في مركز الشرطه وتحديدا غرفه التحقيق
نايف : مفكر نفسك ذكي ياحضره الضابط تراني اذا ماطلعت اليوم بطلع بكرا مب ظال لكم والا نسيت انا مين و ابوي مين
راكان بسخريه : هذاك اول الحين انت وابوك عندنا وبعدين كيف بتطلع بعد اعترافاتك ؟
نايف : م اعترفت بشي
راكان فتح تسجيل الصوت اللي كان نايف يعترف فيه عن مستودعات المخدرات بعد م قفل المسجل التفت له : اتوقع كذا يكفي صح
نايف : انت من وين لك هالتسجيل
راكان :ظنيتك ذكي يانايف بس الظاهر طلع العكس
نايف : تالا؟
راكان : تالا مين تالا ؟ البنت اللي خربت لها حياتها؟
نايف : قصدك برتب لها حياتها بس نتزوج ان شاء الله
راكان هنا حب يستفزه علشان يعترف اكثر : ومين قالك بتاخدها انا حاط عيني عليها وبتزوجها
نايف بعصبيه وصراخ : تخسيييي محد ياخذها غييريي تالا ليييي انا وبسسس انا ماسويت كل هذا الا عشانهااا
راكان ببرود : وش تقدر انت تسوي عشان تكسبها كل اللي سويته م استفدت منه شي والبنت ماتبييك
نايف : تبينيييي كلهه من اختهاا الحقييره هيي اللي خربتها عليي تفكرني بسكتت لهاا وربيي لاذبحهااا
راكان : انت تبي تالا على قولتك وبتصير لي الباقي مالك دخل فيهم
نايف : ياتصيير ليي يا بذبحهم وانا اصلا حاط اختها الكبيره في بالي فاهمم
راكان باستفزاز : خلك من اختها عليك منها هي انت ماسويت ولا شي عشانها كل اللي سويته عشان نفسك
نايف بلا وعي وعصبيه : اناا كلل شي سويته عشانها اناا ذبحتت عشانها اشتغلت بالمخدرات عشان اجيب لهاا فلوووسس
انتبه لنفسه لان كلامه يعتبر اعتراف ابتسم راكان من حس عليه توهق : كانك جبت العيد ها ؟ تدري كلامك ذا يعتبر اعتراف ؟؟
نايف بهدوء: ابوي ابي اكلم ابوي
راكان :الظاهر انك نسيت ان توني اقولك ابوك انقبض عليه بتهمه قتل الضابط عبد الله
نايف رفع راسه بصدمه : وش تخبص انت !!!
راكان ابتسم ورجع سمعه اعترافه لتوت
نايف : استخدمت البنت اللي احبها ضدي ؟ برايك ذي رجوله ياحضره الضابط ؟
راكان بسخريه : انت وش رايك ؟ الرجوله اني اخطف بنت الناس ؟ والا الرجوله اني احميها وش رايك ؟
نايف : انا برايي احمو الكل لاني مب مطول هنا بطلع وبذبحهم كلهم ماعاد تالا باخذها وبسافر معاها وبتحبني بالطيب والا بالغصب
راكان : احلامك واسعه يانايف لو كنت مكانك جلست استغفر لين ربي يتوب علي
طلع من عنده متوجهه لغرفه وتهديدات نايف ماغابت عن باله ف قرر يدق على فواز طلع رقمه ودق عليه
........
