قل للباحثين عَن عيُوبي فما البدرُ فِي نقصانهِ إلا هلالُ

البارت 2

اتجهو البنات يسلمون على ام نجم نجود وام سياف كادِي
وصلت العنود عند اختها نجود وحاولت تمسك دموعها الي انهمرت اول ما حضنت اختها نجود وخبت وجهها بكتف نجود عشان ما يلاحظون انها تبكي بس مو على البنات اتجهو لهم وقالت
جمان بلطف: عنودي تبكين ليه بالعكس افرح الحين معد بتقولين اشتقت واشتقت الكل الحين حولك لا تفكرين بشيء ثاني ارجوك خلونا
نكون مبسوطين دائما
لورين وهي تمسح دموعها: صح لسانك جمان جمان :صحكت خلصنا من العنود جت لورين نراضي مين ونخلي مين الي باقي يبي يبكي يلا مره وحده
أسماء: انا لو يبكي ببكي عشان ضربت بتول الي بالمطبخ شكلها ضیعت كيس الملاكمة حقها ولقتني بديل اغلى ( للي ما فهمو يرجعون يقرون البارت 14)
ضحكو على أسماء وكشرت بتول الي نطقت
بتول : شلون عرفتي اني ضيعته لاقيه عشان ما اكمل الباقي أسماء بحنق: بنات انقذوني منها رفعت يدها وهي تدعي يارب اشغلها بتصاميمها وخليها تلاقي كيس الملاكمة حقها وتفكني منها
ضحكو البنات على مناقرة اسماء وبتول
وقالت نجود: بنقعد عند الباب كذا ترا تعبت نطقت عنود بستعجل: وخرو خلو نجودي تمر ضحكو على حماس العنود الي توخرهم عشان تمر نجود
_مکان اول مره نزوره_
سند: وش جاك ليه ما جيت سلمت عليهم
ذیاب بستغراب مين الي جاء؟
سند بصدمة : تستهبل ما تعرف من الي جاء؟
ذیاب رفع حاجبه: شايفني امزح معك
سند بصراحة : لا بس اسأل بعلمك من الي جاء
سکت ذياب ينتظر سند يقول من الي جاء
سند: ابو سیاف الي هو ابو الليال السوّد وعمتي نجود وزوجها هم الي جو
ذياب التفت له ببرود ضاهري وسكون مريب من نطق اللَيال السوّد وشلون ما تمر على باله والكل من هم صغار ربطو اسمه باسم ليال ومرت على باله طفولته مع ليال
_بالماضي_
قبل 14 سنه
كانت جالسة بحضن ابوها من يوم ما دخلو مجلس الرجال كان عمها عقاب يحاول فيها تجي في حضنه
عقاب: تعالي يا ابوي ماني ماكلك
لیال هزت راسها بنفي: ابغى بابا
عقاب: ترا انا اكثر واحد يشبهوني بأبوك تعالي ولا تناظرين بوجهي
كان ذياب جالس جنب ابوه وهو ساكت ويناظر ذياب مد يده لها بدون إدراك:تعالي
ناظرت يده وناظرت ابوها الي بدوره هز راسه بالموافقه اعطته یدها
شهق عقاب: انا وانا ابوه عيتي مني توافقين على ولدي
ليال f: انا اخف من الشيء الذي تحت انفك انه كالشوك
عقاب مسك شنبه لانها اشرت عليه وهو ما فهم شيء غير انها مكشره وتأشر على شنبه
عقاب: فهد بنتك وش ترطن لا يكون تسب شنبي فهد ضحك هو واخوانه: لا لا تقول كنه شوك اوجعتها ترا
عقاب: افا اوجعناك يا حبيبة الورد وش يرضيك
لیال بغرور طفولي: جيب لي ورد وشوكليت وقطوه
عقاب: بصدمة بسه؟ مفروض تطلبين لعبه على عمرك ذا بس ابشري يا بنت الورد سمّي
وتدللي
