__
- الو .. ايوة ياحبيبتي انا نسيت الدبلة ارجع أجيبها ولا اجي وخلاص ؟😁😅
- تيجي فين !🙄
- اجي اقابلك🤷
- بصفتي ايه !!!😏
- هاجيبها واجي علي طول حاضر🤷
_اممممم لو مش عايز براحتک ما الاهتمام مبيطلبش 🙃
_ و علي اي بس نقلبها نكد هرجع اجيبها
_قصدک اني نكديه صح
_لا انا النكدي و بتاع مشاكل كمان
_ و بتاعه مشاكل كمان !!!
_ثانيه و هكلمك
_ كمان
_الو يا حبيبتي
_افندم
_ انا جاي اهو مش هتأخر عليكي اجيبلک كريب كرانشي و لا استربس
_هات كرانشي و متنساش
_ كاتشب و مايونيز و ميكس جبن و بيبسي القمر نفسوا ف حاجه تاني
_ لا كفايه كدا
_طب يلا اجهزي بقي
_طيب
_________
_ يلا انزلي
_ نازله
_وحشتيني 😉
_ لا و النبي 😏
_اه و النبي دا انا قلبي دايب و محتاج رضا الحبايب😂
_لا يا شيخ اي هتاكل عقلي بكلمتين 🙄
_طب ينفع تلاته🌚
_حمززززة 🙄😏
_قلب و عيون و روح حمزة ♥️
_ انا كدا هتثبت يعني ؟
_بصي انتي لو الهوا منعكش حواليكي قوليلي و انا ارتبه عايزين ننول الرضاااا 😉
_يلا هنتأخر
_ يلااا بينا يا ستي بسم الله
_حلو الكريب
_ اوي اوي
_الف هنا يا روحي
_تسلم
_ساكته ليه
_بفكر
_بتفكري ف اي
_مش عارفه
_مش عارفه بتفكري ف اي
_مش عارفه انا صح و لا غلط
_ طب ما تحكيلي
_ مش عايزه اخسرک
_ يعني اي تخسريني
_ مش عايزه اظلمك معايا
_ممكن تفهميني ف اي
_ مش عايزه اكمل
_ خلاص يلا نروح يبقي احسن من دوشه الفرح و كدا
_مش اقصد كدا
_ تقصدي اي
_مش عايزة اكمل معاك
_ انتي بتهزري صح
_ لا مش بهزر
_ ليه
_ عشان انا عايزه كدا
_عايزه كدا انتي مش بتحبيني
.......
_ما تردي عليا
_ممكن تروحني
_انتي بتهربي مني و لا منك
_ الاتنين
_ طب و ليه
_ حمزة لو سمحت دي رغبتي
_و انا مش هسيبك
_ و انا مش عايزاک
_ كلامي مع اهلك
_ هتجبرني ع حاجه مش عايزاها
_ اجبرك!
_روحني
__________
_رجعتوا ليه في اي يا حمزه نور مالها
_ بنتك يا ماما عايزه تسيبني
_تسيبک ازاي دا انتوا فرحكوا كمان شهر
_قوليلها
_ يا حول الله يا رب
_ يا ماما انا بحبها دي حياتي هي ليه عايزه تاخد روحي مني انا عملت اي
_ مش عارفه يا ابني اقولک اي
نور_ اتفضل
حمزة _اي دول
نور_ حاجتک
_ ليه كدا يا بنتي
حمزة_ انتي ف وعيک
نور _ جداا
حمزه _ انا همشيى بس خليكي عارفه ان محدش هيحبك قدي
__________
_الو
_ اي دا بتعيطي ليه
_انا و حمزه سيبنا بعض
_ برضوا انتي مش بتسمعي لحد خالص
_ انتي عارفه ان مش هينفع اكمل
_ و ليه ما ينفعش
_ ليه اظلموا
_ و انتي كدا مش بتظلميه
_ لا انا هخليه يكرهني
_ انتي كدا بتدمري نفسك و هو معاكي
_ انا بحبوا بس ليه هو اليشيل
_ عشان هو بيحبك يا عبيطه
_ انا عايزه اشوفوا مبسوط
_ و انتي كدا هتخليه مبسوط
_ مش عارفه
_ العندك مش اخر الدنيا و لا الطريق ربنا قادر ع كل شئ
_ دا سرطان يا مريم الله اعلم هعيش و لا لا
_ اي سرطان
_ اقفلي يا مريم دلوقتي
_______
_سرطان و متقوليليش انتي ازاي تخبي عليا
_ يا ماما انا
_ انتي اي طب عرفتي ازاي و من امتي
_ اهدي بس
_ معنديش غيرك يا بنتي
_ الحمدلله يا ماما انا احسن من غيري
_ الحمدلله بس قلبي موجوع عليكي
_ هبدأ علاج من بكره
_ يا رب راضيين بقضائک اجعل فيه الرحمه و اشفي بنتي الوحيده
_ خدي يا ماما
_ اي يا حبيبتي
_ احلفي علي المصحف ان مش هتقولي لحمزة
_ انتي سيبتي حمزه عشان كدا
_ اه يا ماما انا بحبوا ة مش عايزة اظلموا معايا
_ بس هو بيحبک
_ عارفه و عارفه ان لو عرف مش هيسيبني بس حرام ليه ياخد واحده زيي شعرها مش هيكون موجود يا عالم هتعيش و لا لا
_ بعد الشر عليكي ي بنتي
_انا محتجاه جمبي بس انا مش انانيه
_ حاضر مش هقولوا حاجه
__________
مريم _ اوعي تخافي احنا معاكي خليكي قويه
فاطمه _ خليكي واثقه ان ربنا معاكي و ان شاء الله هتكوني كويسه
نور_ممكن تسيبوني لوحدي شويه
مريم _ انتي كويسه
نور_ اه
وحشتني اوي يا حمزة انا اسفه اني جرحتك و كسرتك بس اعمل اي مش هقدر اشوف نظره الوجع ف عينك و لا هقدر ادمرلك حياتك معايا انا عايزاك مبسوط
يا رب انا مش زعلانه اني تعبانه و الله بس انا انا خايفه اوي خايفه علي امي و خايفه ع حمزة حتي مريم
قويني يا رب
_ جاهزة
نور _ اه
_____
_بقالك اسبوع مش بتروح الشغل
حمزة_مليش نفس اعمل اي حاجه
_ ليه يا ابني خلاص واحده و راحت
_ دي مش اي واحده دي حبيبتي الاولي و الاخيره قلبي دا مش ملكي
_ بكره تنساها زي ما هي باعتك كدا
_ انا مش هنساها و اكيد في حاجه غلط هي ما تعملش كدا
_ يا ابني انا عايزة مصلحتك و شقتك و حاجتك جاهزين اتجوز ملك بنت خالتك
_ جواز مش هتجوز دي حاجه نور لنور و بس مفيش واحده هتدخل الشقه دي غيرها و بعد اذنك ما تفتحيش معايا الموضوع دا
_ ريح قلبي يا بني
_ قلبك هيرتاح بتعب قلبي يا امي يرضيكي طب نور تهون عليكي
_ ما انت هونت عليها يا بني
_ نور بنتي و انا عارفها هي اكيد
