🍃 مشاعر_صامتة 🍃| ( مكتملة )

🌛بارت 62 🌜

🌺مشاعر صامتة🌺
                   بقلمي✏️: خولة غزالي🌹
            

الياس تصدم مامتيقش هادشي لي واقع بالمرة منطقش ناصر دور عينيه كيقلب عليها غير بانت ليه تمشا ناحيتها بديك سيفة لي كتخلع خلاها بغات تموت فبلاصتها شدها من ليديها و تحركو خارجين من تماك ركبها و ركب مانطق بتاكلمة سرعة كانت هائلة خلاتها تشد فراسها و تغمض عينيها ماباغاش تنطق متأكدة ايكمل عليها حسات بلوطو وقفات شافت راسها. فين بان ليها لكنينيك شافت فيه بان ليها ماكيشوفش فيها بقات مدة هكاك تا سمعاتو نطق بصوت بارد
ناصر: نزلي دبا تال من بعد و ندويو
مابغاتش تخليه بوحدو و لكن معندها مادير تناقش معاه يقتلها مافيهاش تنهدات حيدات سمطة و تقدمات لعندو باستو فحنكو بحنية خلاتو يغمض عينيه كيحس بلغضب بدا كيتمص تدريجيا بعدات منو و نطقات بصوت هادئ و حنين: بسلامة
و ياله ادور تا شدها من شعرها و جرها تلاح على شفايفها كيبوس فيها بعنف كيفرغ غضب ديالو فشايفها كيحاول ميفكرش ملاهي غير مع شفايفها لي حلوين صدمة كانت مجهدة عليه كولشي يتخيلو تال صديقو ياسر هو لمجر*م،حس بيها تخنقات عضها من شفايفها تا تاوهات عاد بعد حاط جبهتو على جبهتها كينهج حل عينيه بانت ليه شفتها فيها دم مد صبعو ابهام مسح ليها دم و مصو نطق بهدوء: كنبغيك ادكتورة
بتاسمات بخجل حنيكاتها مزنگين و شفايفها حمرين و منفوخين بعد منها ،ديك ساعة هربات هابطة من لوطو مخلياه متبعها بعينيه تا دخلات حط ليديه على قلبو و نطق بصوت خافت: حداتهم ليك اناصر
حس بنصف داك لغضب تلاشى غير بقبلة، تخيل كون دار حاجة خرى متأكد ماغاديش يعقل تا على سميتو ،لحس شفايفو من دمها عينيه ولاو نايمين من دوك تخيلات نطق بصوت خافت: قريب اناصر قريب تولي حلالك
تنهد و تحرك نيشان ناحية واحد جرف و خرج من لوطو كيتمنظر فلبحر مامتيقش هادشي لي وقع صاحبو رجعو مكلخ حداه و كيقتل، و هو كيقلب على مجر*م لي هو اصلا بوليسي جزء فيه ماباغيش يتيق و لكن راه دلائل كلها ضدو عينين و لوشام هاد حاجة لي بسبابها ضروري يشدوه كمشتبه بيه تنهد بألم من هاد شعور لي كيحس بيه فقلبو امكن شعور بخدلان و غدر ماشي اول مرة توقع ليه راه وقعات ليه مع وحدة من دمو و لحمو و مع وحدة كان عاطيها قلبو امانة ،بقا غير واحد ماكتجمع بينو و بيه غير رابط صداقة بقا مدة و هو هكاك تا رتاح و خوا دماغو و رجع لخدمة عازم انه تال غدا عاد غادي يحقق معاه دبا يكفي غير يشرح لإلياس اش وقع

