ဖဝါးထက်က ပုလဲသွယ် [MM translation]

ဖဝါးထက်က ပုလဲသွယ် (၈) (ခ)

Translation of Pearl In The Palm.

ဖဝါးထက်က ပုလဲသွယ် (၈) (ခ)

Translator - Jinnie Grace

_____

ယဲ့ဖူအန်းက အစေခံတွေကို လင်ရှန်းမျှော်စင်အား ဖွင့်ခိုင်းပြီးသူတို့သုံးယောက်ထိုမျှော်စင်မှာပင် သောက်စားကြသည်။

အမြင့်ပိုင်းမို့ တံခါးတွေက အပွင့်ဖြစ်ကာ လေကတစ်ဟောဟောနှင့်တိုက်နေသည်။ ယဲ့ဖူအန်းနှင့်ကျောက်ယွင်တို့ တောင်ပိုင်းက ပိုးစာသီးခင်းတွေိကို ပြန်ပြုပြင်ဖို့အကြောင်းပြောနေစဉ္မှာပင် တိရှောင်းကတော့ ပြတင်းပေါက်အပြင်ကိုကြည့်နေသည်။

ဒီအဆောက်အဉီးက လေးထပ်ရှိကာ ယဲ့အိမ်တော်တွင် အမြင့်ဆုံးဖြစ်သည်။ လင်ရှန်းမျှော်စင်က မြောက်ဖက်တွင်တည်ရှိသည်မို့တောင်ဖက်ကို ကြည့်လိုက်သည်နှင့် ယဲ့အိမ်တော်တစ်ခုလုံးကိုမြင်ရသည်။

တိရှောင်းက အိမ်တော်တစ်ခုလုံး၏ ဖွဲ့စည်းပုံကို ကြည့်နေရင်း ယဲ့ဖူအန်းက သူ့သမီးကိုဘယ်နေရာမှာများထားမလဲဟု တွေးနေမိသည်။

တိရှောင်းက မင်္ဂလာပွဲအကြောင်း ဘာမှဟမလာတော့ ယဲ့ဖူအန်းပင်ကြောင်တောင်တောင်ဖြစ်လာသည်။

    တိရှောင်းက ဘာမှမပြောတော့ သူလည်း ဘာမှစပြောလို့မရ။ "အရှင့်သား ဘာလို့တစ်ယောက်တည်းလေတိုက်ခံနေထတာလဲ?"
တိရှောင်းက ယဲ့ဖူအန်းကိုလှည့်ကြည့်သည်။ "အမြင့်ပိုင်းမှာနေရတော့ နည်းနည်းမူးနောက်နောက်ဖြစ်နေလို့ပါ"

"ကဲ မင်းသား။ အမတ်ချုပ်ကြီးနဲ့ စကားပြောနေခဲ့ဉီး။ ကျုပ် လမ်းနည်းနည်းလျှောက်လိုက်ဉီးမယ်"

ကျောက်ယွင်ခဏတော့ အံ့သြသွားသော်ငြား အပြုံးလေးနှင့်ပြောလိုက်သည်။ "ဉီးလေးက မြင့်တဲ့နေရာတွေကိုမကြိုက်ဘူးလေ။ အခုကျွန်တော်တို့ပြောနေတာဘယ်ရောက်သွားပါလိမ့်။ ပိုးစာပင်စိုက်တဲ့နေရာတွေကိုလျော့ချလိုက်ရင်......"

တိရှောင်းက အောက်ကိုဆင်းသွားပြီးနောက် သူ့တပည့်တွေိကိုမလိုက်ခိုင်းသည်မို့ ယဲ့အိမ်တော်ကလူတွေပင် သူ့နောက်မလိုက်ရဲကြပေ။