عاملين ايه وحشتونيي، اسفه جدا جدا جدا ع اليومين اللي فاتو دول منزلتش فيهم بس الشغف كان معدوم وملقتش تشجيع ولا حد اهتم لتأخير البارت ومكنتش هنزلها بصراحه انهارده ياريت الاقي تفاعل عشان لو ملقتش تفاعل وتشجيع مش هكملها
في صباح اليوم التالي حيث تتحدث ياسمين في الهاتف
ياسمين: يابنتي اسمعي الكلام ايه اللي مش عايزه اجي احنا كلنا معاكي وبعدين عشان نخلص باقي المهمه عايزين نكمل سوا مش تخلصي انتي وتخلعي يلا بقا يارورو
ساره: خلاص يا ياسمين هاجي حاضر
ياسمين: ايوا كدا عايزه بقا الاقيكي في المدرسه قبلي ماشي
ساره: ان شاء الله يلا روحي البسي سلام
ياسمين: سلام
في المطبخ
ياسمين: ماااماا خلصتي ولا لسا
والدة ياسمين: خلصت ياللي فضحاني بصوتك دا كنتي بتكلمي مين صحيح عالصبح كدا
ياسمين: ساره صحبتي اللي معايا في المدرسه
والدة ياسمين: بقولك يا ياسمين انا مش مرتاحه للبنات دي ماتبعدي عنهم احسن
ياسمين: مش هبعد عنهم يا ماما عشان هما كويسين
والدة ياسمين: حساهم بيعملو حاجه غلط
ياسمين: لا ولو بيعملو ف انا هغيرهم وحده وحده
والدة ياسمين: ماشي يابنتي اللي انتي شيفاه
ياسمين: هتعوزي حاجه طيب
والدة ياسمين: طب انتي مفطرتيش
ياسمين: هاكل بس السندوتش دا عشان مش قادره
والدة ياسمين: ماشي انتي هتخلصي وتروحي علي بسمله علي طول ولا هتيجي الاول
ياسمين: مش عارفه لسا هشوف بس غالباً هاجي احط الشنطه واغير واخد التليفون
والدة ياسمين: ماشي يلا عشان متتأخريش
ياسمين: يلا سلام
في المدرسه
اسماء: اسراء انتي متأكده انها مش هتعرف
اسراء: ان شاء الله مش هتعرف نظبط بس احنا الكلام عشان متشكش في حاجه انا استحاله اعمل زي ساره
اسماء: طب خلاص عشان ساره جايه اهي
ساره: صباح الخير يابنات ياسمين لسا مجتش؟
اسراء: اه مجتش لسا
ساره: كويس جيت قبلها
اسماء: كانت هتفرق يعني لو كانت جت الاول
ساره: ايوا انا مكنتش جايه اصلا هي اللي قعدت تزن عليا الصبح وقالتلي اوصل قبلها بس
اسراء: ماشي ياختي
ساره: اهي ايمان جت وياسمين معاها هما اتقابلو بره ولا ايه
ياسمين: صباح الفل عالكل
ساره: يارايقه انتي شوفتي جيت قبلك اهو
ياسمين: جدعه ي رورو يلا بقا عالطابور
اسماء: يختاااي هو كل يوم
ياسمين بجديه: مش عايزين دلع يلا عالطابور
ايمان: وربنا انتي لو المدير ماهيعمل كدا
ياسمين بمرح: طب فكره والله ابقي المديره وشوفو هعمل ايه
اسراء: ياسمييين متتغريش كتير ياحببتي
ساره بضحك: سيبيها يابنتي براحتها
ياسمين: صاحبي الجدع
ساره: حبيبي
وظلو يمرحون وحينما انتهي الطابور صعدو الي الفصل
ياسمين: ان شاء الله في الBreak انهارده الدور علي ايمان
ايمان: حد بينادي
ساره بضحك: اخلصي انتي كمان من الاهم الاسود دا بقا خلينا نرتاح كلنا
ايمان: ايوا انا قررت قرار مهم
الجميع: اللي هو
ايمان: هعمل اللي ساره عملتو
ياسمين بحسره: عوض عليا عوض الصابرين يارب يعني انتي كدا قولتي حاجه جديده مثلا!
