جمرة الزمان

بارت 13

الكاتبه بنين احمد
جمرة الزمان

................
ليس هناك اقوى من شخص مكسور يعيد بناء نفسه ♡
......................

حيدر.. رحت مسحت دموعه وحضنته كامت تبجي اريدهة تسكت ماكو طلع عمي علي طبعا عمي علي ورهف

علاقتهم كلش قوية مثل الاخوان
جانت هية الشايلة مسؤليتة ملابسة واكلة وطلعتة وسفراتة حتى من يريد يطلع يكله وعمتي تزعل لان يدورون علي يرحون لرهف يسؤلونة يومية تتعارك ويا عمتة تعرس واخلص منك وهوة يكول اذا رهف موجودة شعندي معرس

اجة حضنه طلعو عمامي كلهم بس شفت ابوي اخذ علي للحديقة يحجون شعدهم طبعا ابوي من النوع الشكاك بشكل
مو طبيعي وما عندة ثقة حتى بنفسة

قاسم.. اخذت علي للحديقة احجي ويا ..
- علي ما طول انت مزوج رهف اريد النيشان

- يا نيشان شتحجي
-اريد الدليل اتأكد
-كل هذا وبعدك اشك بتك ما اثق بتربيتك
رهف بغرفة واني بغرفة وما متقربله بس احب اكلك بتك بنية اذا ما اصدك روح حلل

رهف.. اجو عمامي سلمو علية بس ابوي ماكو اجة يتمشة من الحديقة هوة وعلي اجة علية

قاسم.. شلونج رهف
-ششوف شلوني
-ميخالف ما جنة بوعينة هسة راح ترجعين ويانة بس كبل ما نروح للبيت نروح للمستشفى نحلل علمود نثبت

حمزة.. انت شجاي تحجي انوب كدام الغربة البت ما مسوية شي كل احنة عرفنة السالفة وبعدين هية هسة مزوجة

-اسكت هية وعلي شبه زواج وبتي وبكيفي انت شعليك

-هيج صارت لا تنسى ربت بيناتنة اكثر ما ربت بيناتكم يعني مثل ما انت ابوهة اني ابوهة

رهف.. كرهت روحي وكرهت الدنيا من عرفوا اني وعلي زواجنة مو مثل المزوجين وابوي عرف يريد يتأكد بتحليل معقولة كلشي صار وبعدة يشك بية ما يثق بتربيتة

-يعني تريد اروح واحلل والله شنو علمود تتأكد اجة وكالك وانت بعدك ما متأكد ما طول هيج لا ارجع وياكم ولا احلل اعناد بيك انت مو تبريت مني وشمرتني مثل الجلب حتى ما باوعت بوجهي ولا سمعت مني
رجعة ما ارجع للبيت وطلاك ما اطلك وهذا البيت ما اطلع منة

كمت ابجي وطلعت حركت كلبي بيهم وصعدت فوك ابجي انردمت بنور وجه مشوه

نور.. بيج شي

-لا وخري عني
-عفته ومشيت للغرفة ابجي ما اسمع الا صوت الصياح وكمت كلت لا راح اصير دم كاعدة ابجي انفتح الباب طب ابوي وعلي وابو علي

قاسم.. رهف شعندي غيرج هوة بس انتي بقيتي عندي لا تحللين بس ارجعي ميخالف

-ما ارجع وياكم لا تلحون ما اكعد بيت ما يثق بية وهوة يشوف الحقيقة كدامة وساكت

-جنت عصبي مو بوعي لمي ملابسج روحي وياي

-يابة ما اروح وياك اني مزوجة هسة وطلعت من ذمتك رجعة ما ارجع روح لبيتك الناس تجي تعزي وانتم ماكو