부드러운 풍속,
데이지의 키스 끝으로,
연주했지만,
자존심 때문에 실패하고 싶지 않다. 🌼
...
နှုတ်ခမ်းချင်းထိရုံမျှသည် အနမ်းဟု မခေါ်ဆိုနိုင်သော်ငြား ၊ ပြန်လည်၍ ရှောင်ဖယ်ခွါသွားသော ဂျောင်ဟျွန်းကြောင့် ချွမ်ရွေ့မှာ အနည်းငယ်မျှတော့ စိတ်ကသိကအောက် ဖြစ်သွားခဲ့ရသည် ။
"ကိုယ် ... တောင်းပန်ပါတယ် ၊ ရုတ်တရက်အချိန်မှာကျ ကိုယ် ... လုပ်သင့် ၊ မလုပ်သင့်ကို မစဉ်းစားနိုင်ခဲ့ဘူး ။"
"ခင်ဗျား ... နောက်အခါတွေကျ ကျွန်တော့်ခွင့်ပြုချက်မရဘဲ ၊ ကျွန်တော့်အသားကို လာမထိပါနဲ့ ။"
"ကိုယ် ... မှတ်ထားပါ့မယ် ။"
အံကြိတ်ကာဖြင့် ပြောလာသော ကောင်လေးအားကြည့်ကာ ဂျောင်ဟျွန်း၏ စိတ်ထဲတွင် အမျိုးအမည်မသိသော ခံစားချက်ကြီး ဖြစ်ပေါ်လာခဲ့၏ ။ နံဘေးရှိကောင်လေးမှာတော့ သူ၏ကားပေါ်မှ ဆင်းသွားပြီဖြစ်သည် ။
အီဂျောင်ဟျွန်း ... မင်း ဘာလုပ်မိလိုက်တာလဲကွာ ။
ကားထိုင်ခုံနောက်သို့ မှီထိုင်လိုက်ပြီးနောက် မျက်လုံးများအားမှိတ်ချလိုက်ပြီး ၊ နဖူးပေါ်သို့ လက်တစ်ဖက်အား တင်ပြီးချိန်မှာတော့ မှန်တံခါးခေါက်သံယဲ့ယဲ့လေးအား ဂျောင်ဟျွန်းကြားလိုက်ရ၏ ။ မျက်လုံးများအား ဖွင့်ကြည့်မိချိန်မှာတော့ ၊ ဒေါသဖြစ်နေသောအနေအထားနှင့် တည်ရှိနေသော သူ၏ဇနီးဖြစ်သူအား တွေ့ရှိလိုက်ရလေသည် ။
ကားမှန်တံခါးအချတွင် ဆင်းခဲ့ရန်အချက်ပြလာသောကြောင့် ဂျောင်ဟျွန်းတစ်ယောက် လေးလံစွာပင် ကားပေါ်မှဆင်းခဲ့လိုက်လေ၏ ။
"ရှင် ... သည်နေရာကို ဘာထင်နေတာလဲ ။ ဒါ ကုမ္မဏီနော် ၊ လမ်းဘေးမဟုတ်ဘူး ။"
"ငါကရော ... ဘာလုပ်နေလို့လဲ ၊ ဂျင်ဆွန်းအီရဲ့ ။"
"အီဂျောင်ဟျွန်း ... ရှင့်ကို လူတွေကွက်ကြည့် ၊ ကွက်ကြည့် လုပ်နေတာကို ရှင်တကယ်ပဲ အမှုမထားတာလား ။ ဒါမှမဟုတ် ၊ ကျွန်မကို အရှက်ခွဲချင်နေတာလား ။"
YOU ARE READING
blue | jeonghyeon x ricky
FanfictionI want you, I'll be blue ... Anything it takes to make you stay ... Only seeing myself ... When I'm looking up at you 🫧 Based on Troye Sivan's BLUE. • Jeonghyeon x Ricky • Start Date : 27.5.2023 End Date :
