يشبهني ولكن

هايم بيك وهايم بيه

مربوطة روحي بحضرتك
ترضى دخيلك ينولي؟
موش انه الك
موش انت الي؟
وديتلك صوغة العمر ..طرزته ياقوت وحلي
ضميت سري بشيمتك
وتريد تسله وتنسلي
وانت السند
وانت لخيم شوگي وتد
ماين وادوس بمشتلك
هم انت دوس بمشتلي
وشتنسه عينك من سوالف عيني
رد يمدللي
مو غيم عيني نگط بدربك وفة
رد ...رد الي
موش انه الك ..موش انت الي؟
موش انت ..انت
بتوت گلبك رجدن صهوة هلي
واتمنى ..
       اتمنى
لو زنجار گلبك ينجلي .

رجعت وجهي يضحك كالت إخلاص هاا وجهج يبشر بخير شكو شصار شلون ذولاك الناس كلتلها شلونهم وبغداد غيرت لونهم من يوم الصار واهسه بصوب الغرب وهو بده يذبل شويه شويه لاهو الهله ولاهو للغرب منحس بروحنه غير دموعنه تجري كالتالي إخلاص شجاج يبعد روحتي توج جنتي تضحكين وشحلاتج كلتلها ماظل عندي غير الدمع والصبر
اكلج هاي بعدها عيونها طايره مثل عيون المطيرجيه إخلاص ماتت ضحك كالت من طاح حظج ماعندج سالفه اليوم غير نور كالت ولج مو طبيعيه شوفيها من دون البنوتات عيونها مثل عيون الحراميه تفتر يمنه ويسره ولج كافي شلي عينج منها ساعه ويرحون لتلحين كافي تره طلعتيها من ماعونها كلت الإخلاص شوفي لا طلعتها من ماعونها ولا شي هسه عوفي تقديم الجاي والمعجنات عليه اني اقدم كالت ياساعة البيضه شناويه ولج لتفشلينه ويه الغرب عيب شتكول علينه الناس كلتلها مالج غرض الج الصافي اخذت الصينيه مال الجاي والمساعده مال بيت عمي تقدم المعجنات وصلت النور كلتلها تفضلي حبيتي وهي ولا يمي ولا بصوبي عيونها تفتر منا ومنا وبالاخص صوب باب الربعه كلما تنفتح الباب تتخربط احوالها رجعت كلتلها تفضلي يمعوده الجاي برد والمعجنات يبست واضحك وبنات عمها ماتن ضحك عاد من سمعت صوت الضحك صار ماله والي كالت هاا هاا العفو منج منتبهت كلتلها وانتي من شوكت طبيعيه من جيتي الهسه حسبه تجيبج وحسبه توديج أخذت الجاي وكالت بكل خجل شكرا تعبتج عفتها ورحت اكمل تقديم وصلت الامها كلتلها شلونج خاله شخبارج كالت هلو حبيبتي انتي شلونج كلتلها خاله ولو فضول من عندي بس ردت اسألج سؤال كالت تفضلي عيوني كولي كلتلها بنتج بيها شي كالت منو ومثليش كلتلها نور بنتج خطيه عبالك بيها حاله نفسيه صارت نار كالت شنو هذا الحجي بنتي مثل الورده  بالكوه لازمه روحي ميته ضحك كلتها خاله لتضوجين شوفي وضعها من جتي الهسه صافنه وعيونها طايره محجت ولا حجايه ولا اكلت شي كمزت من مكانها وكعدت بصف بتها سمعتها تكللها خزيتينه شوفي الناس عبالهم انتي مخبله
نور : وره نص ساعه تقريبا دزو طفل كال جدي يكول خل يطلعن النسوان يتفضن بالبستان اني فرحت ورد الدم بوجهي كلت خلص لازم اتخذ قرار اليوم ما ارجع البغداد الا والقرار بيدي لو ابيض لو اسود اليوم كافي مهزله اليوم سويت من روحي مضحكه كدام اهلي و كرايبي وبين اهله طلعنه بره الجو يجنن البستان مليان أشكال من أشجار الفواكه الكاع كلها ثيل البيت من بره داير مداير ورد ريحته تفوح وهمه مرتبين مكان للكعده للنسوان وحد وللزلم وحد والاضويه ماليه المكان الله مكان ولا بالاحلام كلت معقوله يجي يوم واعيش هنا وبهيج أجواء الحجيه ام حسن كالت خل يتمشن البنوات خليهن ياخذون راحتهن صرنه مجموعات مجموعات نتمشه ونكطع فواكه من الأشجار وناكل وناخذ صور اني وبنص هذا الجو الخيالي افكر شلون اوصل الحسن ظليت احوص شفت طفله زغيره كلتلها تعالي انتي شسمج كالت نوسه كلتله انتي كرايبهم كالت اي الحجي يصير كرايبنه احنه هنا كلنه كرايب كلتها تعرفين وين حسن كالت منو حسن كلتلها اخو إخلاص كالت منو هذا  الحباب اليروح البغداد لو هذا النحس الثاني ضحكت كلتلها اليروح البغداد هاا عمو ضياء شوفي خاله اني يوميه اشوفه يروح من هذا الصوب ومرات اشوف عمه إخلاص وعمه فتنه ياخذون اكل وجاي وهم يرحون من هذا الصوب واشرت على مكان بعيد زاعين بي أشجار التين وأشجار التين تصير أوراقها عريضه وهواي يعني الشجر الوحده تحمل كميه كبيره من الأوراق تصير كثيفه زين اني يوديني وحدي وشلون راح أضل ادور واني كل شي ما اعرف عن عربهم اتصلت بأوس كتله تعال بسرعه محتاجتك كال تدللين سيارة الإسعاف اجتجج🤣🤣
وكفت على صفحه ماخليت احد يحس بيه وكتله لازم نلكه حسن ونفهمه بالقصه اني وياك كال تمام بس حسن طالع ماموجود كتله لا موجود وتقريبا اندليت مكانه كال خرب بعرضج ولا ينكدرلج يمه اليشفوج ينخدع بيج بنات هالوكت بلوه
كال يالله نتوكل ونشغل الخشم البوليسي وضلينه نمشي حسب الوصف بس دوخه عبالك بنص متاهه الأشجار هواي وكثيفه وكلهن يتشابهون ظلمه خفت كمت ارجف وابجي وكل شويه اوكع واوس يكومني مجلبه بأوس وابجي ايدي ورجلي كامن يجرن دم من وره الوكعات وملابسي توصخت كال ولج هسه لو يكتلونه هنا محد راح يلكانه شسويتي بيه شراح يخلصني من اهلي وعماني بالكوه غيرت نظرتهم عليه وشوفي حالج شصار بيج كتله الله عليك صح تعبنه وتبهذلنه بس لازم الكه حل مو مال ارجع وهو ماخذ عليه فكره موزينه حتى لو مصدكني المهم اريح ضميري والله هناك وشفنه ضوه وصوت قرآن اوس اوس لكيت حسن كال شلون ولج كلتله هذاك الضوه روح كبل عليه وفعلا لكيت حسن يصلي ومتعرفون شلون طرت من الفرح