حبايب گلبي لا تنسون التصويت على البارت قبل القرآءة، والتعليق على الفقرات +متابعه الحساب
#طفولة_مسروقة
#بقلم الكاتبه روح
حساب الواتباد R_oh98
غير مبري الذمه من ينشر القصه بدون ذكر اسم الكاتبة
يولاند:-من كتله ماريد، صار كدام الباب وقطع عليه الطرق
برهان:- ماعرف اكل وحدي تعالي گابليني
يولاند ماريد
برهان:- حته لو بس تكعدين يمي، جوعان كلش احس نفسي راح يغمه عليه، بس ماعرف اكل وحدي
يولاند:- يمه يمه شوف الجذب راح يغمه عليه، هو انته شعرضاتك لو اسبوع تضل بلا اكل هم مايغمه عليك، حجيت بگلبي
برهان:- ها شنو مطوله بالصفنه ترا جوعان والاكل برد
عفته ورحت سحبت كرسي وكعدت، اجه كعد بالكرسي القريب عليه، وبده ياكل وانه كاعد يمه المن مادري
صفنت بأكتافه وحجيت بگلبي ويكول راح يغمه عليه هسه انت جذبت جذب بشي معقول، انت منتبه لكتافك شعراضهن ياكل بيهن السبع يومين، فزيت من صفنتي على مدت ايده كدامي وهوه يحركهه، انتبهت اله مسويلي لفه صغيره بايده الثانيه
برهان:- لهالدرجه انه حلو
يولاند:- شنو
برهان اشوفج صافنه بيه
يولاند:- لا مو بيك بس صافنه بالفراغ ممنتبهه على شنو صافنه
برهان:- ايي صحح، تفضلي، حجاهه ومدلي اللفه
يولاند:- شكراً ماريد
برهان:- اففففا وتردين ايدي الممدوده الج، مايرد الكريم اله البخيل
يولاند:- اخذتهه منه، وضليت اكل بيهه، حجه
برهان :-يولاند يا صف تركتي
يولاند:- نجحت للخامس وتركت
برهان:- حرك شفته بأسف، ارجعي ادرسي
يولاند:- صفنت، ارجع اردس. اقصد ادرس،انه كلت هيج وهذا غص من الضحك وجانت اللكمه بحلكه، غصص وضل يضرب على صدره حيل كمت بلا شعور وضليت اضرب على ظهره، شرب مي وباوعلي، انتبهت النفسي ايدي ضلت على ظهره وانه صافنه مادري شسوي ابتسملي وهوه يباوعلي بنظره حلوه، شلت ايدي من ظهره بسرعه ورجعت كعدت
برهان:- احححم نرجع الموضوعنه، حجه هيج حته يجنبني الاحراج، ماكلتيلي شنو رآيج ترجعين درسين
يولاند:- تريدني ارجع وي الي اصغر مني بسنتين حته اصير مضحكه، حجيتهه وضحكت بقهر
وليش ترجعين وي الاصغر منج بسنتين ادرسي خارجي وانه موجود نتساعد ثنينه
يولاند:- مادري شكلك والله
برهان:- لاتكولين شي محد يفيدج غير شهادتج، ترا البنيه بدون شهاده تضيع محد يفيد بهذا الوقت اذا احتاجيت ترا الناس تنطيك يوم يومين بس بعدهه تسحب ايدهه، اخذي شهاده فيدي نفسج، ولاتكولين ماكو تعيينات لابد بيوم تجيج فرصه وتلكين وضيفه، يولاند:- لاضيعين الفرصه من ايدج،
يولاند:- لا عبالك انه اكره الدراسه بالعكس جنت كلش شاطره بس الظروف جبرتني اتركهه
برهان:- وهسه الظروف نفسهه حبت تنطيج فرصه ترجعين لدراستج
يولاند:- ابتسمت وكتله ماعرف شلون اشكرك
برهان:- بدون ماتشكريني ترا هذا واجبي، گرصني من خدي بسرعه وكام طلع من المطبخ
يولاند:- ضليت باهته بمكاني وارمش بعيوني شنو الصار قبل شويه صحح هوه كرصني لو انه كاعده اتخيل
شويه وطفرت للفوك فتحت الباب ودخلت تمددت على جربايتي وانه شاكه الحلك بالضحكه احس فراشات بطني، بطني شعليهه مادري بس احس فراشات طايره بيهه غفيت بعد تفكير طويل ببرهان الي احس گلبي صاير يدك دكه غريبه گباله،
_____________.____________
أنت تقرأ
طفولة مسروقة
Romanceليس اي طفوله.... هي طفولتي التي لطالما حلمت بتغييرها، طفوله أتمنيى لو آنني عشتها كباقي الاطفال لاهين في اللعب وشراء الحلوى،، قصه ليست كما اعتدتوا عليه من القصص معي انا الكاتبه روح
