غرفة 307

part 6

غرفة_307

بقلم الكاتبة: أزل العقابي

تصويت + تعليق + متابعة للحساب
----------------------------

عفت جروح گلبي وصِرت اداويكِ .🌿

-----------------------------------

-: حاضني بقوة كسر ضلوعي ودموعة بللن جسمي وقابس يباوع وموجه السلاح علينة جسمي يرجف فاقد الطاقة...

حاضن وجهي بثنين ادي ويباوعلي
-: بيچ شي روح جاوبيني ..؟

حچيت بصوت مبحوح
-: راح اموت
باسني براسي وحاضني .. لبسني فانيلتي وگومني على حيلي لازمني من ادية وعاصرهن بأيدة اتقرب
يم قابس ولزمة من ياختة ..

-: حتى واذا خذيت من يمي دليل خيسة من خيساتك يجي يوم واطلعهن كلهن ..

دفعة من چتفة وطلعنة من المكان اتعثر بخطواتي وگوة اجر النفس واون من الوجع ..
صعدنة السيارة وثنينة ساكتين وبس دموعي تجري
يسوق وكل شوي يباوعلي بخوف..

درت وجهي للجامة وصلنة يم بيتنة القديم فتحلي
الباب ولازمني من ادية دخلنة جوة خلاني على الچرباية وغطاني ..

گعد بالگاع گبال الچرباية وحاضن ادية ويبوس بيهن ويبچي وخر شعري من وجهي ويتلمس بخدودي
حط عيونة بعيوني ويباوعلي بعتب ..

-: تعبانة ..؟
بچيت وحچيت بصوت متقطع
-: سينمار

-: ياروح سينمار .

اشرت على بطني ورگبتي وگلت -:
- يوجعني
اتقرب يمي يريد يرفع فانيلتي يشوف بطني دفعت ايدة موجوعة .. شتسوي؟!

-: بس اشوفهن ...

-: شاف بطني وفتح عيونة بدهشة لزم جلد بطني
بخفوت وصرخت من الوجع .. ااخ فشر بصوت ناصي
وگام على حيلة يفتر بالغرفة
يفشر ويغلط بصوت طلع باكيت الجگاير ضل يدخن
منا لحد ماحس انو الباكيت خلص ..

اتقرب يمي وعيونة حمر وعروگ ايدة واضحة
نزل المستواي فرك وجهه وذب حسرة بصوت ..
-: شسوالچ ..؟

-: ما جاوبتة درت وجهي وغمضت عيوني
صاح بصوت عالي

-: روووووح حاچيني شسوالچ

-: فزيت من مكاني گمت املش بشعري بجنون
واصيح بصوت عالي وابچي واشهگ ..
كلة من وراك دمرتوني اتأذيت اني اتأذيت
شفت الموت بعيوني روحي راحت سينمااار راااحت

لزم ادية بثنين ادي وحضني ضليت اضرب بي على صدره وابچي بصوت .. ليش اذيتني ليش

-: اششش ما اذيتچ انه..
بعدني من حضنة وباوع بعيوني مسح دموعي
باس باطن ايدي وگام اخذ سويچ السيارة وطلع ..

حطيت راسي على المخدة ونمت ما گعدت الة وهو يگعدني من نومي.

-: اگعدي روح تعبتيني ...