ايمان: ايوا غيرت الكلام سيكا
ساره: سيكا! بت انتي اتهدي بقا زهقتينا
اسراء: بالله عليكو انا مصدعه ومش ناقصه اصدع اكتر افصلو
عمّ الصمت المكان بسبب ان المُعلمه دخلت الفصل وبدأت في الشرح
وفي الBreak حدث مثلما حدث
ياسمين: بصي بقا وقبل ان تُكمل حديثها تحدثت ايمان
ايمان: لا بصي انتي انا كدا كدا معنديش دم ومبعيطش واصلا كان واد سئيل وكنت عاوزه اخلص منو البركه فيكي بقا
ياسمين بضحك: لا حول ولاقوة الابالله انتي يابت هبله طب ازعلي حتي شويه او اي حاجه
ايمان بمرح: انا تلاجه معنديش دم والله انا عارفه
ياسمين: طيب نفس الكلام اللى قولتو لساره امبارح ليكي برضو ومتجبيش التليفون تاني بقا
ايمان: تمام احسن برضو عشان وجع الدماغ
ياسمين: لا انا هقوم من هنا احسن
ساره: خديني معاكي بالله عليكي
ياسمين بضحك: تعالي نتمشي شويه
ساره: ألا قوليلي يا ياسمين مفكرتيش ترتبطي او تحبي او تكراشي حتي
ياسمين: مش هكدب عليكي ف اعدادي كنت لما بشوف ولد شكلو حلو كنت ببقي معجبه بيه بس كنت عارفه ان النظره ليهم حرام ف كنت بغض بصري علي قد مااقدر وعشان دول ناس تافهين اساسا
ساره بضحك: شكلك بتكرهيهم
ياسمين: مبكرهش حد بس ميفرقوش عندي وجودهم زي عدمو عادي يعني
ساره: عندك اخوات؟
ياسمين بحزن: للأسف لا ولا ولاد ولا بنات تعرفي ان كان نفسي يبقي عندي اخت نبقي مع بعض ونلبس لبس بعض واحكيلها اللي مزعلني ونقعد نخانق في بعض وكان نفسي يبقي ليا اخ برضو يبقي معايا وجمبي في كل حاجه ولما يشوفني زعلانه يقعد معايا ويتكلم معايا وانا ادايق فيه واخد لبسو والعب في حاجتو
ساره: طب يعني ربنا مرزقش مامتك بأطفال تاني؟
ياسمين بدموع: خلفت توأم ولد وبنت وماتو بعد سنه قعدو فتره قصيره بس حبيتهم اوي وكان نفسي يفضلو معايا ويبقو جمبي
ساره بحزن علي صديقتها: احنا اخواتك وهنفضل جمبك حتي لو دخلنا شعبه مختلفه او كليه مختلفه هنفضل مع بعض وبعدين احمدي ربنا مامتك وباباكي موجودين
ياسمين: بحمد ربنا والله ومش معترضه وهما معوضني عن اخواتي الله يرحمهم ومش مخليني عاوزه حاجه وبسمله صحبتي دي اختي مش صحبتي بس لكن اوقات كدا غصب عني بزعل بس الحمدلله علي كل شيء
ساره: احنا جمبك يا ياسو
ياسمين بإبتسامه: ربنا يخليكو ليا
في جانب اخر
اسماء: هي ساره واخده ياسمين وبيتكلمو ف ايه
ايمان: مش شئ يخصنا
اسراء: لا انا عايزه اعرف بيقولو ايه
ايمان بملل: فضوليين درجه اولي
اسراء: بس يابت اتلمي
ايمان: اتلمي انتي وبطلي تقوليلي يابت عشان مقوملكيش
اسراء: قومي ووريني هتعملي ايه مفكراني هخاف
وقبل ان تتحدث ايمان قاطعتها ياسمين قائله: وحيات امك يااسراء لو ماسكتي ماهتعرفي هعمل فيكي ايه اتلمي احسنلك
اسراء بخوف: خلاص والله كنت بهزر معاها دا ايمي دي حبيبتي
ايمان: دلوقتي حبيبتك دا انتو شله تجيب جلطه
ياسمين: اللي هتتكلم هزعلها يلا نطلع خلي ام اليوم دا يعدي
ساره بمرح: ايوا يامسيطر
ياسمين بتحذير: بلاش انتي يا ساره
ساره: خلاص يبنتي في ايه بهزر معاكي
ياسمين: طب اطلعو يلا
أنت تقرأ
حياة مراهقات
Fiksi Remajaقصه تدور حول مرحله المراهقه والتقليد الاعمي اللي البنات بتعملو اليومين دول حتي لو كان غلط.... بس ياترا التقليد الاعمي دا ممكن يوديهم علي فين!؟؟ تعالو نشوف 👀
