عشــك ابــن الـــعم

هــدية ٢

# عشك _ ابن _ العم

بارت هدية على طلبكم ♥️🫢

***************************

أضُمك ويَن ، مِن يا عَين ؟
هوَّ المِثلك شيّنضم ؟
يالچِنك بّخور هَنود
مِن سّابع سِلف ينشَم

*************************
ســاره *

أنتَ الذي إن قُلتَ لي طابَ المَسا
‏طابَ الفؤادُ بعدَ قولكَ أدهُرا.....♥️

مرت ايام وسنين والحياة مستمره بين الحب والحياة السعيده ويه حبيبي محمد  و مصطفى
صارت عندي بنية اسمها لارا  تخبل حبيبتي تشبهني بتصرفاتي بشكلي محمد متخبل عليها من يشوف دلعها و حجيها كل ميشوفها يباوع عليه ويكول ::. جنت بوحدة صرت بثنين
هههه مخبلينه
حطيت ايدي على خدي مبتسمه واني اشوف حبيبي كاعد ومصطفى و لارا كاعدين بحضنه يبوس بيهم و يدغدغهم  وصوت ضحكهم مالي البيت الله يحفظهم الي صارت عينه بعيني نفس نضرته نفس الحب ابتسملي ابتسامة موتتني وگفت وتخوصرت كبالهم وحجيت واني كاتمة ضحكتي ::. واني متحظنوني وفوكاها حاضنين حبيبي عوفو هو بس الي
محمد يباوعلي غاص من الضحك كامت ام السان لارا وتخوصرت لسانها اطول منها

لارا ::. بابي بث الي هو مو الث
(بابي بس الي هو مو الج )

جاوبته واني ميتة ضحك ::. شلون يعني بس الج هو زوجي

باست ابوها بخده وهو يبوسها وهيه تبوسه
حطت راسها على جتفه وباوعتلي
::.وهو بابا

مصطفى من شاف هيج الوضع اجه يمي وحظني شلته صاير ثگيل حبيبي باسني من خدي وكال ::. لتضوجين ماما اني احبج

::. اروحلك فدوة يعيون امك
بوسته من كل ملامح وجهه وهو مبتسم
صار نظري على حبيبي باوعلي بنضره بس اني اعرف هاي النضره نضره الغيره الي تطلع من عينه بتسمتله بخفة نزلت مصطفى وهو ركض على لارا حضنها وهيه حطت راسها على جتفه هذا سندها و ضهرها احب حنيته على اخته تنهدت مبتسمة عفتهم يلعبون ورحت للمطبخ اكو كم ماعون وصخات بالسنگ وكفت اغسلهن كملت ورجعتهن بمكانهن طفيت الاضوية ورجعت للصاله محمد ماكو بس الجهال وهو صاعد فوك اكيد زعل ههه هذا محمد طفل وكلساع يتزعل خليت الجهال جوه واني صعدت للغرفة دخلت لگيته نازع التشيرت بس بالبجامة وداير ظهره عليه اممم زعلان حبيبي طلعت من الكنتور فستان يجنننن ههههه اله اخليه يتخبل تعمدت مادخل للحمام وابدل وكفت كبال المرايه ونزعت ملابسي بقيت بس بالدخليات جان وجهه الي فاتح تك عينه كتمت ضحكتي لبست الملابس سد عيونه