عند فواز وتوق صحو ورتبتو الشنطه وركبو السياره متوجهين للمطار بس قاطعهم اتصال رفع فواز جواله وهو مستغرب من الرقم الغريب
توق : مين ؟
فواز : الحين نعرف مين ، الو
راكان : الاخ فواز بن****؟
فواز : اي نعم تفضل
راكان: معك ركان من ****** نحتاجك تمرنا اليوم ضروري
فواز: اي بس انا متوجهه للمطار مايصير اذا رجعت
راكان : لو سمحت اخوي الموضوع ضروري ياليت تجينا
فواز تنهد وناظر لتوق اللي تناظره باستغراب : طيب الحين اجيكم
توق : ويين ؟؟ مابقى شي على الطياره
فواز : بروح المخفر ضروري برجعك البيت وبعدها بجيك
توق: والسفره ؟
فواز : خلاص حبيبتي بعدين نشوف الوضع بس الضابط يقوم ضروري
توق : تتوقع صاير شي بقضيه ابوك؟
فواز: نشوف محنا خسرانين شي
وصلها البيت وتوجهه لمركز الشرطه دخل وتلاقى مع راكان
راكان : اتوقع انت عارف كل شي بالقضيه صح؟
فواز: اي عارف بس ما اعتقد انك مستدعيني عشان هالموضوع صح؟
راكان : سفرتك لازم تاجلها ولازم تنتبه لزوجتك ولنفسك لان الظاهر ابو نايف و ولده مو ناويين على خير ونايف يهدد ان بيضر زوجتك
فواز بعصبيه ضرب الطاوله : يخسيي يلمس شعره منها خليني اقابله الحقيير
راكان : مايصير تقابله وانت بهالعصبيه يافواز اهدا وصلي على النبي
فواز : عليه الصلاه والسلام بس جالس يهددني بزوجتي وتبيني اظل ساكت يعقبب والله
راكان : اذا تبي سلامة زوجتك بنتبه
فواز : زين زين خلني اقابله
دخل فواز وكان نايف منزل راسه من سمع الباب رفع راسه وضحك باستهزاء : اووو العديل
فواز : بعادلك الحين اصبر
قرب منه ومسكه من رقبته ونطق : انت ميين ياولد**** عشان تهددني بزوجتي ها
نايف وهو يحاول يفك نفسه : سمعت عن جمال زوجتك من حقك تخاف عليها بس ترا مو بس زوجتك اهلك كلهم باخد روحهم مثل م ابوي اخذ ابوك
ضربه لكمه على وجهه و نزل فيه ضرب ليين م جو الضباط شالو فواز من على نايف
نايف : انا اشتكي عليه اعتدى علي بالضرب
راكان سحب فواز وطلع وياه : انا مو قلت لك لا تسوي شي تندم عليه
فواز: ندمي الوحيد اني م ذبحته
راكان : فواز اهم شي الحين حياتك وحياه زوجتك واهلها واهلك بعد لا تخليني اندم اني اعتمدت عليك
فواز : ان شاء الله م تندم
جلس مع راكان فتره عشان يفهمه كيف يوفر الحمايه لاهله وشنو دور راكان والضباط اللي معاه بحمايه توت واهلها بعد فتره وبعد م اتفقو على كل شي ودع فواز راكان واخذ اغراضه وتوجه مسرع عند توق لان متركهها لوحدها بالبيت
........
عند توت كانت جالسه فوق السطح تلاعب القطوه
توت : انا والله خايفه انك تطيحيني تراها تسمى انتحار مب فاضيه لك انا كفايا مشاكلي
قاطعها صوت قمر : ليش م انتي ترمين نفسك ونرتاح
توت : يعع توني رايقين ياقطوتي الحلوه جو اللي يخربون علينا مزاجنا
قامت بتنزل بس مسكتها قمر من ذراعها : تغير ابوك المفاجئ كله بسببك وانتي خربتيها وانتي بتصلحيها
توت بسخريه : مصدقه نفسك انتي ؟ اصلح ايش ؟ ابوي م تغير الا من بعد م ربي فتح له عينه وشاف حقارتك
قمر : اسمعيني زيين ياتوت اذا م صلحتي الامور بيني وبين ابوك انا هالمره اللي بكون كابوسك مو نايف مع ان نايف مو مقصر وان شاء الله ياخدك ونفتك
توت بضحكة : وينه نايف ؟
قمر بتوتر وارتباك: وانا شدرني انا م اتفقت وياه على شي
توت ناظرتها باستغراب : انا م قلت انك اتفقتي معاه على شي ليش جايه تقولين كذا الا اذا انتي متفقه معاه هذا موضوع ثاني
قمر : اللي عندي قلته بتصلحين الامور والا؟
توت : والا ؟؟ الواضح من غبائك كشفتي نفسك انتي اللي قلتي انك متفقه معاه
قمر باربتاك وخوف : ق قلت لك ما اتفقت شفييك
توت : لو م اتفقتي معاه كان اسمه مارح تعرفينه لان اصلا ماعمرنا تكلمنا عن اسمه قدامك هذا اول سبب يدل انه بحثتني عنه ثاني شي شعرفك انه مو مقصر ؟ اقولك شي ؟ نايف الحين بالمخفر واذا اكتشفت او عرفت انك معاه بأي تعتبري شريكته بالجريمه
قمر : اقولك ماسويت شي م تفهمي انتي
توت : باقي لك فرصه اخيره ياقمر والله لافضحك قدام عيون الناس كلها انتبهي وحاولي تكسبينا انا وابوي والا فضيحتك قدام خلق الله كلهم على يدي
تركتها بقوه واخدت القطوه ونزلت وهي شبه متاكده ان قمر لها يد بالموضوع ، اما عند قمر ظلت واقفه ومتوتره خايفه ان توت تكشفها وهي ماعندها شك بذكاء توت وعارفه لو حطتها ف بالها م بتسلم لا منها ولا من ابو خالد
.........
