نايمة وفزيت على صوت أمي
ألام: ليش بعدج ماكاعده ساعه ٧راح يروح عليج الدوام؟
-أي يمه هسه راح كعد بس خمس دقائق
ألام: ياخمس دقائق ياأبنتي كومي مابقى وقت راح يروح عنج السايق
-أي يانبع الحنان كاعده كمت من فراشي وأنا كول أصبحنا وصبح الملك الله اللهم الك التوفيق في هذا اليوم، غلست وجهي ولبست ملابس الدوام وطلعت من غرفتي وأنا اباوع الى عطر الجنه وهي تحضر الي ريوك وإبتسم وكول ربي لا يحرمني من هذا الحنان.
ألام: يلا يابنتي شنو منتضرا ماتجين مو شعلتي كلبي
- ياحنان قلبي جيت رحت بوست إيدها كلهن حنان
ألام: يابنتي ياروحي
تريكت وطلعت الى جامعتي وأنا متوكله على ربي وصلت الجامعه إشوف صديقت عمري وهي تجي تركض وتحضني
-أجيتي ياروحي صباح الخير كلش متشاقتلج
-صباح النور ياعيوني وأنا هم مشتاقتلج يلا تعالي الى تروح علينه المحاضره دخلت الى القاعه مالتي وبلش روتيني كملت كل المحاضرات ورجعت البيت وأنا فكر بيجار البيت شلون دفع أيجار هذا الشهر كون معي ربي لا تنساني دخلت الى البيت أشوف امي تحضر الغداء.
-سلام عليكم
ألام-وعليكم السلام هلاً بنتي إجيتي روحي بدلي على ماحضر الغداء
-إي ياأمي هسه راح أبدل وصلي وأجي لن كلش جوعانه، بدلت وصليت كمت جبت زياره عاشورء
كل يوم قراء. السلام عليك ياعبدالله الحُسين واسمع صرخت أمي..
------------------------------
بدايه موفقه
لا تنسون التعليقات بين الفقرات
الكاتبه: الحوراء العلي
أنت تقرأ
ضمير قاهر
Romanceعانقني فقط لا تسأل عن أسباب دَمعي الحديث ثقيل والعيّش مُتعب والمكان الوحيد الذي أتخفف فيه بين ذراعيك .
