رهينه الضالم
بنات كلش اسفه ع تطويل القصه بس والله عندي امتحانات وادعولي بل نجاح 🥺🤍🤍
ـــــــــــــــــــــــــــــــــــــــــــــــــــــــــــــــ
يلا نبلش القصه
ضرغام : يلا هوس كملتيي
.. اي كملت بس شويه اعدل الحجاب
.. يلا يعمري انتي بدون كلش حلوه
.. ضرغام كتلك اوكفف بس شويه
.. يلا متانبج بنيتي
.. عدلت حجابي وشعري طالع ونزلنه اني وضرغام سوه تلكتنه خالتي كامت تهلهل وطلع ضرغام يم الزلم واني رحت يم البنات ساعدت شويه صحيح هنه مقبلن بس هم ميصير وانيمن زمان عايشه وياهن ساعدتهن وكملنه ورحنه كعدنه بل هول وضلينه نسولف جانت كاعده زهور اسمها زهراء بس اني اسميها زهور اي وفاطمه الجبيره اخت ضرغام وبنات عم ضرغام
فاطمه اخت ضرغام مزوجه ابن عمها بل بصره وبيت عم ضرغام كلهم من البصره بس ضرغام وامه وعلي اخو وزهور بغداد لئن شغل ضرغام ابغداد فجاب اهله يمه علمود ما يصير الطريق علي طويل من البصره البغداد
فزره مكملنه شغلنه وهاي طشرو العالم بقو بس اهل البصره عمات ضرغام وعمامه احنه البنات صعدنه فوك بغرفه زهور شويه واجت بت حما فاطمه صغيره يطلع عمرهه ب 5 او 6 سنين بس مدنفشه اجنن كالت : عمه هوس هذا عمو ضرغام دزها الج
واطتني علاكه متروسه حلويات
كالت فاطمه بشقه: جا واحنه هم مضمونين لو لا كلت الها واني اضحك: اصلن كلهن الج حبيبي كالت: لا ولج اشاقه الف عافييه
طلعت الحلويات وكعدنه ناكل كالت بت عم وتصير هم بت عمي ضرغام: يابه ع الدلال تستاهل سوسه ضحكت وكتلها شكرآ يعمري كملنه سهرتنه شويه واجه ضرغام كال: يلا عيني ما ناويه ادخلين للغرفه
درت وجهي ع بنات وكتلهن هسه اجي ورحت وره ضرغام للغرفه كتله: ضرغام حباب خلي اضل يم البنات مقبلل كال لا عليوي واني وين انام كلته: ضرغاااام لا اتكول عليوي اني مو ولد علمود تصيحلي عليوي كال: يلا عليوي كلبي تعال نام
كتله واني الدمعه بطرف عيني: حباب خلي اضل يم البنات كال وخوه يتقدم عليه ويكمش ايدي: لا بنيتي واني منو ينومني يلا تعال طفي الضوه وتعالي رحت يمه طفيت الضوه ونمت بطرف الجربايه واني الدمعه بطرف عيني وما تغطيت ويا شويه واجه سحبني الحضنه كال شنو عليوي زعل
كتله واني اريد ابجي ومبرطمه شفتي: اي يلا خلي اروح يم البنات هوه بس اليوم وباجر يرحون مقبل شبكني وكال: نامي يا روح روحي نمت بحضنه وشبكته حيلل وحطيت راسي بركبته ونمت كعدت ما لكيته موجود شفت الساعه ساعه 11 كلت: عزززا اشكد نايمه والله عيب وانوب ضرغام ما كعدني كمت سبحت وبدلت ومشكت شعري ونزلت لكيتهم هستوهم متريكين صبحت عليهم ونزلت