ليال ابتسمت بغرور f: بالتأكيد انا ابنة فهد سأفعل ما اريد
صفر فهد: ونعم ونعم وسبعة انعام ويزين بنت فهد نطق ذياب الي باقي ليال ماسكه :يده بتجين معي او اروح؟
ليال : لا بجي انتضرني باست ابوها وبسرعه باست عقاب الي كان بيطير من الفرحه وصرخ
عقاب: باستني وش ذا الرضاوه الحلوه
ضحك :فهد عليه يالخفيف خرعتها
عقاب ناظر ليال الي كانت حاضنه ذياب وما اختارت الا هو رغم ان
ابوها فتح لها يده عشان تركض له زي دائما بس فضلت ذياب على كل الي حولها
ونطق الجد ثنيان: ذيب اللَيال السوّد
سكت ذياب يناظر جده الي ابتسم له ونطق
الجد ثنيان ببتسامه خفيفه: ما اعجبك الاسم يا ذيب الليال
نطق ذياب بربكه: لا ولا شيء ما قلت شيء
كمل الجد ثنيان بعني اعجبك
نطق ذياب بستعجل: بودي ليال تلعب ونطق خالد وش ذا عيالكم خفيفين الحمد لله بس شوفو كيف عيالنا انا ونايف ثقيلين
الجد ثنيان بسخرية: مره ثقيلين بسم الله عليهم شوفهم هناك اشر بعكازه ولفو على جمان وغيث الي باخر المجلس وغيث ياكلها حلاوة وهي تضحك وتقوله احبك انت والحلاوة وهو يضحك عليها
وياكلها غطى نايف وجهه بشماغ حقه ونطق بهمس مسموع: الله يفشل عدوك يا خالد فشلتنا ليتك ساكت
خالد همس :معليك عندي الموضوع
نطق خالد بصوت مسموع: عادي بنتي تسلك له ما تحب تكسر بخاطر احد حنونه بسم الله عليها ولد نايف الي خفيف الله يهديه بس
نطق فهد الي دمع من الضحك عليهم: جاء يبي يكحلها عماها
_بالخارج_
لیال ناظرت ذياب: المزرعة مره حلوه بس ابي اروح عند الغدير
وجه نظره ذياب لها وهو ساكت ليال وهي تلوح بيدها له وتنطق: امشي بسرعه قبل لا تغرب الشمس بسرعه
سحبته ومشو بين الاشجار الخضراء الى ان وصلو لعند الغدير وانحنت ليال تلمس المويه وهي مبسوطه وكان ذياب يتأملها وهو مبتسم وفجأة سمعو صوت وراهم خافت ليال وتعثرت كانت بتطيح على الغدير بس مسكها ذياب من رقبتها
وطلعو جمان وغيث الي جو ناظرهم غيث وضحك على شكل ليال الي باقي ما فكها ذياب: ماسك ديك انت وش ذي المسكه فكها فكها
ركضت ليال لجمان وهي خايفه وتناظر الي ورا ذياب وتشرب من الغدير ومحد كانت منتبه لها الا ليال ناظرها ذياب توقع انها خافت منه بس صارخ وهي تقول: انتبه بتضربك لف ذياب وشاف غزال المها صغير وضحك على ليال وقال: ذي تضرب منجدك مره صغيره ونحنا يمسح عليها
جمان قالت للَيال: تعالي نلمسها شكلها مره حلو لیال ترددت بس اول ما تحرکت جمان راحت معاها
لمستها جمان ومسكت يد ليال وحركتها على غزال المها الصغير ضحكت ليال وهي مبسوطه
لیال f: كنت اظن انها شريره وستعض ذياب
جمان f: لا لقد علمتنا المعلمه عنها انها لطيفه لا تؤذي
غيث حك راسه: وش يرطنون ذول
ذياب ضحك عليه: فرنسي يا ذكي
غيث تنححنح: ترا اعرف بس حبت أتأكد منك
ذیاب بسخريه: واضح بسم الله عليك ذكي
