مات قلبي وانا حي
البارت 7 💔
( وكم من اشخاص نلتقي بهم صدفه في الحياه ولا ندري ما تخبئه لنا الاقدار معهم)
اميره: يعني نشتي نجهز حلا
نبيله: ضروري
اميره: خلاص نكمل نتغدا ونخطى طريق المطبخ
نبيله: والديوان نظيف
اميره: كل شي نظيف
سيلا كانت تفكر بعمق ليش جلست رنا واختها ريم يسألنهن اسئله كثيره وليش اليوم بالذات امهن عتجي
اميره: سيلا سيلا
سيلا: هاه
اميره: مالش مطننه
سيلا: افكر ليش عيجوا
اميره خفعتها: هههههههه جي نجهز الحلا قبل لا يجي اب
سيلا: تمام
دخلين المطبخ وصلحين كيك بالشوكلاته وكروسان وفشار وحليب شاهي وعصير
بعد ساعه وصل بهاء
بهاء: نبيله نبوله
نبيله: ياعيون نبيله جيت
بهاء: انا فدا للعيون
سيلا: بدأنا بالرمسسه
اميره: يوووووه والحسد بينش
بهاء: ههههههه الغداء جاهز
نبيله: ايوه بنات قربين الغداء
سيلا واميره: حاضر
نبيله: بهاء
بهاء: هاه
نبيله: عيجين نسوان عندي اليوم
بهاء: حياهن الله
نبيله: بس مدري ليش حاسه انهن عيجين عشان واحده من البنات
بهاء: اذا كان نصيب واحده منهن الله يسخر لها
نبيله: آمين يارب
اميره: هيا جوا الغداء في الارض
خرج بهاء ومرته من الغرفه وساروا يتغدوا مع البنات
فوق الغداء
بهاء: يعني اليوم اسير ادور لي مكان اخزن
سيلا: ههههههه ليش كنت تشتي تخزن مع امي
بهاء: ايوه لكن يلا خيرها في غيرها المهم قاتش قد شليته ماعاد تشتي ازيد اشتري
نبيله: اشتري ماء وببس
بهاء: من عيني
كملوا الغداء ودخلين البنات يرفعين المطبخ ويولعين الفحم ويلتين التتن ويجهزين الباقي
اميره: ماعتلبسي
سيلا: بنطلون وفنيله
اميره: خلاص وانا زيش
صلين الظهر والعصر وبدلين ومشطين شعورهن و قامين يبخرين البيت
الساعه4
باب البيت يدق
نبيله: هذا شكلها ام سلطان افتحي يا اميره
اميره فتحت الباب
زينب تتحيلى لها: كيف انتي
اميره: الحمدلله وانتوا كيف حالكم
زينب: الحمدلله بخير
وسلمت اميره على ريم ورنا
نبيله: حياكم الله فوق عيني وراسي
زينب: الله يحييش
واتسالمين
بدأت اميره وسيلا قربين العصير وشويه قربين الحلا مع الحليب الشاهي
نبيله: اميره
اميره: حاضر .
قامت المطبخ ولقطت ناره وادت بخور عوده وبخرت زينب ورنا وريم وعطرتهن
جلسين شويه البنات وبعدين سارين الصاله
زينب: بصراحه يا ام اميره احنا جينا نطلب يد بنتكم .......
في الصاله
رنا: انتين ما معاكن اخوه
سيلا: ماشي احنا 2 بنات بس وانتين
رنا: احنا بنتين وولد اسم اخي سلطان
اميره: اها عاشت الاسامي
ريم: تعيشي
في الديوان
نبيله: والله ما اقول لش الا كل خير استشير البنت واقول لأبوها واردكم خبر
زينب: وانتوا اسألوا كيف ما تشتوا واذا به نصيب الله يقدم ما فيه الخير
جلست زينب وبناتها الى بعد المغرب وروحين
أنت تقرأ
حب ع الانترنت ... مات قلبي وهو حي
General Fictionقصة من الواقع حدثت بالصدفة.....بعنوان (كيفَ أهـربُ من عينيك..؟كيفَ أهـربُ مِن أشواقي إليك؟!ومِن لـهفتي عليك..!أفِرُ هـاربةً مِنكَ إليك..!أَطـيرُ مبتعدةً عنكَ لأسقُطَ بين يَـدِيكْ..!) تابع واقرأ #اليمن #صنعاء
