رواية الفرعونه الصغيره
بقلم إيمي
Emy Boss
الجزء الخامس
عدت الأيام
وعماد ومريم بدأوا يدوروا على شقه قريبه من بيت سامي
سامي : سامي عرف
سأل عماد : ليه هتسيب بيتك الكبير ده
وتيجي تعيش في شقه صغيره
عماد : احنا تعبنا كل يوم رايحين جايين
قولنا نيجي نعيش جمبك بدل التنقلات
سامي : بينا قريه واحده مش بعيد
عماد : بس كل يوم بجيب مريم ونيجي نتغدى وارجع اخدها علشان نروح
لكن هنا هنبقي جمبك
مريم شاورت لعماد علشان يتكلم
لكن عماد شاور انها تسكت
لاحظ سامي
سامي : في إيه احكوا
مريم : انا بقول....
قاطعها عماد : قولت مفيش
سامي : احنا بقينا اهل
أكلنا وشربنا مع بعض شهور
مريم : انا هقولك
ايه رأيكم تنتقلوا انتوا عندنا
بيتنا كبير وتلات ادوار
هيقضينا كلنا
وهو مش هيضطر يروح ويجي
وانت كده كده بتروح الشغل مواصلات
يعني مش هتفرق معاك
عماد بغضب : مش قولت اقفلي على الموضوع ده
سامي بتردد : وهو رافض تكلميني ليه
مريم : علشان احنا مسيحيين وانت هترفض
سامي : هههههههههههههههههه
داحنا عايشين سوا
صومنا معاكم
وانتوا صومتوا رمضان معانا
وانا راجل ملتزم بديني
وديني بيقول
( لكم دينكم ولي دين )
ربنا محرمش اننا نقاطعكم
مريم : يعني موافق تنقلوا عندنا
سامي : الموضوع مش سهل
في مدارس ودروس للبنات هتتنقل
وفرش وحاجاتهم
عيشه كامله هتنتقل
وبعدين
اخاف اضايقكم
انتوا واخدين انكم تعيشوا براحتكم
عماد : احنا بس بنام هناك
عيشتنا كلها هنا
وبعدين بيتي اكبر من شقتك
يعني البنات هتاخد راحتها اكتر
وعندي جنينه ممكن يلعبوا فيها
البنات هتاخد راحتها اكتر هناك
سامي : والبيت ده اعمل فيه ايه
عماد : أجره
هتاخد فلوس تساعدك شويه
نظر سامي لعبير : اي رأيك يا عبير
عبير : اي مكان بناتي فيه هعيش فيه
مريم : البنات خلصت امتحانات
فاضل فرعونه هتبدأ الاسبوع الجاي وخلاص
أنت قرر بقي
سامي : شكلكم متفقين اصلا
هقول ايه بقي
عماد : من وقت ما سمحت ليا انا ومريم اننا نهتم بالبنات معاكم
واحنا اخدنا قرار
ان نعيش على الحلوه والمره سوا
من يوم ما دخلنا البيت ده
ورزقي زاد الضعف
تعرف ليه؟
لأنه مش رزقي
ده رزق البنات
بس ربنا باعته عن طريقي
يعني انا سبب مش اكتر
سامي بعد تفكير : خليني اسأل كل البنات على رأيهم الأول
البنات بصوت عالي : هييييييييييه هيييييييه
سامي بابتسامه : شكلي انا آخر واحد يعرف
البنات بدأوا يسألوا هينتقلوا امتي
سامي : اصبروا على ما اختكم تخلص امتحانات
فرعونه : متحملش همي
ابدأوا في نقل الحاجات
وانا هذاكر مش هتلغبط
بدأ الحماس في البنات اكتر
سهيله : انا هجهز شنطتي
هنا : وانا هساعد ماما في المطبخ
آلاء : وانا هجهز شنط اخواتي الصغيرين
قاطعتهم عبير : اهدوا....... اهدوا
مش هننقل بكره
لسه البيت هناك عاوز يتنضف الاول
مريم : بكره هجيب ناس تنضفه
سامي : مع بعضكم بقى في الحاجات دي
