قل للباحثين عَن عيُوبي فما البدرُ فِي نقصانهِ إلا هلالُ

البارت 9

طلعت عند نهار الي كانت يستناها ركبت جنبه بسياره وهي متضايقه: نهوري وين بروح ترا حدي طفشانه
نهار شافها متضايقه: تبين نعيش اجواء الديره صدق؟
ضحكت لَيال وهي تعرف جنون نهار: وش بسوي
بدا نهار يمشي بسياره ووقف عند السوق الشعبي ألي مليان ناس
لف لها بجديه: تلثمي
تلثمت لَيال ونزلو دخلو وهم يشوفون الناس والي يبيعون وكيف كان السوق مليان حياة
بدو يشترون ووقفت ليال عند محل ملابس شعبيه: بشتري لي وللبنات معي اشترت ثوب جنوبي والمنديل الاصفر لها وللبنات
راحو عند امراة كبيره في السن
لَيال برقه: خاله وش تبيعين؟
الخاله: فطير يا بنتي
لَيال: واضح يشهي معليش تسوين لنا واحد؟
الخاله: من عيوني يا بنتي
لَيال ابتسمت من ورا لثمتها: تسلم عيونج
اخذو الفطير وراحو محل كتب
نهار: لو سيف شاف المحل بينام
لَيال: صدق عمو سيف بالرياض صح متى يجي؟
نهار: يا شيخه مدري عنه اكلمه اقول بتجي يقول الله اعلم اظن ذالك ربما يحسب نفسه فخم اذا تكلم فصحى ما يدري انه مثل كونان في سبيستون اذا جاء مدبلج
ضحكت لَيال: كل ذا شايل بقلبك
قعدو يتمشون وغربت الشمس ورجعو بيت جدهم
نهار: لولي تكفين قول انج جبتي معاج ماتشا
لَيال: اكيد جبت
نهار بفرحه باس راسها: يا شيخه احبج اموت فيج يا احلى اخت
ضحكت لَيال: يالـ مصلحجي!
نهار: الود ودي اذب عليج بس بسكت عشان الماتشا
كانت بتمشي لَيال
نهار بطقطقه: يقول البسي فستانك الاسود هو جدا حزين لكنه الاول بقلبي
لَيال فكت الكعب من رجلها وهي تضحك وترميه عليه
نهار تفاداها: اح تبين تموتيني بعدين من يونسج
لَيال عشان تقهره: عندي نجم
نهار كشر: مالت عليج وعليه
سوت لهم ماتشا وقعدو يسولفون ويضحكون
_عند جمان_
كانت تحس بطفش وتمنت لو انها راحت مع لَيال الي قعدت تحاول فيها
قامت وهي تاخذ عبايتها وتحط الشيله على راسها
طلعت وقامت تدور وسمعت صوت وراها
غيث بهدوء: جمان
جمان تجمدت بمكانها
غيث: عنقود خالد
جمان بهمس مسموع لغيث: هلا
غيث: بقولك شىء واتمنى ما تقاطعيني جمان انا من يوم ما شفتك في الحديقه وانتي ماخذه بالي ولا بغيتك بالحرام بغيتك بالحلال و ودي لو اخطبك من ابوك لكن انتِ بتوافقين فكري وردي لي خبر وارجعي جوا
جمان توترت ودخلت جوا بدون ما تنطق حرف من التوتر والخجل
قابلت لينا بوجها الي سمعت كل شىء وحضنتها بحماس: انتي تنخطبين انتي اكلك انا اكلك استحت جمان وهي تحضن لينا بخجل
لينا عضت اصابعها: باكلك باكلك جد!
جمان بهمس: ليون مره استحيت معرفت ارد كنت بقول لا
لينا ضحكت: يويلي ترفضين وهو ما امداه يكمل
دخلو البنات ولقو الحريم يوادعون بعض
العنود بارتياح: اخيرا خلصنا
رجعو مشى بحكم ان البيت مره قريب وصلو ودخلو الحريم اول وبعدهم الرجال
راحو البنات يبدلون ويمسحون الميكب واجتمعو بغرفة لَيال
جلسو على الارض حول بعض ومسوين دائره
العنود: لولي عندك فصفص
"حب دوار الشمس"وسناكات؟
لَيال قامت وجابتهم
لينا بحماس: لَيال وش قلتي لحصه بعد ما طلعتو من المطبخ طلعت وهي وجهها احمر من الفشله
لَيال وهي تتذكر وحاطه راسها على حضن ملَك الي تلعب بشعرها: اي كنت قاعده افكر والاخت دخلت تقول اني افكر بزواج! مدري مين مخليها مهووسه بزواج لذي الدرجه وتقول وش تقول الحمدلله انها مخطوبة والمشكله انها تاركه جامعتها عشانه وهو يكلم غيرها ومتزوج ومخلف بدون لا يقول لاحد
قلت لها كلام ممكن يوعيها على نفسها تشوف دراستها احسن واذا جاها الرجال الي ما يملى عينه الا هي ذاك الوقت توافق الله يهديها بس
بدو يتناقشون بالعزيمه وعرفو بكلام غيث مع جمان
وبدو يعززون ويحمسونها لحد ما نامو كلهم بغرفة لَيال
_عند سلطان_
وهو يشوف صورها لنفسها وفيديوهات البنات الي يصورونها للَيال كان يتأمل له ثلاث ساعات وهو يعيد المقاطع والصور ويناظرها وكانها اول مره يشوفها
اندق الباب ودخل طفل بعمر 4 داخل 5 سنوات
ركض لسلطان الي شاله وحطه بحضنه
الطفل بلكنه طفوليه: بابا مين هاذي كان يأشر على شاشة الكامبيوتر
