لكاتبهة: زهراء الـ حسن "
******************
بمحافظه ميسان (العماره) چان سلطان شقاوچي من شقاوات زمانا القديم ، سلطان چان من الناس الطيبين شقاوچي على الناس الموزينه ، سلطان عنده ٩ اخوان واخت وحده ، واخوانه كلهم يكرهونه لأن جان واحد من الشقاوات وبحجه جايبلهم العار ، وبيوم من الأيام اكو ناس رادو يغتالون سلطان وراحو لبيته مالگوه وقتلو أمه وابوه والسبب لأن قتل واحد من العصابه الي رادو يغتالونه أخته من دون الكل چان يحبها ويعزها بحيث اعتبرها أم وصديقه اله مو فقط اخت، وهيه هم چانت تحبه لأن مدللها وماشافت منه شي مو زين عكس اخوانها، چان سلطان عايش بزمن الملوك والحكام صارت حرب على المملكة اللي تحكمها بسبب هاي الحروب فقدت المملكة هواي من الجاريات ، گال الملك اذا لگيتو أي بنت عمرها ٢٠ او اكثر جيبوها للمملكه تصير جاريه عندي ف چان عمر اخت سلطان ٢٣ سنه ف سلطان چان مو بالبيت فـ عايف أخته وحدها فـ اجوي الحراس الي يشتغلون عند الملك واقتحموا بيت سلطان وسئلو اخته عن عمرها، واخذوها غصب عنها بعد ضرب قوي اجاها منهم، كل هذه وسلطان مايدري شنو لصاير على اخته، صار اليل رجع سلطان للبيت ومالگه أخته انصدم شاف أغراض البيت مكسره وشاف دمبغرفة اخته انجن سلطان من شاف هالمنظر ، ٥ أيام يدور ماضل مكان ماراحله يسئل ويرد يدور ليله مانامه على گد ماخايف على أخته، قرر يروح للمملكه ولگه شخص وسئله عن المملكه وشنو الصار بعد الحروب گاله أمُر الملك أمر انو اذا لگو بنت عمرها ٢٠ فما فوق ياخذوها جاريه عنده، سلطان چان شجاع ومايخاف من كل البشر فكرلها ورجع للمملكه وقتل الحراس بالخنجر ودخل للمملكه وگالوله الحراس الي بالباب لازم ناخذك للملك وأنت احچي وياه لأن كل الحراس خافو منه ومن شجاعته من شافوه قتل الحراس الي بالباب الخارجي دخلو للملك وگالوله اكو شخص يريدك وهذا الشخص محد گدر يمنعه قتل الحراس كلهم، الملك گال منو هذا دخلو الي لما دخل سلطان شاف لملك وكال اختي اخذتوها جاريه عدكم واقتحمتو البيتي ولگيت دم بغرفتها وصدگني إذا أختي بيها شي يومك يصير على ايدي ، الملك خاف من عنده وانعجب بشجاعته بنفس الوقت گال لسلطان راح اجيب جاريات إذا عرفت منو بيهم اختك اخذها وروح واذا مالگيتها من بينهم اوعدك إذا وصلت للمملكه اوكل عليك الحراس يقتلونك، المهم گلوله شنو اسمها وعمرها، الملك گال للوزير اسئل عن هاي البنت واذا من بينهن لاتجيبها مختصر الكلام لاتجيب اخته من بينهن شاف لجاريات ومالگه اخته من بينهن والملك طرده من المملكة وسلطان چان متأكد انو الملك متقصد يسوي هالشي حتى مينطيه أخته، بعد فترة رجع سلطان للمملكه لأن حس بفراغ چبير عنده لما راحت أخته وگال خل اروح إذا متت بعد هذه يومي، وراح سلطان للمملكه وگاله للملك ادري بيك هذيج المرة ماخليت أختي مع الجاريات الي شفتهن، انعجب الملك بشجاعته وكال هالمره صدك راح اجيب اخته مع الجاريات وخلي اشوف إذا صدك اذا أخته بين الجاريات انطيها آله واتركه واذا مو بينهن احكم عليه بالإعدام ولما گال هالحجي سلطان وافق وبعدها اجوي الجاريات واخته وياهن وضل يباوع بوجوهن ولما رفع رأس أخته حظنها واخذ أخته من الملك ورجعها للبيت بعد ماعاش أيام سوده من دونها، لكن سلطان مااكتفى برجوع أخته انتقم للملك وقتل ابنه كـ رد اعتبار آله بعد موت أبن الملك حاولو رجال الملك يغتالون سلطان أكثر من مرة بس ماگدرو لأن جماعته الشقاوچيه چانو ونعم الأصدقاء آله يتصدولهم بكل مرة، بعد مرور الزمن توفى الملك وماگدر ياخذ بثاره ويقتل سلطان، سلطان بعد رجوع أخته صارو الناس تحبه وتحترمه واتزوج أربع نسوان و بعمر ٨٦ توفى سلطان ( الله يرحمه ) لكن زرع بقلوب النااس محبه توفى وهوه شجاع، توفى وخلى الناس تحترمه وتهابة ولهذا يومنا ينذكر بالخير .
*********************
اتمنى القصة نالت اعجابكم لاتنسو التصويت والتعليق لنستمر بنشر القصص القصيرة
استودعڪم الله ❤
#زهراء الـ حسن