المهم فرعونه تهتم بامتحانها
ومحدش يلغبطها
مريم : احنا هنظبط كل حاجه
بدأت مريم وعبير يتكلموا على النقل
عماد لسامي : انت متعرفش ازاي فرحتني النهارده
كان هم على قلبي واتشال
سامي : احنا قربنا على السنه مع بعض
يعني لما يكون في حاجه كلمني وانا هحاول اشوف اللي يريح البنات
أنت بقيت ابوهم بردوا
( وبصوت هادئ ) بس على وعدنا
عماد هز رأسه : على وعدنا
عمري ما هخلي الديانه سبب مشكله بينا
سامي : متزعلش مني
عماد : لا
وزي ما بتقول لي دايما ( لكم دينكم ولي دين )
سامي : كده هنفضل اخوات
وولادي هما ولادك
عماد : ربنا يديمها نعمه
تاني يوم
بدأ الجميع في الاستعدادات للنقل
وفرعونه انشغلت بامتحاناتها
وفي يوم من الايام
فرعونه وهي راجعة من الامتحان
لاحظت شاب دايما ينتظر أمام المدرسه
ويمشي خلفها لحد ما توصل شارع البيت ويختفي
ومع تكرار الموقف
قررت تحكي لعماد
فرعونه : بابا
عماد : نعم يا بنتي
فرعونه بهدوء : لاحظت شاب بيمشي ورايا بعد ما اخلص امتحان لحد اول الشارع ويختفي
وغيرت الشارع لقيته بردوا ورايا
يعني مش صدفه
عماد بهدوء : قولتي لابوكي
فرعونه : لا
أنت عارفه عصبي
وممكن لو شاف الشاب يمسكه يموته
عماد : خلاص انا هتصرف
امتحانك بكره
همشي وراكي وانتي راجعه من الامتحان
واتأكد بنفسي
واحل الموضوع
سامي : انتوا بتتكلموا في ايه
اتخضت فرعونه وعماد
عماد : مينفعش نتكلم مع بعضنا
سامي : بس هي اتخضت
بتتفقوا على ايه من ورايا
عماد بارتباك : أسرار بين الأب وبنته
ايه اللي مدخلك
سامي : دلوقتي بقيت انا اللي دخيل
فرعونه بتوتر : انت ابي الغالي
مفيش حاجه
بنتفق على النقل والبيت الجديد
سامي بعدم اقتناع : هحاول أصدق
عماد : قومي ذاكري
امهاتكم زمانهم راجعين دلوقتي من البيت هناك
وهيكونوا تعبانين
هقوم اجهز العشا على ما يوصلوا
سامي : وانا هجهز معاك
يالا بينا
تاني يوم
راحت فرعونه الامتحان كعادتها
ولما خرجت
لقت الشاب واقف بردوا منتظرها
فرعونه في نفسها : يارب بابا يكون موجود
حاولت تدور عليه
بس خافت الشاب ينتبه ويخاف ويختفي
فمشيت كعادتها
ودخلت من شارع غير الشارع اللي بتمشي منه
وفعلا لقت الشاب وراها
وفي لحظه ظهر عماد ومسك الشاب
رجعت فرعونه بسرعه
وبدأ الشاب يحاول يجري
بس كانت قبضة عماد أقوى منه
كل ده وعماد بيحاول يمسكه جامد علشان يعرف هدفه
حاولت فرعونه تخلع نظارته والكاب اللي لابسه
وفعلا قدرت تشيلهم
واتصدمت اول ما شافته
عماد انصدم اكتر منها
لا تنسوا التصويت للروايه اذا عجبتكم
أنت تقرأ
الفرعونه الصغيره
Детектив / Триллерفتاه صغيره ضاعت من أهلها وهي صغيره لتواجه الحياه مع الكثير من التنمر ليكسبها قوه تستطيع التفوق وتحقيق احلامها لتقابل فتى كانت تظن انه يتنمر عليها لكنه في الحقيقه كان يحميها وحينما تكبر ترفض الارتباط به ليبدأ رحلة إقناعها في الارتباط به لكن تأتي الر...
