اسراء بصدمه: ايه
اسماء: في ايه يابت اتصدمتي كدا ليه
اسراء: ياسمين انتي مش فكراني انا اسراء خالد اللي كنت معاكي في مدرسه التحرير الابتدائيه
ساره: بتتكلم جد دي ولا ايه؟
اسماء: استني بس ياساره انتي تعرفيها بجد يااسراء
اسراء بتأكيد: هو انا هتوه عن صديقه طفولتي... فين البت بسمله صح يا ياسمين
ايمان: ياسمين مش هنا خالص
ساره: ياسمين روحتي فين وتلوح بيديها امام وجه ياسمين
ياسمين بإنتباه: هاا ايوا فعلا هي اسراء بس عرفتيني ازاي انا معرفتكيش شكلك اتغير
اسراء بمرح: انا بقا عرفتك قلبي حس بيكي
ياسمين: حلوه دي قلبي حس بيكي لسا زي ماانتي بتحبي القلش
اسراء: وهو انا هتغير يعني... بس بجد مش مصدقه اننا اتقابلنا تاني دا انا كنت فاقده الامل اني الاقيكي تاني
ياسمين: مين سمعك واهو اخيراً لاقيت حد عارفاه في المدرسه دي
اسراء: قوليلي صحيح بسمله فين مجتش ليه دا حتي انهارده اول يوم؟
ياسمين بزعل وقد اوشكت علي البكاء: دخلت تجاره
اسراء: ليه كدا يعني كنتو مع بعض من وانتو بيبيهات وفي الاخر متدخلوش ثانوي سوا
ياسمين: بس بقا يااسراء انا مكتئبه من وقتها
اسراء: مبتشوفوش بعض ولا ايه
ياسمين: بنشوف بعض وقضينا الاجازه مع بعض بس كنت عيزاها تكمل ثانوي معايا كمان مااروح واجي لوحدي وكانت تبقي معايا في الفصل
ساره: احنا معاكي ياقمر واسراء اهي انتي عرفاها
ياسمين: فرحت والله اني اتعرفت عليكو واني لاقيت صاحبه ليا هنا
ايمان: احنا فرحنا اكتر والله ي ياسو
اسماء: قوليلي بقا ي ياسمين...
لم يكملو حديثهم بسبب ذلك المزعج الذي يزعج جميع الطلاب نعم إنه جرس الBreak معلناً انتهائُه
اسماء: انتي نحس ي اسراء يلا نطلع ونكمل بعدين
ايمان بضحك: يلا من ناحيه نحس فهي نحس فعلا
اسراء: بس يابت انتي وهي
صعدت الفتيات الي الفصل كي تبدأ حصتهم
ساره: تعالي بقا اقعدي معانا متقعديش لوحدك
ياسمين: اشطا يلا
اسراء بمرح: راشقه في كل حاجه انتي
ياسمين: بس ياعمود نور
اسراء: بس يااوزعه قولي كلام علي قدك ياماما
ايمان بضحك: في الجوول دي يااسراء
ظلو يمرحون حتي دخلت المعلمه الي الفصل
مس منه: السلام عليكم
الجميع: وعليكم السلام ورحمة الله وبركاته
مس منه: اتفضلو اقعدو يابنات وطلعو كشكوا وركزو معايا.. مبدئياً كدا انا مس منه مُدرسه التاريخ اللي هدرسلكو تاريخ ان شاء الله عرفوني بيكو كدا يلا.. انتي ياقمر اسمك ايه
الطالبه: سما
مس منه: جميل ياسما وانتي
الطالبه: شيماء
مس منه: ماشي يا شيماء وانتي يا قمر
وظلت هكذا حتي وصلت لياسمين وصديقاتها
مس منه: انتي ياقمرايه اسمك ايه
ياسمين: ياسمين يامس
مس منه: اللي جمبها واحده واحده يلا عشان نلحق نشرح حصتنا
ساره: ساره
اسماء: اسماء
اسراء: اسراء
ايمان: ايمان يامس
مس منه: اساميكو جميله وانتو جُمال.. يلا بقا نبدأ حصتنا
وتبدأ المعلمه في الشرح وبعد مده ليست طويله
مس منه: ساره بتعملي ايه
ساره بخضه وتوتر: م.. مش بعمل حاجه يامس
مس منه: طب ركزي معايا
ساره: حاضر يامس
ايمان: متمسكيش التليفون تاني خلي الحصه تعدي علي خير
مس منه: وبعدين ياايمان مش من اولها كدا كلام الكلام بعد الحصه
ايمان: حاضر يامس
ياسمين: اسكتو بقا خلينا نركز
اسراء بتريقه: ركزي يختي دحيحه من يومك
وبعد وقت انتهت حصتهم وايضاً اليوم وغادر الجميع الي منازلهم
في منزل ياسمين
ياسمين بصراخ: مااااااماااا ياناس ياللي هنا
والدة ياسمين: يابنتي صوتك شويه حرام عليكي وطي التون شويه (نبره الصوت)
ياسمين: معلش ياسوسو بسمع الناس اني وصلت البيت
والدة ياسمين: ماشي ياختي قوليلي عملتي مشاكل ولا كنتي مؤدبه
