والحش
اروى : يوو انتي سكتي مين م يستانس
ملاك: اشش بس يابنات صوتكم لا يسمعونكم الرجال
..........
عند الرجال
حسين : ارحببب يالمعرس
فواز بابتسامه : البقى شلونك شخبارك
حسين : والله الحمد لله عاد الشباب تعرفهم مايحتاج اعرفك
فواز : ايي والله والنعم بالجميع
عبد الله : ياهلا يافواز تو مانور البيت
فواز : باهله ياخوي
حسين : ايي اخبارك مع الزواج ان شاء الله بس م تقسى على بنت الناس
فواز بابتسامه مزيفه : لاا ياولد وين القسى بقلبي وعيوني
وهو بداخله يقول : بس لا تعرف ياحسين وش سويت بالبنت
عبد العزيز : اهم شي مبسوط
فواز اكتفى بالابتسامه ونطق بخفه : الحمد لله
حسين : ومتى ان شاء الله بتشرفنا الشركه يا ابو عبد الله
فواز: يارجال انت عارف الوضع خليني اخلص الشغل اللي بيدي وابشر م بتشوفني الا عندك
حسين : باذن لله بس اعمل حسابك عشاك الليله عندنا
فواز : ياخوي لا تكلف على نفسك جايين نتطمن عليكم وبنمشي
عبد الله : مثل م قال ولد العم عشاكم عندنا
عبد العزيز: والله ماتطلع الا متعشي انت وحرمك
ابتسم لهم فواز ونطق : ان شاء الله بس ترانا مب مطولين بكرا ورايي دوام
حسين : تم ماعليك
..........
عند توق ورهف
رهف : اي والله هذا اللي صار معنا
توق بحزن : الله يرحمه يارب
رهف : امين ويرحم امواتنا وانتي ؟
توق: انا امي توفت و ابوي لسى عايش
رهف : الله يحفظه لك
تغيرت ملامح توق من جابو طاري ابوها
رهف : شفيك حبيبتي قلت شي غلط انا؟
توق : لا لا لا بس حسيت بالذنب لاني ذكرتك
رهف: لا تقولين كذا
اسيل: حنا م نسيناه علشان نذكره
الجده بمحاوله تغيير الموضوع : اقول يمه توق مافي شي ع الطريق ؟
اروى: يمه احسها توها مالحقت
توق بخجل : لا والله لسى الله يرزق كل محروم
الجميع : اميين
رهف: عاد فواز يستاهل يكون اب حسين يعرفه من زمان واعرف معاناته كلها
توق اكتفت انها تناظرها بمعنى كملي
رهف : حسين يقول من بعد سالفه ابوه وهو متغير بالحيل
توق : سالفه ابوه؟
اروى باستغراب : العالم كله يدري بسالفه ابوه ماتدرين
توق : ادري ان ابوه انقتل بس
اروى : ايي كان ضابط
توق : ايي ؟
رهف : احس هالموضوع مالنا حق نتكلم فيه فواز اكيد بيقولك ياتوق
توق بابتسامه مزيفه : ايي اكيد
اروى : يوو ياتوق مرره حبيتك ظلي معنا الليله
اسيل : يلا عاد الله يعينك على النشبه
توق بضحكه: بالعكس شخصيتك ذكرتني باختي توت
اسيل : اختك اسمها توت
توق : ايي
اروى : الله حلو بس انتي وهي ؟
توق : لا حنا ثلاث بنات توق وتالين وتوت
رهف : ماشاء الله ربي يحفظكم
توق : اجمعين يارب
اروى : وشرايك بشخصيه محاميتنا رهف
توق : رهف تهبل ماشاء الله وسمعت بعد انك محاميه مشهوره واستلمتي كثيير قضايا
رهف بابتسامه : اي الحمد لله الفضل لربي
توق : الحمد لله
اروى : وانتي توق تشتغلي
توق : ان شاء الله قريب بشتغل
اسيل: ياقلبي الله يوفقك اهم شي عندك شهاده علشان تشوفي لك وظيفه حلوه
توق : اي الحمد لله عندي شهاده
اروى: احلى شي احس تشتغلي على نفسك و تتعبي وبعدها تحصلي لك وظيفه تسندك
رهف : اي بالله صادقه مالك سند بعد الله الا شهادتك
كملو سوالف لين جا العشاء وتعشو
.........
بعد مرور وقت عند توق وفواز بالسياره
فواز بابتسامه : انبسطتي معاهم ؟
توق : ايي وقالو بيجونا بعد
فواز : ايي قلت لهم انا بعد
توق بهدوء: فواز عادي اسالك بس م تعصب
فواز ابتسم ومسك يدها وشد عليها : قولي حبيبتي
توق : ابوك شلون مات
اختفت الابتسامه اللي على وجهه وناظرها ونطق : مو قلت لك انقتل
توق : ايي شلون انقتل
فواز بحده : وشوله الحين فاتحه ذا الموضوع احد قايل لك شي ؟
توق : لا بس اسال يقولو الكل يعرف بس انا ما اعرف
فواز بنفس الحده: لا تعرفي الخبر مو بشاره
سحبت يدها منه بمعنى انها تضايقت من حدته بس رجع مسكها تنهد بضيق وقال: اسف حبيبتي بس هالموضوع بالذات لا تقربي منه تكفين جرحه لسى م طاب
توق بحنيه : طيب ابشر
فواز : تبين نروح مكان قبل م نروح البيت ؟
توق : لا خلينا نروح البيت احسن
فواز: زعلانه؟
توق : لا ياعمريي مو زعلانه
فواز: ان شاء الله بكرا بخلي خالد يجيب توت عندك بالبيت و بكلم عزام نفس الشي لان تالين بتسافر
توق بصدمه : بتسافر ويين ؟
فواز: بتروح بريطانيا مع زوجها
توق : اي بس م قالت لي
فواز : هي يمكن توها تعرف
توق بغبنه: بتروح بشكل دايم
فواز شد على يدها : اكيد لا حبي يعني اكيد بتجي وحنا بنروح لها بعد اذا تبي وبعدين لا تفكري ناسي شهر العسل حقنا
توق : ليه وين ناوي عليه
فواز باس يدها وابتسم ونطق : مفاجئه ياحلوه
...........
اعطوني رايكم وتوقعاتكم للجاي قراءة ممتعه للجميع🤍🤍.