اما عند ألاء لي دخلات لكنينيك و هي ساهية كتفكر فيه تا كتحس بشعرها مجرور نطقات بالم: ولا ا اناس شعري لا
راها متأكدة هي شكون على شكون من غيرو لي يزعم عليها وقف قدامها كيطلعها و ينزلها نطق و هو عاقد غوباشتو: اش هاد لبس الأخت هادي اولا
ألاء شافت فيه ببراءة و نطقات: صهد و حقالله
مولفاه كيعاتب على لبسها كيتصرف معاها بحال اخ لكبير لي كيعاتب ختو
نطق و هو كيشوف فشعرها: و تانيا شتك مامجعكاش شعرك اش واقع
ألاء ميقات فيه و نطقات: ياه راه توحشت طبيعة شعري كاين شي مشكيل
أناس شاف فيها بابتسامة: بالعكس هدا احسن قرار خديتيه فحياتك
سكت شوية و عاود شد ليها شعرها مزير عليها و نطق: شكون هداك لي وصلك بلوطو
عضات شفايفها بحرج حمدات الله حيت لوطو زاجها فيمي نطقات بهدوء: احم هداك ناصر
طلق منها كيشوف فيها و نطق باستهزاء: مابقاش موسيو
ألاء حنيكاتها تزنگو نطقات بحشمة: اناس
أناس بتاسم ليها و عنقها غادين ناحية بيروه نطق بحنان: عاودي لحبك عاودي
بتاسمات ليه و عنقاتو و بدات كتعود ليه تا تفشات
جالس فكورسي و هي حداه شاف فيها بحزن و نطق: علاش ماعودتيش ليا هادشي قبل
بتاسمات ليه الاء بحب و نطقات: مابغيتش نبرزطك معايا
اناس خنزر فيها هز صبعو عليها و نطق: اخر مرة ا الاء و لا مرة جاية اتخسريني كوني هانية
ألاء سرطات ريقها و نطقات: و الله تا اخر مرة
أناس تنهد و نطق: امنا بالله
وقف و وقفها: ياله دبا خدمي
و داكشي لي كان داز نهار غير فلخدمة و ملي سلات وصلها اناس و قبل ما تنعس صونا ليها ناصر دوا معاها و علمها على قبل غدا انه ايدوز ليها حيت خاصها تعطي اقوالها و داكشي لي كان

جا نهار جديد خارجة الاء من لوطو كانت لابسة ميني بوط سبور و سروالو فلموڤ مع سبرديلا بيضة مخليا شعرها مطلوق فظهرها كيديه ريح و فوق منو كسكيطا وقف قدامها ناصر تاهوا لابس حوايجو و مقاد حالتو و داير كاسكيطا شد فيها و تمو داخلين و جميع انضار عليهم خصوصا هي واخا قصيرة و فورمة الا ان وجهها مصغرها دخلو لبيرو و نطق و هو عاقدهم: تسناي هنا
خرج من بيرو وخلاها واقفة دقيقة ما كاملة و رجع لعندها حيد ليها كاسكيط و دورها تا عطاتو بضهر و بدا كيجمع ليها شعرها واخا خربقو و عدبو الا و انه مستحيل يخليه مطلوق شعرها كيرلي كان واصل نص فظهرها ولكن ملي كيكون مسرح كيقرب لتحت ظهرها خلا منظر خاص يتعطاها و هادشي لي مابغاش خصوصا ملي سمع وشواشات كيشكرو شعرها
رجع ليها كاسكيط و شعرها مجموع مهمل باسها فعنقها تا تبورشات و نيفو بدا كيشم فريحتها دورها لعندو و نطق بهدوء: صهد عليك اللهم تجمعيه
بتاسمات ليه بحب راه مستحيل تيقو عرفاتو غار عليها تلفتو ناحية لباب ملي بان ليه تحل و دخل الياس تالقاهم بجوج سرط ريقو مولف كيدخل بلا ادن و لكن دبا معاه الاخت جاتو فشكل طلع عينيه دبلانين فناصر و نطق بحزن: كاتب برى على قبل اقوال

يتبع...✏️

بقا فيا إلياس و تا ياسر🙂