الفرعونه الصغيره

٤ _ تقرب العائلتين

رواية الفرعونه الصغيره
بقلم إيمي
Emy Boss
الجزء الرابع
سامي : لكن لو كان ليك اولاد
كنت ترضى بنتك تشتغل في الورشه
عمي عماد : مش عارف
نظر سامي لمريم : ترضى انتي يا حاجه بنتك تشتغل في ورشه
مريم بدموع : اه
لو بنتي فرعونه كنت وافقت
سامي بغضب : بس انا لا
بنتي مش عاوزها تتهان
عمي عماد بابتسامه خفيفه وهو ينظر لفرعونه : تعرفي يا فرعونه
لو انتي بنتي
كنتي عيشتي ملكه
تطلبي وتؤمري
وانا انفذ طلباتك
مفيش اهل بيحبوا يتعبوا اولادهم
بس هقولك على سر
انتي ضيعتي من اهلك
لكن انا ربنا حرمني من الأولاد
مش كل حاجه بتاخديها
علشان كده كان نفسي يبقى عندي بنت حلوه زيك
حتى لو ضربتها
او زعلتها
لكن كفايه انها تقولي بابا
هنسي هموم الدنيا
ونظر لسامي
أنت ربنا هيباركلك في صحتك وفي مالك
علشان ربيت فرعونه
رغم أنها مش بنتك الحقيقيه
بس ما اتخليت عنها
ونظر لفرعونه
لو مش الراجل ده حضنك ورباكي
كان زمانك مشرده في الشوارع
لكلاب السكك تنهش في لحمك
كفايه انك عايشه في امان في بيته
كل ده ونظرات الغضب في عيون فرعونه لسامي مستمره
سامي : خلينا نروح يا بنتي
وربنا يهديكي
فرعونه : مش هرجع
ولو اجبرتني
مش هتلاقيني تاني
ومش زي المرات اللي فاتت
مريم : عيب يا بنتي
اسمعي كلام ابوكي
عمي عماد : انا عندي الحل
سيبها امانه عندي
هشغلها معايا ومش ههينها
وبعدين زمنا غير زمنهم
البنات دلوقتي بتشتغل كل حاجه
سامي : مستحيل
فرعونه : وانا مش هرجع معاك ولا هعيش في بيتك تاني
عماد نظر لمريم: خدي فرعونه جوه
لحد ما اكلم ابوها
دخلت فرعونه ومريم بغرفه
وبدأ عماد يقنع سامي ان فرعونه تشتغل معاه
واتفق معاه أن بعد يومين هيلاقي شاب يشتغل معاه
ويمشيها
ووافق سامي بعد الحاح عماد
خرجت فرعونه ومريم بعد شويه
عماد : ابوكي وافق
فرعونه وهي تنظر بعيون سامي : لتكون مفكر أن يومين وهمشي وينتهي الموضوع
حتى لو مشيت من عند عمي عماد
هلاقي شغل تاني
وهشتغل وهحقق احلامي
والجواز واللي في دماغك ده تنساه نهائي
عماد مسك سامي علشان يسكت
وحاول يغير الموضوع
عماد : انت عندك كام طفل
سامي : ٢٥
سامي : قصدي ولادك الحقيقين
عماد : ٢٥ بنت مش من دمي
بس هما بناتي الحقيقين
ربنا حرمني زيك من الأولاد
بس عوضني ب ٢٥ بنت زي القمر
مريم : وقادر على تربيتهم لوحدك
سامي : معايا زوجتي بتربيهم معايا
مريم بلهفه : ممكن ابقى اشوفهم واقعد معاهم
سامي : تنوري في اي وقت
وانت يا عمي الحاج
انا آسف على اللي حصل
عماد : هههههههه
عمي الحاج
مش شايف الصليب اللي على الحيطه ده
سامي : معلش والله مأخدتش بالي
انا بس محترم سنك
عماد : قولي يا عمي عماد
سامي : ماشي يا عمي عماد
خلينا نروح يا فرعونه
فرعونه : هروح الورشه
سامي نظر لعماد : تمام
روحي الورشه
وبعد ما هخلص شغل هعدي عليكي نروح سوا
مبسوطه يا فرعونه
فرعونه : تمام
سامي راح لفرعونه علشان يراضيها
بس مقدرش يمسك دموعه وحضنها
سامي : انتي بنتي الكبيره
اول بنت تقولي يا بابا
بخاف عليكي
ومش عاوز ازعلك
لسه زعلانه مني يا مريومه
وَلأول مره من سنين
فرعونه تسمع اسمها الحقيقي
بدأت دموع فرعونه تنزل
