بارت الثالث عشر
في ليلة التقاء الرسام و ياسمينه ...
معطي ظهره للباب لان قالت له المصورة سمع صوت كعبها و سمع صوت المصورة : واحد اثنين ثلاثة لف
لف و شافها بالفستان الابيض و قال : ياسميني
ابتسمت : سيفي
مسك يدها يلفها حول نفسها و مسك من خصرها : انا بدوي و عيشتي بين النياق كيف خليتيني ما اهتوي الا انت
مسكت ازارير ثوبه : و انا اعشق بدوي اللطيف
همس باذنها : اقدر ابوسك و لا بتستحين ؟
طقته مع كتفه : عيب
ابتسم لها و ولفو على المصورة عشان تصورهم
-
لفت على جوري : الحين منجد في بطنك كائن حي
جوري : تخيلي
قمر : كيف كذا ببطنك و ياكل معك ما عجبني الموضوع
بسمه : خلاص نقول لملهم ان ما عجبك الموضوع
قمر : وانتم وشدراكم ؟
جوري : و حنا بالمزرعة عيونكم قلوب لبعض
قمر : ما اقول غير يا حلو ملهم
بسمه : شيون لايقين لبعض
قمر : انقلعي
ابتسمو لها و لمحت جوري وحدة جايتهم و عكرت وجهها : لا اله الا الله
مها : كيفكم بنات ؟
ابتسمت : الحمد انت ؟
مها : الحمدلله و جلست جنبهم و تعكر مزاج جوري
-
ناظر رند اللي بحضنه و تناظره و قالت : الحين جوري ببطنها بيبي ؟
ابتسم محسن : ايه
رند : ومين تحب انا ولا هو ؟
محسن : احبك انتي
رند : كذاب تقول تحبني و بعدين صرت تحب جوري و الحين بيجي هذا و تحبه
مسك وجهها و باس راسها : انت حبيبتي الاولى و بنتي الكبيرة كيف ما احبك و حضنته
في الجهة الثانيه
ملهم : فستانك حلو
رغد : بسمه اشترته لنا و لفت وجهها تكمل : تدري مين نفس فستاني ؟
ملهم : مين ؟
رغد : قمر ناظر فستانها و كملت : بس حقها احلى و ناظرته : اصلا قمر كلها حلوه
ناظرها : قمر حلوه ؟
رغد : مرا يا ملهم مرا حلوه شعرها طويل و عيونها حلوه حتى ملابسها كلها حلوه تدري عندها بوجهها حبة مرا حلوه هي كلها حلوه
ملهم بهمس : يا حظك شفتيها و انا حتى لمحة ما لمحتها و ناظرها وهي تلعب بيده
-
فتحت اللمبات على الدرج اللي نزلت منه ياسمين رفعت راسها و شافت غسان و راكان و مساعد و سيف ابتسمت و نزل راكان لها و مسك يدها يوديها لسيف
وقفو عندها و قال راكان : ما اوصيك عاد هذي ياسمين اخر العنقود يا ويلك يا سيف تجي لي متكدرة منك يا ويلك يا سيف يا ويلك
ابتسم سيف : ابد بعيوني و اذا تكدرت لا سمح الله ابد سو بي اللي تبي
ابتسم راكان لهم و تركوهم و ما بقى الا سيف و ياسمين وجلسو ممسكين يد بعض
اشتغلت اغنيتهم و لف عليها : لازم نرقص
ابتسمت : لازم
وقفو و مسك خصرها و هي حطت يدها على كتفه و بدو يرقصون
[ كيف نخفي حُبنا والشَّوق فاضح .. وفي ملامحنا من الَّلهفه ملامح
عاشقين ونبضنا طفلٍ حنون .. لو تِزاعلنا يسامح
يَمَّك دروبي .. وكلِّ النَّاس يدروا بي و أنا أدري
كلِّ قلبٍ .. لَه حبيبه و إنتَ مَحبوبي ]
