صعدت الفتيات الي الفصل وجلسو علي الهاتف بين نظرات ياسمين الحائره وتفكيرها في كيفيه احضار الهواتف معهم الي المدرسه
ياسمين في نفسها: هما ازاي جايبين التليفونات معاهم المدرسه.. انا مالي اصلا يعملو اللي يعملو انا بتدخل ليه.. بس هما ماسكينو بيعملو ايه.. انا احسن حاجه اسألهم واريح نفسي.. هو انا... ممكن اسألكم سؤال
اسراء: اكيد يا ياسو اسألي
ياسمين: هو انتو ازاي جايبين التليفونات المدرسه هو مش ممنوع؟
اسماء: اه ممنوع بس احنا بنجيبو عشان بيبقي عندنا دروس بعد المدرسه ف عادي يعني
ياسمين: ماشي.. طب اخر سؤال بقا لو مفيهاش تدخل مني يعني انتو بتعملو ايه علي ايه التليفونات عالصبح كدا
اسراء: بكلم مودي
ياسمين: مين
اسماء: الله يخربيتك ياغبيه افضحينا بقا... قصدها ابن خالتها يعني اسمو مودي
ياسمين: تمام ماشي
ساره: فيها ايه لما تعرف.. بصي يا ياسمين احنا بنكلم مرتبطين بيهم يعني
ياسمين: ايه مينفعش اصلا تكلمو ولاد مش قرايبكم وحتي لو يقربولكو يبقي بحدود برضو عشان حرام
ايمان: يابنتي عادي معدش فيه حرام دلوقتي واصلا هما بيحبونا وهيتقدمولنا وبعدين البنات كلها بتعمل كدا ف عادي يعني متكبريش الموضوع بقا
ياسمين: مكبرش الموضوع ازاي هو فعلا كبير وبعدين مش معني ان البنات كلها بتعمل كدا يبقي دا العادي اللي البنات بتعملو دلوقتي دا حرام وغلط مينفعش نقلدهم لمجرد انهم بيعملو كدا ومش فارقه حرام ولا مش حرام وبعدين بيحبوكو يتقدمولكو
ساره: ماهما هيتقدمولنا
ياسمين: يبقي تمنعو كلام معاهم لحد مايتقدمولكو
اسماء: وهنتعرف عليهم ازاي يعني
ياسمين: في حاجه اسمها خطوبه تتعرفو علي بعض فيها
اسراء: خلاص بقا متكبريش الموضوع واحنا منقدرش منكلمهمش
ياسمين: انتي بذات تسكتي عشان انا مكنتش متخيله انك تعملي كدا وبعدين ليه متقدروش متكلموهمش
ايمان: خلاص بقا يا ياسمين احنا غلطنا اننا قولنالك يعني عدي بقا الموضوع
ياسمين: مش هقول غير ربنا يهديكو بجد
ساره: يارب متعصبيش نفسك بقا
ياسمين: حسابك معايا يااسراء
اسراء: قلقانه منك مش عارفه ليه
ياسمين: متقلقيش كملي كملي اللي كنتي بتعملي
في منزل ياسمين
يدق جرس المنزل معلناً وصول احدهم وعندما تذهب والدة ياسمين كي تفتح الباب تجد بسمله ترحب بها كثيرا
والدة ياسمين: اذيك ي بسمله تعالي ياحبيبتي ادخلي
بسمله: انا الحمدلله انتب عامله ايه ياطنط هي ياسمين جت من المدرسه ولا لسا
والدة ياسمين: لسا زمانها جايه ادخلي استنيها في اوضتها
بسمله: ماشي
ياسمين: مااما انا جيت
والدة ياسمين: كام مره هقولك وطي صوتك شويه
ياسمين: كام؟
والدة ياسمين: ادخلي ادخلي بسمله مستنياكي في اوضتك
ياسمين: بسمله؟؟ ماشي جهزي الاكل بقا عشان جعانه جداا
والدة ياسمين: حاضر
في غرفة ياسمين
ياسمين بمرح: صاحبي اللي واحشني جدا اللي معدش بيسال عليا
بسمله: انا برضو اللي مبسألش
ياسمين: خلاص ياحب انا اللي مبسألش والله وحشاني جامد انهارده انتي قاعده معايا اليوم كلو
بسمله: لا دا انا جايه اشوفك وماشيه علي طول قولتلهم في البيت مش هتأخر
ياسمين: سهله نكلمهم ونقولهم انك معايا اليوم كلو
بسمله بضحك: كل حاجه عندك سهله انتي
ياسمين: اومال اقعد اقول دي مش هتتحل ودي مش هتتحل ومش هنخلص النهارده لا كل حاجه سهله عادي
بسمله: ماشي
وبتسرح ياسمين ل لحظه
بسمله: مالك يا ياسمين
ياسمين بتردد: مش عارفه والله اتصدمت في اسراء اوي انهارده
بسمله بإستغراب: ازاي احكيلي
ياسمين: بصي ياستي... وتحكي لها ماحدث طوال اليوم
بسمله: بصي هنصحك نصيحه وياريت تمشي بيها.. بلاش تكلمي البنات دي تاني البنات دي مش كويسه وهيخدوكي معاهم
ياسمين: طب ماانا معرفش حد في المدرسه وبعدين اسراء ماصدقت لاقيتها
بسمله: اتعرفي علي بنات تانيه ي ياسمين مش دوا بس اللي موجودين اكيد واسراء انا بجد مش مصدقه انها ممكن تعمل كدا
ياسمين: ايوا بس انا حبيتهم ومش هعرف اتصاحب علي حد تاني وبعدين مش هعمل زيهم متخافيش ولا انتي خايفه خد ياخد مكانك ف مش عايزاني اصاحب حد غيرك
بسمله بزعل: انا يا ياسمين؟ اخص عليكي دا انا بحبك وبتمنالك الخير وانتي عارفه كدا عمتن شكرا يا ياسمين انا ماشيه عشان ماما
ياسمين: استني بس انا مش قصدي والله
بسمله: عادب ولا يهمك يلا باي
ياسمين: احنا مش اتفقنا هنقضي اليوم مع بعض
بسمله: معلش خليها مره تانيه عشان ماما
ياسمين: ماشي يا بسمله اللي يريحك
أنت تقرأ
حياة مراهقات
Teen Fictionقصه تدور حول مرحله المراهقه والتقليد الاعمي اللي البنات بتعملو اليومين دول حتي لو كان غلط.... بس ياترا التقليد الاعمي دا ممكن يوديهم علي فين!؟؟ تعالو نشوف 👀
