سدن : صباح الخير
نهاد بعصبيه : اي صباح خير اي زفت وينكم اتصل و ارسل ما تردون
لين : بسم لله وش فيك معصبه
نهاد : قاعده اسئلكم وين كنتو و وين البقره الثانيه بعد
لين : مين تقصدي
نهاد : سديم من غيرها
سديم : انتي البقره صباح الخير
سدن : وش فيك صاير شي
نهاد : اي
سدن : حتى احنا صار معنا حاجه لازم نقولها لكم
سديم : وش صار
سدن : مو وقته الحين المهم جنى مداومه و شهد و سما و عبير وين
نهاد : اي كلنا مداومين و عبير مدري وينها
لين : يمكن بكلاسها
سدن : يمكن مختليه بسما
بدت سدن و سديم يضحكون بينما لين ابتسمت
بس سكتو لما شافو تعابير وجه نهاد ما تغيرت
سدن : بسم لله وش راكبك انتي من الصبح معصبه كذا
نهاد : روحو لكلاساتكم بقول لكم بعدين
لين : الدكتوره ارسلت انها بتغيب يعني ما عندي شي حاليا
سدن : حتى انا ما عندي شي
سديم : و انا بعد يله قولي وش فيه
نهاد وهي تتنهد : عبير و سما تهاوشو امس و هوشتهم كبيره شوي و عبير مختفيه ما ترد على فونها
سدن : من متى مختفيه و وش صار بالضبط
نهاد : تعشينا امس احنا الاربعه و بعدها راحو لغرفتهم و كلها ثواني و طلعت اصواتهم و بعدها طلعت عبير معصبه و مسكتها قبل تطلع برا الشقه و دخلتها وحده من الغرف و هديتها و قالت انها بتنام و تبي تضل لوحدها و تركتها بعد ما تاكدت انها ما بتطلع من البيت .....
(كملت لهم باقي الي صار )
سدن : ما قصدنا اننا ما نرد و نخوفك بس فوناتنا كانت ع الصامت و انا قلت لك اننا ما بنرجع للبيت ف ما توقعت تتصلي
نهاد : اي صح مع موضوع عبير و الي صار نسيت انكم قلتو
سدن :ما عليك مو مشكله
سديم : ليش ع الصامت وش كنتو تسون
سدن : انقلعي مو وقتك انتي بعد
سديم : والله لاقول لشهد حتى تنشب لكم الين تتكلمون
سدن : لا بالله الا هي
لين : طيب خل نروح نشوف عبير وين
نهاد : بتدوري عليها بالجامعه كلها
لين : بندور بالاماكن المتعودين انها تكون فيها
سدن : تم يله
توزعو كلهم و بدو يدورون عليها
عند سجى الي صحت وهي مصدعه و مالها خلق شي
اخذت لها دش ع السريع و لبست و طلعت من غرفتها استغربت لهدوء البيت الغريب نزلت و افطرت و سئلت الخدم عن جنى الي قالو لها انها طالعه من وقت
ما اهتمت و كملت اكلها
اتجهت لسياره و راحت لبيتها
سجى بصوت عالي : خلود انتي هنا
طلعت لها وحده من الخدم و سلمت ع سجى
سجى : وينها خلود
الخادمه : انسه خلود بغرفتها نايمه
سجى : تمام
طلعت و حصلت خلود نايمه ف نطت فوقها : اشتقت لك
خلود : افف سجى مو وقتك روحي هناك خل انام
سجى : اقول لك اشتقت يا طقعه يله قومي لي ابي اسولف معك
خلود : كم الساعه
سجى : ٩ اعتقد
خلود : ٩ وشو
سجى : الصبح يعني وش غيره
خلود : جايه ذا الوقت حتى تسولفين
سجى : وش اسوي اشتقت
خلود : سجى بذمتك ابعدي عني خل انام ما نمت من امس
سجى وهي تضرب راسها : يالكذابه نايمه من امس يله اصحي خل نسولف
و بعد اصرار و محاولات و ازعاج كثير من سجى صحت خلود و ضلو يسولفون
سجى : الساعه صارت ١ لازم اروح
خلود : ليش
سجى : عندي محاظره يله باي انتبهي لك
خلود : باي
سجى : بشوفك ان طلعت
خلود : ان شاءالله
طلعت سجى من عندها بعد ما بدلت ملابسها و اتجهت لصيدليه و بعدها راحت للجامعه