ابتسم سلطان بحب: هاذي بتصير الماما حقتك قريب يا ابوي انت
ابتسم الطفل الي اسمه رائف: مره حلوه
تنهد سلطان: ليتها تعرف بس يا بابا
باس سلطان راس رائف: يلا يا بطل وقت النوم
ودا سلطان رائف غرفته
رائف: بابا عادي تقول لي قصه؟
سلطان ابتسم: اكيد يا بابا بدا يحكي القصه لـ رائف
كان زمان في ولد صغير اسمه سلطان
رائف: نفس اسم بابا
هز راسه سلطان: اي نفس اسمي بدا يكمل
كان هاذا الولد يبكي في المستشفى عشان امه في غرفة العمليات وبابوه راح وتركه كان وحيد يبكي جت بنت صغيره حلوه كانت عيونها زرقاء وعندها غمازه بخدها اليمين كانت مبتسمه ومدت يدها لهاذا الولد وهي تقوله ليش تبكي لحالك
رد عليها الولد وهو يقول امي جوا ومحد يقولي كيف هي وابوي تركني وراح
قالت البنت شنو اسمك انت؟
رد الولد وهو يقولها اسمي سلطان بن سعود آل عمار وانتي وش اسمك؟
ابتسمت البنت وهي تقول اسمي لَيال بنت فهد بن ثنيان آل رائد
سلطان: اسمك مره حلو
لَيال: حتى انت اسمك حلو بس لا تبكي امك بخير
نداها ابوها لوحت لَيال لسلطان: لازم اروح لا تنساني عشان اذا تقابلنا بعدين نلعب مع بعض وما تكون تبكي تمام؟
ابتسم سلطان: تمام حتى انتي لا تنسيني
لَيال مدت اصبعها الخنصر: اوعدك ما انسك وانت اوعدني
مد اصبعه الخنصر: اوعدك
مر على هاذا الوعد سنوات طويلة ووفاء سلطان بوعده لكن لَيال الي اجبرتها الضروف انها تخلف الوعد وتنسى الموقف كله
كان سلطان يفكر بطفولته القاسيه وكيف كانت لَيال مثل وردة المزهره الي تنبت بين الاشجار الي مليانه شوك وذبلانه كان يفكر لحد ما غلبه النوم ونام جنب ولده
_عند ذياب_
دخل عند امه ولقاها جالسه بالارض تسلم من صلاة الوتر
اتجه نحوها وهو يحط راسه في حضنها وجسمه الباقي بالارض بدت تلعب بشعره وهي تعرف ولدها
تنهد ذياب: تعبت يا امي
ام ذياب بحنان: من وش يا ولدي
ذياب: طحت بدروب المحبين وانا اجهل هالدروب
ام ذياب ابتسمت: مين سعيدة الحظ
ذياب: تعرفينها
ام ذياب: ابيك انت تقولي
ذياب غمض عيونه: تضىء العتمه بظلام شمعه وابتسامتها لمعه لها عيون عن ناس ودك تخفينها من جمالها مثل البحر وأجمل ظني عمي وعمتي
غلطو يوم ما سموها ملاك سبحان الخلق
ام ذياب عرفتها: متى شفتها
قال ذياب لها كل شىء
وابتسمت امه: تبيها؟
ذياب ابتسم: احد يرفس النعمه الي تجيه؟ اكيد ابيها
ام ذياب بشك: طيب لو البنت تب غيرك وماتبيك
ذياب عقد حاجبه بغيره بمجرد تفكير انها تحب غيره: مستحيل ما رح اخليها لغيري لو على قص رقبتي
_عند غسق_
كانت مع اخوها وتكلم أسماء بنتظام
كانت جالسه على الكرسي الي جنب اخوها الي قام من الغيبوبه 
مجيد بابتسامة متعبه: عيوني انتي كيفك ووش صار
غسق وعيونها تدمع: لا تفكر بشىء الحين الحمدلله انك بخير
مجيد مسك يد غسق وهو يبوسها: بنتي الي معي الله لا يحرمني
مسكت يده غسق وهي تبوسها وتبكي: لا تقول كذا ذا واجبي وبعدين الدكتوره أسماء وقفت معانا وماخلتك لحالك وسوت لك العمليه اكملت بحزن بس اتوقع بيعاقبونها عشانها سوت لك العمليه وهي لسى متدربه واكملت بحقد وكل الي هنا مهملين محد كان بقسم الطوارئ وأسماء مسافره الحين بس تتواصل معي البنت مره حبوبه ولطيفه وجميله ما شاء الله
مجيد بمزح: بتخطبينها لي انتِ
غسق رجعت ضهرها على وراء: الفكره مو بطاله الصراحه
مجيد: بنت اهجدي
ضحكت غسق: مجودي ترا صدق البنت تجنن ما شاء الله اتوقع وش كان اسمها الكامل اي تذكرت
اسمها كامل أسماء بنت نايف بن ثنيان آل رائد
حاول يتذكر مجيد الاسم: جدها ثنيان؟
غسق: على حسب اسمها الكامل اي جدها ثنيان
مجيد ابتسم: آل رائد وجدها ثنيان اجل تقرب لنا
عقدت غسق حاجبها بستغراب: شلون تقرب لنا!
مجيد: جدها اخو جدتنا مريم وجدتها تصير اخت جدنا مالك
غسق بصدمه: صدق؟ ما توقعت بس صدق البنت حبوبه كويس اننا قابلناها لازم نتشكرها هي بالديره الحين شرايك نروح لهم اتوقع بيطولون هناك وانت ارتاح يومين وبعدها نمشي اليوم بيكتبون لك خروج
-
البارت قصير شوي بس اعذروني تعبانه وبعوضكم بإذن الله بكره او بعده