🍃 مشاعر_صامتة 🍃| ( مكتملة )

🌛بارت 56 🌜

🌺مشاعر صامتة🌺
                   بقلمي✏️: خولة غزالي🌹
             
ألاء علات عويناتها دابلين فيه تنهدات بحزن و نطقات: ماماليش علاش
اناس حط ليديه على كتفها و نطق بحنان: الاء حالتك ماعجباتنيش من نهار رجعتي من لڤيلا
ألاء بتاسمات باستهزاء و نطقات بعياء: لهاد درجة باينة فيا
أناس هنا تأكد انها كاينة شي حاجة نطق بجدية: اش واقع ا ألاء نطقي
و ياله اتنطق ألاء تا تلفتو بجوجهم لصوت هادئ لي سمعو : ختي سمحي ليا نسولك
تلفتات ألاء بانت ليها بنت لابسة لبسة ممرضات كانت طالقة شعرها زعر شافت فيهم بعويناتها لخضرين كتشوف بتوتر
بتاسمات ليها ألاء و نطقات بحنان : تفضلي اا
نطقات لبنت بابتسامة هادئة: حنان
ألاء : متشرفين معاك دكتورة ألاء
نطقات حنان و هي خابطة ليد مع ليد: و هادشي لي بغيت
ألاء كمشات عينيها بإستغراب: كفاش
حنان نطقات بإبتسامة: اا اه سمحي ليا زربت عليك، واحد ممرضة خرجات قالت ليا كلمي دكتورة ألاء راه عندها مريض كيتسناها فلبيرو ديالها
نطقات ألاء و هي كتشوف فساعة: 8:30 هادي اشمن مريض
شافت فيها و كملات كلامها: انتي غير سيري شكرا
نطقات حنان قبل ما تمشي: مرحبا
مشات حنان ألاء شافت فصقف و نطقات: مهم اناس انا راه انمشي بان ليا انتعطل غير سير نت صافي و من بعد نعاود ليك
شافتو ماجوبهاش كمشات عويناتها و شافت فيه بان ليها سيد ماكيرمشش و غير ساهي حركات ليديها قدام عينيه والو ماتحركش قربات لودنو و نطقات مجهد
ألاء: واااع اناس
أناس قفز شاف فألاء و نطق وعينيه كيلمعو: ألاء كتأمني بحب من اول نظرة
اااه اأناس و تعرف هاد سؤال اش دار فيها رجع ليها أوجاع تنهدات و نطقات بتبات
ألاء: اودي علاش هاد سؤال
نطق أناس و هو كيشوف فعينيها و كيطبطب على قلبو: حبيتها ا ألاء وليت كنبغيها ما كاين ما ولكن
ألاء شافت فيه بعدم إستعاب: اتا مالك تلفتي شكون هادي
اناس بدا كيحط فطبليتو و نطق بجدية: الاء انا هاد حنان اتكون مرتي بربي منتزوج من غيرها
ألاء حلات فمها بصدمة : اويلي تصطيتي
فين هو أناس راه طار يقلب على مدام ديالو خلى ألاء مصدومة تحركات و هي غير كدوي مع راسها حلات باب لبيرو و تمات داخلة و تدوي سطاها صافي
ألاء: زوينة هادي قال ليك بغا يتزوج
غلظات صوتها و نطقات : بربي منتزوج من غيرها
رجعات صوتها لأصلي و نطقات و هي كتحط فطبيلتها: لا زوينة هادي بقا ليه غير زواج و الله الى بغا يسطيني
...: شكون لي غيسطيك ادكتورة
وقفات جامدة عينيها موسعاهم بصدمة مامتيقاش ودنيها اش سمعات صوتو هدا راه متأكدة تنسى كولشي تال صوتو مستحيل يكون هو ،توقف زمن بيها للحظة تلفتات بشوية لقاتو واقف متكي على لحيط لي فيه لباب مربع ليديه و عاقد غوباشتو كيبان فيه معصب

🔥نظراتك تحيي الفؤآد ونبضه
        وتثــير نارآ تغتلي بعظــامي
وكأنك محـور الكون وقـلبه
        تدور حولك أفلاكي ونظـامي🔥

مقدراتش تدوي صافي جمدات كانت متوقعة كولشي تال تعاود تشوفو مرة خرى هو فالمقابل داك لغضب كلو تلاشا عينيه سوداء غير فعينيها لعسليين متزعزعوش اسراتو. تقدم لعندها و بقا كيشوف فيها مكرهش إعنقها دبا مي متجرأش توحشها بزااف لواحد درجة كبيرة كفاش ايقول ليها ابنت ناس طول هاد سيمانة ما شفت راحة فيما نحط راسي لمخدة نعس كتباني ليا نتي وليت فيما نتوحشك لحد جنون نغمض عينييا باش نعس و نشوفك

لو اني اعرف بان الحلم يجمعنا لأغمضت طول العمر اجفاني🌹🌹

حاول يرتب مشاعير ديالو بعد تا شبع و مقدرش اصبر بغا وقت باش يعرف راسو واش كيبغيها و لكن لقا راسو ماشي غير بغاها راه هواها لواحد لحد بزااف كان مراقب أخبارها و لي خلاه اتحرك دغيا هو قربها لأناس بهاد طريقة غار لواحد درجة لي كبيرة

🌿🌹 في عشقك .......
     🌿🌳 لا اقبل ان ينافسني فيك احد .
          🌿🌹 انت لي وحدي ......
                🌿🌳 نظراتك وابتساماتك ...
                     🌿🌹 وضحكاتك .......
                          🌿🌳 وهمساتك ......

يتبع...✏️

واش عتارف لراسو ولا غير جاب ليا الله 🙂