مات قلبي وانا حي
البارت 12 💔
( ويا سعادة قلبي حينما اختاركي القدر حلالي وجعلكي اميرةً على قلبي وتاج فوق رأسي اتباها به)
👌🏻👇🏻 😍
اتصل اكرم لبهاء وحددوا يوم يجوا عشان يتفقوا على كل شي وحددوا يوم الخميس
اليوم الاربعاء
نبيله: اشتي البيت يكون زيما اللوزه
اميره: حاضر
سيلا: الله عيجي في بيتنا عرس
اميره استحت وسارت المطبخ
المهم مر اليوم كامل تنظيف وتجهيز وعمل شاق ومتعب
الساعه10 الليل
بهاء: ما تحتاجين شي لغدوه
نبيله: ولا شي سلامتك
وكل واحد سار يرقد عشان غدوه الخميس الكل يشتي يقوم من بدري
اليوم الخميس
الكل قام بدري
في بيت اكرم
سلطان: رنا رنا
رنا: هاه
سلطان: كوي الثوب حقي وبخريه
رنا: حاضر يا عريس
سلطان: كيف هي حاليه وايش اسمها
رنا: مثل القمر ماشاء الله واسمها اميره
سلطان يحاكي نفسه اميره الله الاسم في قمة الروعه
رنا: يلا اقطب جهز نفسك
في بيت بهاء
نظفين البنات وبخرين وتغدوا بدري وغسولين الصحون وكان البيت بقمة النظافه
الساعه 3:40
بهاء: كل شي جاهز
نبيله: ايوه
دق الباب
بهاء: هذا شكلهم وصلوا
فتح بهاء الباب وحضر كل اعمام واخوال سلطان
بهاء: حياكم الله تفضلوا
سيلا واميره: كانيين في غرفتهن يتشاقرين سلطان لما دخل
في الديوان
بهاء: حياكم الله فوق عيني وراسي
اكرم: يزيد فضلك
وبدأوا يتحاكوا وتناقشوا وحط بهاء كل الشروط وماكان جواب اكرم الا من عيوني ووافقوا على كل شي وحددوا الخطبه والعقد تكون بعد اسبوع وفي نفس اليوم
وجلسوا الرجال الى الساعه6 وروحوا
نبيله: هيه مه كيف بسرت الولد
بهاء: سبحان الله ما يخلق ادب واخلاق وجمال
نبيله: خلاص حددتوا يوم
بهاء: الاسبوع الجاي ان شاء الله يكون خطبه وعقد
نبيله: ليش
بهاء: لانهم يشتوا عرس بعد شهرين
نبيله: وانت وافقت
بهاء: هي نفسها تجلس مخطوبه او تعقد كله سوا
نبيله: خلاص لازم اتصل لأخواني الاثنين وانت اتصل لأخوك عشان يحضروا
بهاء: ماشاء الله جوا اعمامه واخواله كلهم
نبيله: ما نفعل اعماها واخوالها كل واحد في زوه وانا لما حاكيت اخوتي قالوا اذا سديتوا على كل شي عنرجع نجي
بهاء: على الله الله يتمم لهم على خير انا والله الولد دخل قلبي
نبيله: الله يسعدهم ويهنيهم
أنت تقرأ
حب ع الانترنت ... مات قلبي وهو حي
Ficción Generalقصة من الواقع حدثت بالصدفة.....بعنوان (كيفَ أهـربُ من عينيك..؟كيفَ أهـربُ مِن أشواقي إليك؟!ومِن لـهفتي عليك..!أفِرُ هـاربةً مِنكَ إليك..!أَطـيرُ مبتعدةً عنكَ لأسقُطَ بين يَـدِيكْ..!) تابع واقرأ #اليمن #صنعاء