عند تالين كانت واقفه مع استاذ معاها بالمعهد
الاستاذ: لا استطيع ان اشرح لك عن امتناني لمعرفتك ياتالين انا فخور بك كثير ف البحث الذي اجريتيه نال اعجاب الطلبه واعجاب الكثير من الاساتذه
تالين : شكرا جزيلا استاذ هذا من دواعي سروري
الاستاذ : اريد منك ان تلقيه على مجموعه اخر وايضا اريد منك المشاركه في مسابقه البحوث انا اعلم انك سوف تنجحين وتاخذين المركز الاول
تالين : ومتى تقام المسابقه ؟
الاستاذ : قبل نهايه هذا الاسبوع اتمنى لك يوما سعيده عزيزتي
مشا الاستاذ وانتبه لعزام اللي كان واقف قدام السياره وقريب منهم ويطالعها ابتسمت له وقربت : حبيبي متى جيت ؟
عزام: من اول م وقفتي مع الحيوان ذا
تالين بصدمه : عزام شفيك شسوا الاستاذ
عزام : بس يتحكحك ماسوا شي طال عمرك
تالين : كانك غرت؟
عزام : تالين اركبي السياره يابنت الناس مابي اجرم باللي موجودين كلهم اركبي
ركبت وهي تضحك عليه وعلى غيرته
تالين بضحكة : منجدك غرت من استاذ كبر ابوي
عزام : في شي يضحك ؟
تالين : يالله منك اي في شي يضحك وبعدين م تدري هذا الاستاذ وش يبي مني ؟ يقول ان
عزام : مايبي منك شي هذا الاستاذ بتتحاشينه ولا تكلميه حتى
تالين بصدمه : اوك ادري غيران بس
عزام وقف السياره والتفت لها : مو سالفه غيره يابنت الناس ماتعرفي وش نيته؟؟؟؟
تالين : وش نيته يعني ؟؟ شفييك شكاك بالكل
عزام : اسمعني زيين ياتالين هذا الاستاذ مارح تقابلينه واذا شفتيه تسوي نفسك م تعرفيه فاهمه؟
تالين : لا بتوضح لي السبب
عزام بعصبيه : اناا قبل م اسجلك هنا سالت عن اي استاذ او استاذه بيدرسوك وقالو لي هذا الحقير م بيدرسك اجي واستغرب ان يدرسك على اي اساس ؟؟ لا تخليني اسجلك بمكان ثاني
تالين : انت وش قصتك ؟؟؟ قول ليي شفيه الاستاذ
عزام بعصبيه : هذاا الاستاذ ياخذ البنات بحجه البحوث و يغتصبهم عرفتيي وش قصته ؟؟؟ بهذا الزمن حتى وانتي ببلدك م تامنين لاحد كيف وانتي بغربه و اجانب
تالين بصدمه : بس ك ي ف يعني هو كان محترم وكيف مخلينه يدرس ليين الان مافهمت ؟
عزام : محد بيجي بيضرك بيقول لك ترا انا بضرك اكيد ف البدايه بيكون كذا معاك وليش مخلينه لان واسطته قويه هنا واصلا هالبلدان كل شي يصير عندهم
مسك يدها وباسها : بس لا تخافي انا معك
تالين بدموع : بس هو قال لي ان يبيني اروح اقدم بحوث
عزام : متى قالك
تالين: نهايه هالاسبوع
عزام: نهايه الاسبوع بفتح قبره انا
تالين بخوف : عزام ؟ تتوقع يسوي شي
عزام بحده: يعقبب والله لو يلمسك ذبحته
تالين: خلينا نرجع تكفى مابي اكمل هنا
عزام : منجدك انتي ؟ من اول مشكلة صارت لك بتتركين دراستك ؟ اكيد مارح اسمح لك تتراجعين انا بكلم الاداره وبشيلك من عنده لا تخافين
تالين: اي بس
عزام : حنا وش تكلمنا مافي رجعه المملكة غيير لما اشوفك ماخذه الشهاده لا هذا الحقير ولا غيره يقدر يحط يده على مستقبلك تمام؟
تالين بابتسامه و امتنان : تمام
عزام : اضحكي اشوف
تالين وهي تخبي وجهها من الخجل : يالله منك
عزام ابتسم وقرب حط كفه على وجهه وتلمس شفايفه ونطق بصوت حنون: أضحكي ياجَعل مالك من الهّم طاري
تالين بابتسامه : في خيالي كنت أحلم بأجمل حب وفي الواقع حبك أفضل من كل أحلامي
ابتسم وحرك السياره متوجهين لشقتهم
.......