ذياب حس في احد يسحب ثوبه ناظر ولقى ليال: سمّى
لیال رجعت شعرها للخلف: ابي اروح اقطف فواكه جمان ركضت عندهم: حتى انا ابي اروح مع ليلي ذياب تنهد: امشو وراي عشان لا تضيعون
ليال رفعت حاجبها e: انا اعلم كيف اجدك لن اضيع اعرف مزرعة جدي جيدًا
ذیاب بسخريه: كويس انك تعرفينها
جمان الي كانت تناظر المزرعة بانبهار وكانت ماسكه يد ليال الي فكتها ومشت تلحق الورد الي طار مع الهواء وبدت تركض وراها ووقف الهواء واخذت ليال الورده الي كانت تلحقها وهي تقول : مسكتك يس معد بتطرين مني
رفعت راسها من سمعت صوت شيء يتحرك وصرخت بفزع من الي شافته
_عند اشجار الفواكه_
ناظر ذياب السماء الي غربت الشمس منها ولف عليهم وهو يقول: امشو نرجع بكره غربت الشمس وسكت وهو يناظر ونطق
وین لیال؟
جمان شهقت وهي تحط يدها على فمها بلطف: كانت ماسكه يدي بس انا كنت مشغوله في المكان وتركت يدي وراحت هناك ناظر بصبعها وهي تأشر على الجهه اليسار والي كانت خاصه بالحيوانات
ركض يحاول يوصل بسرعه
_عند لیال_
صرخت بفزع وهي تشوف راس خيل جنب كتفها
رجفت تبكي من خوفها وتنادي على ابوها وامها لكن ما سمعها
احد بكت بشكل هستيري وهي تنادي ملك وفلك بصوت عالي جدا وترجف نبرة صوتها من سمعت صهيل الحصان بجنب اذنها
الي سكرتها وهي تتكور على نفسها من الخوف وتنادي بصوت واطي ومتقطع: بابا ماما
_عند ذياب_
سمع صوت قريب من جهة اسطبل الخيول اتجه للاسطبل
ذياب كان ينادي: ليال ليال
لیال سمعت صوته وصرخت وهي تبكي: انا هنا فيه وحش جنبي قرب ذياب ناحية الصوت وشاف ليال متكوره على نفسها ترجف
ووجها احمر من البكاء ركضت اول ما شافته ونطت عليه وهيتبكي بشكل هستيري وتشرح له: كنت كنت ابي اروح اخذ الورده الي طارت بس معرف كيف راح النور حق الشمس وسمعت صوت وجاء هاذا الوحش جنبي شافها تأشر على رماح الخيل الخاص فيه حضنها وخبت وجهها بكتفه وهي تشهق رجعو الي بيت الجد الي بوسط المزرعه ودخل يدق الباب وينادي اخته الغيد الي ركضت وشافته ينزل ليال الهادئه وتمسح دموعها مسكت يد ليال وهي تسألها: فيك حاجه ليلي ليش تبكين
سكتت ليال وهي تناظرها وتناظر ذياب الي اعطاهم ضهره ومشى لمجلس الرجال يجلس جنب غيث وهو ساكت دقه في كتفه
غيث: شفيك انت
نطق ذياب بهدوء: ما فيني شيء
غيث: لقيتها؟
ذياب: بنفس الهدوء مين؟
غيث بسخرية: القطة
عقد ذيب حاجبه
وكمل غيث: تستهبل يعني مين مثلا اقصد ليال لقيتها؟
ذياب: يعني لو ما لقيتها بقعد اطالع بوجهك
غيث: بغرور ما فيه شيء احسن من وجهي أصلا _في الحاضر_
صحي من ذكرياته على صوت اخوه سند الي يناديه
سند: ولد فين رحت
ذياب: معاك
سند: طيب يلا قم تعوذ من الشيطان امش نسلم ونلحق على صلاة العشاء
ذياب: يلا قام حظك
وقفو وهم يتجهون للسياره عشان يتجهون للبيت يسلمون ويروحون المسجد
