ظلمات الكاسر

مشاهد

مساء الخير شذراتي🧿📿

رجعتلكم بقصه حماس وقوه اكشن اجرام

القصه خيال لاكن مأخوذه من الواقع وسبق وكلت سنتطرق على جميع ماحدث لبنات العراق او العالم
راح تفهمون شقصد بلقصه
احداث حدثة على ارض الواقع لاكن سنجسدها بأبطالنه

اتمنى تضيفون القصه المكتبتكم
لان جداا تستاهل

التقيكم بقصتي الجديده
ظلمات الكاسر
انا الكاتبه: فاطمه الموسوي
ــــــــــــــــــ
مدري وين تريد بيه روحي تأخذني على دربك وانا اعرفك مو اليه
ـــــــــــــــــــــــ
بنات
يقسى عليهن الزمن
لتنجمع

البرائه مع الأجرام

الخيانه مع الوفاء

الأهتمام مع عدمه

اسلاب الذات
اسلاب حق طفله
اسلاب حق مراهقه
اسلاب حق فتاه انظلمة بغير ذنب
اسلاب حق طفوله والتعذيب الأسري

ماذا سيحدث ياترئ لتلك الفتيات
ــــــــــــــــــــــــ
المشهد الأول
ــــــــــــــــــــ
واكف كدامي يروح ويجي يفرك براسه اوجها دمارات ايده بارزه من العصبيه
واني كاعده على ركبي ودموعي على خدي واشهك
كلت من بين شهكاتي

_شتريد مني

باوعلي ساكت رجعت كلت

_بس كلي شتريد مني شنو ذنبي باقيه هنا

باوعلي وكال

_ذنبج ذنبج تشبهيها

_اشبه منو

_تشبهيها وهاذا ذنب كافي

بجيت اكثر وكلت

_بس عوفني والله اذا تريد حتى اغير شكلي بس عوفني

_تو تو چا انا ليش جبتج هنا غير علمود شكلج

بجيت حيل
رفعت راسي للسما وصرت ادعي عليه كال

_لا تدعين عليه العار مايموت

باوعتله بحقد وبدي اكوم اكتله كال

_ماكو مهرب من ظلمات الكاسر

ـــــــــــــــــــــــــــــــــــــــــ
طلعت من الغرفه جانت دنيه ليل وبارده
تقريب الساعه 11اله الكل نايم اله هوه
ماكو مارجع للبيت

طلعت من غرفتي اريد اشرب مي
ستوني اريد انزل سمعت صوت خطوات ورايه رجعت شويه على صوت الخطوات

وصلت للدرج الخلفي باوعت شفته ورجعت ليوره ضميت روحي بمكان مانشاف بيه ضليت صافنه عليه وعلى الي وياه رفعت عيوني على البنيه اجيت اتقيئ من منضرها لبسها خزي المكياج صارخ والفلر والبوتكس وطك بعلجها

باوعتله ودرت ضهري اريد امشي ارجع للغرفه قبل لا يشوفني حتى مي ماريد لعبت نفسي بمنضرها