ياسمين ببرائه: تعرفي عني اني بتاعت مشاكل
والدة ياسمين: هتقوليلي المهم قوليلي اي الاخبار المدرسه حلوه ولا ايه
ياسمين: اسكوووتي مش قابلت البت اسراء هناك واخيرًا لاقيت حد اعرفو
والدة ياسمين: اسراء مين؟
ياسمين: اسراء خالد عمود النور اللي كانت معايا في مدرسه التحرير الابتدائيه
والدة ياسمين بتذكر: اااه اسراء بنت طنط مديحه طب كويس بدل ماتبقي لوحدك
ياسمين: ايوا واتعرفت علي البنات صحابها
والدة ياسمين: ماشي احطلك تاكلي ولا هتعملي ايه
ياسمين: لا هدخل اكلم بسمله وبعدين انام شويه
والدة ياسمين: كفايا نوم بقااا يابنتي هتخللي نوم
ياسمين: حرام والله انتي ظلماني انا مبنامش
والدة ياسمين: معلش انا شريره وظلماكي انا اللي بنام
ياسمين: انا برضو بقول البيت مش نضيف والاكل مبيخلصش بسرعه اتاريكي نايمه
والدة ياسمين: فاكره ابو ورده اللي صبح عليكي الصبح ممكن يسلم عليكي تاني دلوقتي عادي جدا
ياسمين: بهزر ياست الكل دا البيت منور وقمر اهو وكلو تمام
والدة ياسمين: روحي يا ياسمين يلا كلمي بسمله وشوفي وراكي ايه
ياسمين: اشطا
في غرفة ياسمين
ياسمين: اما نرن عالبت بسمله اعرفها اللي حصل
بسمله: الووو.. نستيني كدا ينفع اكيد اتصاحبتي علي بنات غيري نستيني خلاص
ياسمين: حيلك حيلك انا كنت لسا بكلمك امبارح وبعدين عاوزه احكيلك اللي حصل وعندي ليكي مفاجأه
بسمله بإستغراب: مفاجأة.. قولي ياستي ربنا يستر
ياسمين بضحك: معملتش مصيبه والله
بسمله: طب قولي يلا
ياسمين: بصي ياستي فاكره اسراء خالد اللي كانت معانا في ابتدائي
بسمله بتذكر: اسراء مين؟.. لحظه كدا ايوا افتكرت يااا وعرفتك؟
ياسمين: عرفتني ايوا انا معرفتهاش الاول غير لما قالتلي انها كانت في التحرير معانا وسألتني عليكي
بسمله: امم كويس والله فيه حد انتي عرفاه اهو معاكي اتعرفتي علي حد تاني ولا ايه
ياسمين: اه اتعرفت علي اصحابها بنات قمرات اوي ودمهم خفيف
بسمله: وايه كمان
ياسمين يأستغراب: انتي زعلتي ولا ايه
بسمله: هزعل علي ايه دا انا كنت بتمني تتعرفي علي حد عشان متبقيش لوحدك
ياسمين: ماشي يقلبي انا هقفل بقا عشان نعسانه اوي مبنامش في خالص وتعبانه
بسمله بضحك: هتقوليلي يالهوي دا النوم زهق منك ياشيخه
ياسمين: خلاص ياسُكر مش هتبقي انتي وامي عليا
بسمله: ماشي روحي نامي يلا عايزه حاجه
ياسمين: سلامتك ياقلبي باي
بسمله: باي
عند بسمله
بسمله: شكلها هتنساني ومش هنبقي اصحاب زي الاول ولا ايه... انا بفكر في ايه دي صاحبه عمري مستحيل تنساني حتي لو اتصاحبت علي بنات تانيه
وفي اليوم التالي استيقظت ياسمين وارتدت ملابسها وذهبت الي المدرسه
في المدرسه وخاصًا في فناء المدرسه
ايمان: ياسمين جت اهي.. اذيك يا ياسمين
ياسمين: الحمدلله انتو عاملين ايه
الجميع: كويسين
ياسمين: يارب دايما.. الطابور لسا مبدأش ولا ايه؟
اسماء: لا لسا مبدأش بس احنا كدا كدا طالعين مش هنحضر
ياسمين: ليه
اسراء: اهو مبنحبش نقف هتطلعي معانا ولا ايه
ياسمين: هطلع اكيد مش هقف لوحدي وانا معرفش غيركو
ايمان: اشطا يلا بقا قبل ماالمدير ييجي
الجميع: يلا
خلص البارت عارفه انو قصير بس بجد عانيت عشان اكتبو وانزلو ان شاء الله البارت الجاي اخلي طويل شويه لسا الاحداث هتحلو عن كدا كمان اتفاعلو بس وشجعوني
حياة مراهقات
بقلم /مرام عرابي"كوكي"
أنت تقرأ
حياة مراهقات
Teen Fictionقصه تدور حول مرحله المراهقه والتقليد الاعمي اللي البنات بتعملو اليومين دول حتي لو كان غلط.... بس ياترا التقليد الاعمي دا ممكن يوديهم علي فين!؟؟ تعالو نشوف 👀