سامي انصدم لما شاف دموع فرعونه
سامي : ليه الدموع دي
فين فرعونه اللي عمرها ما بتعيط
فرعونه : لاني من سنين اول مره اسمع اسمي منك
سامي : بس كده
ممنوع حد ينادي لبنتي فرعونه تاني
فرعونه : بس مش مسموح لحد يناديني مريومه غيرك
سامي : ليه
فرعونه : لان بستمد قوتي من اسم فرعونه
يعني قدام الناس اسمي فرعونه
سامي مسح دموعها
سامي :
حاضر يا احلى فرعونه
هروح الشغل واجي اخر النهار نروح سوا
فرعونه : هنتظرك
عماد : يلا بقى على الورشه
لأنها مفتوحه ومحدش هناك
فرعونه : حاضر
وسامي راح على شغله
وفرعونه وعماد راحوا الورشه
عدي اليوم على خير
وكانت فرعونه ملتزمه في عمل الورشه
وكانت بتروح المدرسه يوم في الاسبوع
كانت فرعونه بتحب المهنه دي جدا
ومع الوقت اتعلمت بسرعه
وعماد كان بيدور علي شاب يشتغل معاه بدل فرعونه
وكان دايما سامي بيجيب فرعونه الشغل ويروحوا سوا
ومع مرور الوقت اتقربت العيلتين
وكانت مريم معظم وقتها في بيت سامي
بتهتم بالبنات مع عبير
لتعوض شعور الامومه اللي محرومه منه
لحد ما بقى روتين يومي
مريم وعبير يهتموا بالبنات
والرجاله يخلصوا شغل ويتعشوا سوا مع البنات
وفي يوم
عماد قال لسامي انه لقى شاب يشتغل معاه
وخايف يقول لفرعونه علشان هتزعل
سامي : فرعونه بقت بنتك
وانا مطمن وهي معاك
عاوزها تكمل معاك خليها
عاوزها تسيب الشغل قولها بهدوء
وهي مش هتزعل
مادام كنت متفق معاها
عماد : خلاص خليها معايا
هي شاطره وبتتعلم بسرعه
فرعونه سمعت حوارهم بدون ما ينتبهوا
فرعونه بابتسامه خفيفه : بجد هتخليني اكمل شغل معاك
سامي : اخيرا شوفنا ضحكتك الحلوه
عماد بابتسامه : اه هخليكي معايا
مبسوطة يا بنتي
فرعونه : طبعا مبسوطه
عماد : نادي لأمك مريم علشان نروح
فرعونه : حاضر
تاني يوم
عماد لفرعونه : خلي بالك من الورشه هروح اوصل مريم عندكم البيت واجي
امسحي العربيه دي ولمعيها
ولما صاحبها ييجي
خليه يجربها
تاخدي منه ٦٥٠ جنيه
فرعونه : حاضر
مشي عماد
وصاحب العربيه وصل
اسامه : هو فين عمي عماد
فرعونه : جرب العربيه
وابويا بيقولك حسابها ٦٥٠
كان اسامه معاه شاب تاني اسمه احمد
لم ينزل عيونه عن فرعونه
لكنه كان صامت
اسامه : نفسي اعرف ابوكي ازاي
وهو مسيحي
وانتي دايما لابسه الحجاب
يعني مسلمه
ازاي ابوكي بقي
ما اهتمت فرعونه بكلامه وكملت تلميع العربيه
اسامه : مش هتقولي لي انتي مسلمه ولا مسيحيه
نظرت له فرعونه نظرة غضب
اسامه : انا ليه حاسس اني شوفت العيون دي قبل كده
وفجأة داست فرعونه بقدمها على رجل اسامه  بغيظ
اسامه بتألم : اه اه اه
انتي مجنونه
هرستي رجلي
فرعونه : هتجرب العربيه
اسامه : انتي انسانه مش محترمه
فرعونه : الحساب ٦٥٠
ومفتاح عربيتك اهو
اسامه : انتي........
أحمد : اتفضلي حسابك
ونظر لاسامه : خلينا نمشي
اسامه : لازم تعتذر على اللي عملته
وراح لفرعونه علشان يتخانق معاها
فرعونه بغضب : حابب تنضرب تاني
شكلك نسيت مين هي فرعونه
اسامه بذهول : فرعونه
انتي......
أحمد سحب اسامه : خلينا نمشي
حاول اسامه يتخانق مع فرعونه
لكن احمد سحبه من ايده
واخدوا العربيه ومشيوا
لا تنسوا التصويت للروايه اذا اعجبتكم
هذا يعطيني حماس لاستكمالها