مات قلبي وانا حي
البارت 11 💔
👌🏻👇🏻 😍
في بيت بهاء
بهاء: قد مر الشهر ولازم نعرف قرارها
نبيله: حاكيها انت
بهاء: صيحي لها
نبيله: اموره اموره جاوبي ابوش
اميره: يلا هوذه انا عد اجي
دخلت اميره غرفة ابوها ويدها ترتعش من الخوف
بهاء: جي اجلسي جنبي
جلست اميره جنب ابوها
بهاء: امش قد قالت لش من الناس اللي جوا يتقدموا لش وانا يا بنتي سألت عليهم وهم ناس في قمة الاخلاق والاحترام
اميره تسمع لأبوها وعيونها في الارض
بهاء: المهم اذا به نصيب وانتي موافقه رديني خبر ذلحين
اميره والرعشه بصوتها: الرأي الاول والاخير لكم
بهاء بأبتسامه: حبها في راسها يعني نردهم خبر
اميره هزت راسها بمعنى ايوه
نبيله حجرت والدموع متجمعه في عيونها
بهاء: الغداء جاهز
اميره: ذلحين اقرب
وقربت الغداء هي وسيلا
وتغدوا ولما كملوا غداء
نبيله: شويه واتصل لهم نردهم خبر
بهاء: ايوه تمام
في بيت اكرم
كانت الاجواء مخيمه بالسعاده برجوع سلطان الى ارض الوطن الغالي صنعاء
التلفون يرن
رنا: انا بااجاوب الو
رنا: الو
نبيله: الو السلام عليكم
رنا: وعليكم السلام من معي
نبيله: انا نبيله مرت بهاء ال..... وين امش
رنا: ريعوا اصيح لها ... رنا: اماه اماه جاوبي خاله نبيله
زينب: الو السلام عليكم
نبيله: وعليكم السلام كيف حالش
زينب: الحمدلله وانتي
نبيله: نحمد الله انا اتصلت لش عشان اردش خبر
زينب بسرت الى عند سلطان وكان الكل انتباهه على وجه زينب
نبيله: احنا موافقين وحياكم الله اي حين ما حبيتوا تجوا البيت بيتكم
زينب بفرحه مختلطه بالدموع حجرت: الله يسعدهم وتكون حياتهم سعاده وفرح
نبيله: آمين يارب يلا مع السلامه
زينب: الله معش قفلت التلفون وكانت تبكي وتحجر في نفس الوقت
ريم: وافقوا
زينب: ايوه
الكل فرح وسلطان كان حاسس بفرحه كبيره مع انه لا يعرفها ولا حتى عارف ايش اسمها
اكرم: الف مبروك
سلطان: الله يبارك فيك
اكرم: ماحددوا يوم
زينب: قالت اي حين ماحبيتوا تجوا حياكم الله البيت بيتكم
اكرم: والله شكلهم ناس يعرفوا الاصول
أنت تقرأ
حب ع الانترنت ... مات قلبي وهو حي
General Fictionقصة من الواقع حدثت بالصدفة.....بعنوان (كيفَ أهـربُ من عينيك..؟كيفَ أهـربُ مِن أشواقي إليك؟!ومِن لـهفتي عليك..!أفِرُ هـاربةً مِنكَ إليك..!أَطـيرُ مبتعدةً عنكَ لأسقُطَ بين يَـدِيكْ..!) تابع واقرأ #اليمن #صنعاء