وصلو بعد مده قصيره وتنهد ذياب
سند: یلا امش ذياب
اشر له يدخل شوي وبجي
سند عرف وسكت وهز راسه
اما ذیاب سند نفسه على السياره وطلع الدخان من جيب الثوب وهو يولع السيقاره وينفثها
_عند جمان_
كانت بالمطبخ تشيك على القهوة والشاهي والاكل وكانت بكامل زيناتها ويزينها فستانها السماوي واسوارة الالماس الازرق الي محاوط يدها ومكياجها الهادي وكانت تكلم بالجوال عدى
جمان: عُدى تستهبل صح مو من جدك ما لقيته اقولك مره مهمه هال اوراق لازم تلاقيها وتطبعها
عدى بانزعاج: جوجو والله ما لقيت الاوراق ولازم اروح المجلس عند الرجال تعالي شوفي بنفسك وانا بروح تنهدت :جمان افف منك خلاص جايه روح
طلعت وهي تتأكد ان ما فيه احد بس ما انتبهت للي كان جالس بزاوية الحديقه على جواله وهو يبلع ريقه بصدمه من الفتاة الي امامه وهي تتجه لمكتب اخوها وهي تتحلطم
جمان تكلم نفسها: طبعا الاخ ما يقدر يدورها بنفسه بس جمان لازم تسوي كل شيء مدري شلون بتعيشون بدوني وطاحت الساورة الي بيدها بدون أنتباه منها وهي متنرفزه من عُدى اما غيث الي استوعب وصد النظر وتنحنح عشان تنتبه
جمان استغرب الصوت الرجولي ولفت وانصدمت بغيث الي كان صاد نظره وهو يكمل يتنحنح تلون وجها من الاحراج ودخلت المكتب بسرعه وقفلت الباب وحطت يدها على قلبها وهي تتنفس بسرعه
اما غيث الي قام وهو يتوجه للاسوارة الي طاحت وانحنا ياخذها ويطالع باب المكتب المقفل حط الاسواره بجيبه ويتجه لمجلس الرجال
اما جمان الي حاولت تتناسى الموقف وتنشغل بالاوراق الي تدورها وهي متوتره لقت الاوراق الي تبيها وهي حلفت ما تطلع الا لما تتاكد انه راح
وتوجهت تناظر من الشباك وما شافت احد
وتوجهت لباب فتحته وطلعت تمشى بسرعه ووصلت لباب المطبخ الخلفي ودخلت وشافت اسماء تشرب مويه
أسماء: وين رحتي دورتك بكل مكان
جمان بتوتر تحاول تخفيه؛ موجوده بس رحت اشوف وش يبي عدى
اسماء بشك: فيك شيء انتي
جمان بتوتر اكثر من نظرات اسماء: شفيك ما فيني شيء خلاص امشي عند البنات
_عند ليال_
اما عند ليال الي استأذنت من البنات بحجة انها بترتاح لوقت العشاء كانت واقفه عند الشباك بزينتها الانيقه بفستانها الناعم بالون الوردي
كانت سرحانه تلعب بخاتمها الي كان هديه من جمان وتتأمل ذياب الي كان ينفث السجاره الي بيده صحت من سرحانها على يد اختها ملك الي نطقت: شفيك يا عيني صار شيء؟
ليال بارتباك: لا ما صار شيء بس تعبانه شوي من السفر وجذي تدرين
ملك حست بشيء بس سكتت: تمام بس يلا امشي العشاء صار جاهز واكملت وهي تضحك تلطف الجو ولا ترا بتعشى عليك على هالحلاوة
استحت ليال وهي تضحك: تمام تمام جايه بس باخذ جوالي وبجي اسبقيني ميمي
ملك: تمام لا تطولين
