🍃 مشاعر_صامتة 🍃| ( مكتملة )

🌛بارت 51 🌜

🌺مشاعر صامتة🌺
                   بقلمي✏️: خولة غزالي🌹
            

شافت ليه فعينيه لي كيشوفو فعينيها مسحات دموعها و تمات راجعة لفيلا طالعة ناحية غرفتها كفاية هادشي لي شافتو ليوم و لي سمعاتو من عندو ضرها قلبها بجهد سامحة فلغدا ماغاديش تقدر تجلس مع شي حد و تنافقو بابتسامتها خاصها على اقل تفكر و تعاود تنظم افكارها و خصوصا افكار لي متعلقين بيه هو
خلاتو هو واقف فبلاصتو حضاها تا مشات و زير على يديه هضرتو بقا كضور فودنو حس براسو قسا عليها بزاااف، علاش ،هو براسو ماعرفش علاش لي عارف انه كان شي حد اخر كيتصرف فبلاصتو بحال الى ماشي هو
تنهد حك لحيتو بخفة و نطق ببرود كيف لعادة و ليد لاخرى حاطها على قلبها : كان عليك تخليها تمشي لاش شدتيها لاش
ركل برجلو كرسي محطوطة حداه و نطق بغضب: مييييغد لاااش كنتصرف هكا و لاش كنحس بهادشي مزيرني لاااش
هدن راسو عض حنكو من لداخل خدا نفس و تم داخل لفيلا بحال الى ماشي هو لي عاد كان معصب و حالتو حالة بالعكس كيبان بارد و هادئ

💥تسريع الأحدات💥

دازت 15 ليوم من نهار جات لڤيلا هاد ليام كانت كافية تخلي لجرح يبرى ليه تامن لخيط حيدو طول هاد لمدة و هي مراقباها ليه و كتحاول مدويش معاه بزااف فلول كانت واخدة موقف من هضرتو ولكن فيمات اخيرة نسات موضوع بالكامل و مع دلك كتحاول تفداه واخا هاد امر بالنسبة ليها شبه مستحيل حيت كان ضروري دير واجبها كيف اي طبيبة نهار على نهار كتعلق بيه كتر و كتر شي حاجة فيه كتخليها تنجادب ليه واش شخصيتو عصبيتو هدوء ديالو غموضو او ختوريتو معرفاتش لي عارفة انها كتبغيه بزااف و هاد لحب بدا كيضرها و كيعدبها بجهد خصوصا انها عارفة هاد نهار هو فين غادي ترجع لدارها و لروتينها ولفات برودو ولفات نظراتو هادئة ولفات طبعو لخاتر اتجيها صعيبة تبعد و لكن هدا هو الحل بالنسبة ليها حيت قربو عدبها مامهتمش بيها نفس لبرود و نفس هدوء طول هاد أيام غير شافت جرحتو ولات بيخير فضلات تنساحب
تنهدات و هي كتشوف فگارد منزلين ليها ڤاليز ديالها  تقدمات بخطوات هادئين ناحية ديال غرفة ديالو دقات ملي سمعات استأدان ديالو دخلات بان ليها واقف فلبالكون و عاطيها بظهر لابس سروال سورڤيط و لفوق عريان سرطات ريقها بحرج تقدمات ناحية ديالو و نطقات بهدوء
الاء: موسيو ناصر
هو كان كيشوف فجردة و ساهي شي حاجة فيه لداخل مبدلة معرفش اش بقا فكرة ديه و فكرة تجيبو تالقا راسو كيفكر فيها فضحكتها فنظراتها بريئة فحشمتها توترها غضبها هدوئها اي حاجة فيها كتجدب شخص خصوصا براءة ديالها هاد مدة كلها كيحاول يتجاوزها و يتفداها و لكن ديما نظرات ديالو كيخنوه ماباغيش يفكر سبب ديال هاد احاسيس حيت عارف مزيان اش غادي يعنيو الى طلقهم و خلاهم يدويو غادي يولي فشي حوايج هو ماباغيهمش الى طلقهم ايطورو كتر و غادي تولي نقطة ضعفو فين عمر عميد ناصر كانت عندو نقطة ضعف اللهم يقمع احاسيسو قبل مايفوت لفوت
سمع دقان عرفها هي ولا حافظ كولشي عليها تامن طريقة دقانها لي هادئة بحالها
شم ريحتها و حس بيها قربات ليه شوية تلفت لعندها ملي سمعها نطقات ،كيشوف فيها ببرود شاف فعينيها نيشان ملي طلعات راسها و حاولات ماتشوفش فيه و هو عاري قدامها
ألاء: احم انا غادي نمشي دبا
شاف فيها بجدية و ليديه خاشيهم فجيبو نطق بهدوء: بامكانك تبقاي جالسة شحال ما بغيتي تانشدو مجرم
نطق هاد هضرة و معارفش كيفاش نطقها هو باغيها تمشي باش ميبقاش قلبو يضرب بديك طريقة ملي كيشوفها او كيشم ريحتها ولكن دبا ملي تحط امام امر واقع مزال باغيها تبقا كتر بغا يدير سبا بجرح ولكن برا ليه
شافت فيه بحزن كفاش باغي يعدبها كتر من هكا واش هو عديم احساس لهاد درجة نطقات بهدوء: كنقدر هادشي ولكن كنفضل نمشي حيت كنظن مجرم ايكون فقد امل انه يلقاني فدار
ياله اينطق تا صونا تيلي ديالها خرجاتو من ساكها و جاوبات ملي شافت شكون : اناس
اناس بحنان: هبطي انا لتحت
بتاسمات ببراءة : واخا هاني هابطة لعندك
قطعات عليه و شافت فناصر لي كيشوف فيها بنظرات مامفهومينش نطقات بحنان: شكرا بزااف على اي حاجة اموسيو نخليك دبا

يتبع...✏️

شي كلمة فحق هاد بارد 🙂ياله البنات ارائكم زعما صافي ايخليها تمشي و الى مشات واش ايسالي هادشي كلو 🤔