عند فواز دخل البيت وشاف توق جالسه تهز رجالها بتوتر وتاكل اظافرها من شافته ركضت وضمته بقووه : الحمد لله انك رجعت سالم
ضمها بقووه : خفتي ؟
توق : مت من خوفي
بعدت عنه ومسكت يده بس انصدمت من الجروح اللي بيده لان ضرب نايف بقوه وتجرحت يده خافت ونطقت بخوف : فواز ؟؟ شصاير معك ؟ وين كنت ؟
ابتسم وجلس وجلسها جنبه : لا تخافين انا بخير
قامت مسرعه وجابت ثلج له حطت الثلج على يده بخفه : بسم لله عليك توجعت؟
فواز وهو يناظرها ويناظر خوفها نطق بحنيه : ياحلو الوجع اذا بيجي من اجمل نساء الارض
توق : مو منجدك انا خايفه عليك وانت تتغزل قول لي شفيك وين رحت تدري الحين طارت عننا الطياره
فواز : وتطير ؟ اجيب لك عشر بدالها
توق: انت تدري م همتني اللي همني انت تركتني بالبيت وطلعت مسرع ورجعت لي بعد ساعات وش صاير فواز
فواز تنهد واستند على الكنب ومد يده لها بمعنى تعالي بحضني قربت وحطت راسها على صدره : شفيك حبيبي ؟
فواز : السفره ناجلها لبعد فتره وبعوضك لا تخافي
توق قاطعته : قلت لك م همتني
فواز : اسمعيني ، من يوم ورايح طلعه من البيت بدوني مافي
توق ناظرته باستغرب : وليش هذا كله
فواز : توق انتي عارفه م احب احد يقاطعني صح؟
توق : صح نسيت اسفه طيب كمل
فواز : م تطلعي بدوني و خواتك نفس الشي يجلسون بالبيت وانا بكلم عمي ابو خالد و اخوك خالد ينتبهون وفي راسي اجيب امي واختي هنا بس المشكلة باخوي مدري شوضعه
توق : فواز بتفهمني ليش هذا كله؟
فواز: ابو نايف مو شخص سهل وجالس يهددني فيكم وما اعتقد مخفي عليك مين نايف ومين ابوه
توق بخوف : تتوقع يسوون شي
فواز بتنهيده : نقول ان شاء الله لا
........
نسرع الاحداث شوي
- انتقلو ام فواز وعيالها عند فواز وتوق
- توت كانت متردده بين انها تكلم يوسف والا تحقره
- تالين وعزام لسى على وضعهم بس عزام كلم الاداره وازالو تالين من صف الاستاذ وهذا سبب بانزعاج الاستاذ
- راكان لسى يدور ادله اكثر على نايف وناوي عليه
..........
عند فواز ويوسف بالمكتب
فواز: انت شوضعك صار لك فتره مو طبيعي طول الوقت كانك تنتظر رساله من احد
يوسف : تتامن على السر ؟
فواز : صاحي انت؟ تراني اخوك انطق شفيك
يوسف : احسني حبيت
فواز : كيف يعني
يوسف: في بنت عرفتها قبل فتره صرت اشوفها بالصدفه عند البقاله ومدري احس قلبي تعلق فيها
فواز: انا مو فاهم تشوفها عند البقاله وتحبها شوضعك؟
يوسف بخنقه: انا حبيتها حب صادق
ويشهد علي الله ربي وش كثر اغليها
قلبي كل ماحل طاريها فز لها تسعين فزه
فواز : زين مين ذي البنت ياخوي اروح اخطبها لك
يوسف : ماعرفها يافواز
فواز: كيف ماتعرفها وحبيتها
يوسف وهو يتذكر مواقفه مع توت : حبيت انسانيتها وحنيتها حبيت وقفتها عيونها ياخوي عيونها
فواز بضحكة : شفيها عيونها ؟
يوسف : كُل العيون مرت عابره إلا عُيونها اخذت قلبي بنظراتها البريئه
فواز: ياربي سترك مين ذي البنت اللي خلتك كذا زين ماعندك رقمها نروح نطلب القرب منها
يوسف : من اول مره ؟ يمكن البنت حاليا م تفكر بالزواج
فواز : ويمكن متزوجه
يوسف : لا لا م اعتقد
فواز : وش اللي يضمن لك ؟
يوسف : لو متزوجه ماتوقع بتكلمني وبترد علي
فواز: اقول امش امش انت مو عارف لنفسك
........