لیال هزت راسها بهدوء وناظرت بالشباك بعدم اهتمام وشافت ذياب يدعس على السقاره واتجه للداخل وهو يسلم على ابوها واخوانها وابوها ألياس واخوانها الباقين سحبت جوالها وفتحت باب الغرفه ونزلت متجه لتحت وصلت عند غرفة الطعام ودخلت وهي تسلم ردو السلام ورحبو فيها واتجهت تجلس جنب جمان السرحانه
لیال: شفیج تهوجسین
جمان بهمس خجول: ليلي شفته شفته متخیله؟
ليال: منو الي شفتيه انطقي
جمان بهمس: غيث
لیال شهقت: كيف شفتيه ومتى التفتو الكل لهم
ارتبكت جمان وهي تضرب ليال على خفيف
الجدة منيره: مين الي شافته
ليال بتدارك للوضع: لا ولا شيء تيتا كنا نتكلم عن المغني المفضل حقي وهي قالت ان بيجي الرياض وانا تحمست لا اكثر ولا اقل

جدة منيرة ما مشى الموضوع عليها بس سكتت: وش تيتا ذي قولي جدتي منيره يا بنت اقول سمو بالله وكلو
جمان بهمس: یا زفت اعجبك الحين بغينا ننكشف ونروح في خرایطها
ليال بنفس الهمس: شسوي يعني تحمست ما اتحمس؟
جمان: المره الجايه وفري الحماس اذا كنا الحالنا مو قدام احد
ليال بتمثيل للحزن: جوجو خلاص بتقعدين تزفيني جذي طول الوقت هاذا وانا جايه من السفر
جمان بتأنيب ضمیر: خلاص اسفه مو قصدي بس نرفزتيني
دقتهم الغيد وهي تقول: وش عندكم تتهامسون
ليال: اذا صرنا البنات لحالنا علمتج
الغيد: بعد العشاء بنروح كلنا السطح نجهز جلسة لیال تحمست: تم تم يلا
كانت بتقوم ومسكتها الغيد بصدمه: اهجدي وخلصي صحنك بعدين نطلع
لیال کشرت: شبعت خلاص يلا
العنود بأصرار : كلي ونطلع كلنا
لیال بدت تاكل
بعد مده خلصو البنات واستاذنو ولبسو البجامه وطلعو فوق بعد ما جهزو كل شيء الجلسه والمخدات والملاحف والبروجكتر
والكامبيوتر والسناكات
جلسو حول بعض
ونطقت العنود بشك: وش كنتو تتهامسون على السفره ما مشت علي سالفة المغني
ليال بصراحه: جمان قالت انها قابلت غيث بالغلط
احمر وجه جمان بخجل وهي تقرص ليال
ليال وهي تحك مكان القرصه بوجع: جمان وجعتيني الغيد وهي تضرب جمان على راسها: ليه على ليلي الروح
لیال ابتسمت بغرور
ضحكت أسماء بحماس: جمان تحبين غيث صدق؟ جمان بخجل مو حب معرف يمكن بس اعجاب او حتى يمكن لا ذا ولا ذا بس قابلته بالغلط
لیال دندنت بصوت عذب: احبك حب خلاني ابيع الدنيا من اجلك وبكره لو تعود ثاني اخلي الغالي يرخصلك
أسماء: يلا بما انها جلست اعترافات اعترفو مين يحب غير جمان
جمان: قلت مو حب
أسماء بتسليك: واضح مو حب اي بسرعه اعترفو
ليال: ما لقيت احد يستحقني الصراحه
العنود: انتي بالذات بخليك عندي ما بزوجك
ليال ضحكت: بابا نبر تو
بتول حضنت ليال وجمان وهي تغطي اذنهم: لو سمحتو لساتهم بيبي لا تعبون راسهم بهالكلام الفارغ لیال: صح لسانج توته
بتول: صح بدنك ليلي
_بعد مدة من السوالف والضحك_
لیال: بنات انا مره تعبت وما نمت من يوم ما جينا بروح انام ونتقابل على الفطور تمام؟
البنات بردود مختلفه: تمام/ تصبحين على خير/ ان شاء الله