حبايب گلبي لا تنسون متابعة الحساب لطفاً والتصويت على البارت، والتعليق على الفقرات
قراءة ممتعه
#طفولة_مسروقة
#بقلم روح
غير مبري الذمه من ينشر القصه بدون ذكر اسم الكاتبة
يولاند:- بعد ماراحن عمتي بتهه صعدتلي مياسه تغني بصوت ناصي
مياسه:- الف الصلاة والسلام عليك ياحبيب الله محمد كلللللللوشش
يولاند:- وسم ومرض شبيج ولج ماتستحين
مياسه:- وأخيرآ راح تتزوجين راح يصير عدنه عرس
يولاند:- بعدنه بسم الله تفكرين بالعرس، عمي وين هسه
شلون اطلع اخجل منهم
مياسه:- عمي طلع وياهم وكال اوصلهن ومناك اروح للمحل، وماما تصيحج
يولاند:- نزلت لكيت ماما ومرت عمي كاعدات بالاستقبال
ماما كالت تعالي يمي يمه رحت يمهه وجانت مرت عمي حسن كاعده ومبتسمه حجت ماما
ام يولاند:- فدوه لبنيتي الكبرت وصار يجيهه خطابه، يمه يولاند عمتج ام مازن خطبتج لبنهه مازن شنو رآيج
ام برهان:- ياااا داده خيال وين تلكه بنيتنه مثل مازن اشو خلقه واخلاق ضابط ونجومه مزينه جتفه وكل البنات تتمناه، اكيد توافق
يولاند:- التفتت لمرت عمي شبيهه اشو مدحت بي اكثر من امه معقوله لهالدرجه احنه عاله عليهه، ماما انه ماعرف شكلج بكيفكم انتي وعمي، بس انه اريد ادرس
ام يولاند:- وعمج هم كالهم هيج، وام مازن كالت ماعدنه اعتراض
يولاند:- ضليت ساكته وبعدهه بدينه بالعشه تعشينه وكملنه وسويت جاي جان الكل موجود حجه عمي حسن
ابو برهان:- بما انو كلكم موجودين اريد احجي وياكم
برهان:- تفضل يابه كول
ابو برهان:- اليوم ام مازن جانت هنا وخطبت مني بنيتي يولاند المازن
يولاند:- بسرعه اجيت اكوم، صاح عمي حسن بويه يولاند ضلي كاعده اريد اسمع الموافقه كدام الكل
شرايج بويه بمازن، ترا انتي بنيتي لا انه متعاجز من خبزتج ولا شي ولو بيدي تضلن يمي ماتروحن منا،
البيت ازهر وصارت بي روح من طبيتله، بس هاي سنه الحياة يبعد ابوج وماكدر اوكف بقسمة وحده منجن
هسه بويه الي اريده منج تفكرين بالموضوع اخذي وقتج وشوفي نفسج مستعده للزواج مقتنعه بالولد،
برهان:- من رخصتك بويه
ابو برهان:- تفضل ابني، حجاهه عمي بأستفهام وشبه ابتسامه شلون سواهن ثنينهن مادري بس هيج جانت تعابير عمي وعيونه تحجي (للكاتبة روح)
برهان:- بويه الله بالخير، بت عمي الي انه رايدهه،
يولاند:- فجر القنبله برهان وخله الكل صافن عين عليه وعين على برهان، انه من حجه خليت وصعدت
مادريت شصار
_______________.___________
أنت تقرأ
طفولة مسروقة
Romanceليس اي طفوله.... هي طفولتي التي لطالما حلمت بتغييرها، طفوله أتمنيى لو آنني عشتها كباقي الاطفال لاهين في اللعب وشراء الحلوى،، قصه ليست كما اعتدتوا عليه من القصص معي انا الكاتبه روح
