Unicode
................
(Warning🚫🚫 မကောင်းသောအပြုအမူ၊ အကြောင်းအရာ တစ်ချို့ပါဝင်တာမို့ ကြိုတင်သတိပေးခြင်းပါ)
ပြည့်စုံတစ်ယောက် ညနေပိုင်း လရောင်လေးကို သွားကြိုဖို့ပြင်ထားသော်လည်း စက်ရုံတွင်အရေးပေါ်ကိစ္စပေါ်လာတာမို့ မသွားဖြစ်ခဲ့။
သူဖုန်းခေါ်ဖို့တောင်အချိန်မရလိုက် ဒီဘက်က ကိစ္စတွေကိုအမြန်ဖြေရှင်းချင်နေတာနဲ့ နောက်ကျလို့သွားခဲ့သည်။ ကိစ္စအားလုံးပြီးသွားလို့ နာရီကြည့်မိတော့ ညခုနစ်နာရီပင်ထိုးလို့နေပြီ။
လရောင်ချိုလေးတော့ အိမ်ပြန်ရောက်လောက်ပြီဟုတွေးကာ သူမလာသည့်အပေါ် စိတ်များကောက်လေမလားဟု ထင်မိလိုက်သည်။ သူဖုန်းကိုကိုင်ဆွဲပြီး ဖွင့်ကြည့်ကာ နံပါတ်တစ်ခုကို နှိပ်လိုက်သည်။
အဝင်ကောရှိပေမဲ့ ကိုင်မည့်သူမရှိ။ ဒါသေချာပေါက် သူ့ကိုစိတ်ကောက်သွားသည်ထင်။ ပြည့်စုံပြုံးလိုက်မိပြီး လရောင်ချိုဆီသွားရန်ထွက်လာခဲ့သည်။
လမ်းမှာကောင်လေးကြိုက်တတ်သည့် စားစရာအချို့ကိုလည်းဝင်ဝယ်ဖို့မမေ့။ ကောင်လေးနေတဲ့အိမ်က သူ့ကုမ္ပဏီနှင့် အတော်လှမ်းတာကြောင့် တော်တော်မောင်းရသည်။ လမ်းတွင်လည်း ကားအတော်ကိုပိတ်နေသေးသည်။
ပြည့်စုံ အေးဆေးစောင့်နေရင်း မီးပွိုင့်အနီးနားမှာ အက်ဆီဒင့်အကြီးစားတစ်ခု ဖြစ်နေပုံလည်းရသေးသည်။ သူစောင့်နေရင်းစိတ်ပင်မရှည်ချင်တော့ လရောင်လေးကို အမြန်ပင်တွေ့ချင်နေလေပြီ။
ယာဥ်တိုက်မှုကြောင့် တစ်ဖက်ခြမ်းမှ လမ်းတွေအကုန်ပိတ်ကာထားသည်။ ပြန်ထွက်ပြီးထိုလမ်းကမသွားပဲ တခြားလမ်းကိုရွေးချင်ပေမဲ့ နောက်ကလည်းကားတန်းရှည်ကြီးပိတ်လို့နေပြန်သည်။ ပြည့်စုံရဲ့ကားကလမ်းလယ်ခေါင်မှာ ပိတ်လို့နေသည်။
လမ်းရှင်းပေးဖို့အတွက် ဆယ့်ငါးမိနစ်လောက်အကြာမှ ယာဥ်ထိန်းရဲများ၊ ဆေးရုံတင်ကားနှင့် တစ်ခြားတာဝန်ရှိသူများရောက်ချလာသည်။ လူနာက စက်ဘီးစီးနင်းသူဖြစ်ပြီး ကားဆရာကိုလည်း သေချာစစ်ဆေးပြီးနောက် ရဲစခန်းသို့ခေါ်သွားလေသည်။
ESTÁS LEYENDO
နှစ်မြွှာအချစ် (Twins' Love) ႏွစ္ႁမႊာအခ်စ္ Completed
RomanceUni ..... Pdf file or other ways of making files များဘယ်fileမဆို လုပ်ပြီးဖြန့်ချီခွင့်မပြုပါဘူးနော်။ This is my fourth own fiction. ဇာတ်လမ်းသည် ဖန်တီးသူရဲ့ စိတ်ကူးသက်သက်သာဖြစ်ပါတယ်။ Owncreation ဖြစ်လို့ အဆင်မပြေတာရှိရင် နားလည်စေချင်ပါတယ်။ 📢📢📢...