عند توق وام فواز بالمطبخ كانت ام فواز تعلمها كيف تسوي الكبسه بحكم انها اكثر طبخه فواز يحبها
توق : عاد تصدقين ياخالتي طول عمري اطبخ لابوي واخواني الا هالطبخه م طبختها
ام فواز : افا عاد كل شي الا الكبسه
توق : اي والله انا بعد مرره احبها اختي توت تسويها بالعاده
ام فواز : عاد لازم تعرفيني على خواتك
هديل دخلت عليهم وهي تاكل شوكلت: اي والله وانا ودي اتعرف عليهم ، صحيح توق انا اليوم معزومه عند صديقاتي عادي البس شي من عندك ماودي اروح السوق تكفين
توق بابتسامه : اكييد روحي الغرفه وخذي اللي تبيه وترا في فساتين وملابس لسى م لبستهم خذي لك نظره عليهم واذا عجبك شي حلالك
هديل قربت وضمتها بقووه: اموت فيك يا اجمل زوجه اخو بالدنيا كلهاا
ركبت غرفه توق مسرعه وفتحت الدولاب بقوه وصارت تطلع لها ملابس وتجرب لفتت انتباهه صوره محطوطه بالدولاب شافت توق وخواتها وضامهم رجال من ورا وكانت صوره عفويه ولطيف ابتسمت بس اختفت ابتسامتها من عرفت هالشخص هذا نفسه الشخص اللي قابلته بالحديقه اخذت الصوره ونزلت لهم الصاله كانت توق وام فواز و لعيال بالصاله
هديل : توق
توق التفت لها : اخذتي لك ؟ اوو شفتي الصوره؟
هديل : مين ذول ؟
اخذت الصوره توق وناظرت فيها بحنيه لامست اصابعها وجوه خواتها و وجهه خالد : هذول انا وخواتي واخوي خالد
هديل بلعت ريقها ونطقت : اسمه خالد؟
توق ناظرتها باستغراب : تعرفينه ؟
هديل ناظرت اخوانها الا عيونهم جت عليها وكانهم ينتظرو اجابتها جاوبت بسرعه : لا لا بس م احسه يشبهك
توق بابتسامه: اي حبيبي بسم لله عليه يشبه ابوي مرره
هديل بترقيع : حتى اختك توت شوفي كيف حامله القطوه
توق : ايي توت عشقها الحيوانات خصوصا القطوه
هديل : ناديها تجلس معنا اليوم
ام فواز : انتي م بتروحي بيت صديقتك
فواز بحده : مو قايل مافي طلعه من البيت ؟
هديل : اي صح شفتي يمه نسيت ان فواز حاط لها حظر تجول
فواز : تتمسخرين حضرتك؟
هديل : ابد
التفت لتوق وكملت: بس اتوقع عادي يجونا ضيوف صح
توق ناظرت بفواز بمعنى لا تكسر بخاطرها تنهد وابتسم : طيب كلمي توت خلها تجي وتتعرف على الانسه ، وانت يوسف بتظل بالبيت والا
يوسف : بظل بجناحي
التفت لتوق : وترا تقدرو تاخذو راحتكم م بزعجكم ابدا
ابتسمت له توق بامتنان وتوجهت تكلم اختها تعزمها على البيت .
...........
نكمل وقت ثاني ، وبالنسبه للبنوتات اللي يتواصلو معي خاص هالفتره الواتباد مرره صاير ينرفز ويعلق يعني اي رساله تجيكم مني يمكن تكون بالغلط ف مرره اسفه للجميع واللي حابه تتواصل معي تقدر تتواصل معي بالانستا( ixr5510) قراءة ممتعه للجميع 🤍.
