تكملة للاحداث
كانوا جالسين و قالت رهام :مين هذا ولده ماشاءالله
محسن : ولدي
ناصر : انت تزوجت؟
ملهم : لا طبعا طالب الولد من موقع
ضحك محسن : ايه تزوجت
رهام : ومين ماشاء الله ؟
اشر على جوري : ام يوسف و جوريتي
ابتسمت له جوري و قالت رهام : لا مستحيل هالذربه تتزوجك انت يا الدفش
معاذ : انا قايله بعد بنت اخوي ما تنفع لهالدفش
جوري : لا عاد ما ارضى تقولون عن محسن كذا ما ارضى
معاذ : مسحوره واضح مسحوره
قامت قمور من مكانها : سيف تجي معي ؟
سيف : وين ؟
قمر : المندوب عند الباب ابيك وصل فستاني
بسمه : وصل فستان الزواج ؟
قمر : وصل
معاذ : اقول يا قمر ترا يمديك تهونين عن العرس
سيف : انا ادعم انت ما تنفعين مع ذا
خاف ملهم : اقول قمراي لا تسمعين كلامهم انا وانت مرا لايقين لبعض معليك منهم
استحت قمر : ومين قايلك اني اسمع لهم اصلا
ابتسم ملهم و قال سيف : والله ذي المسحوره موب جوري امشي الله يخلف بس و راحو سيف و قمر
جوري : انا مستغربه انها تبي عقد قران و زواج مع بعض
ياسمين : مرا ما ودها بعرس كبير ما تحب
بسمه : اريح الصراحة
جوري : ايه والله
-
بعد اسبوعين ...
ليلة دافئة موسيقى هادئة الحريم حوالين الطاولات و متغطيات مسكت يده لطيفه و باس راسها و سلم على خالاته و على شيخه و على جداته و بعد هذا السلام رفع راسه و شافها جالسه بالكوشة بفستانها الابيض ابتسم و تقدم لها رفعت راسها وشافته ببشته جايها ابتسمت له قرب و باس راسها جلس جنبها و مسك يدها همس لها : ليه يدك باردة؟
ناظرته : ملهم لا تزيد توتري
ملهم : افا ليه متوتره
قمر : مدري
سكت شوي ثم قال : تدرين ليش انا مبسوط ؟
قمر : ليش ؟
ملهم : لاني اقدر اشوف ملامح وجهك لما تخسرين قدامي بفيفا
قمر : ها ها انا اخسر تحلم
ملهم : نشوف يا بنت العم
قمر : نشوف يا ولد العم
ابتسم لانه هذا اللي يبيه يروح توترها
شوي الا اشتغلت كلمات عبدالعزيز المعنى
[ وصادفتك و اثاريني ..
انا من وقتها مُلهَم
كلامك شدني يمّك ..
صدق ما كنت متوهم ]
ابتسمت و ناظرته ثم نزلت راسها و هو ابتسم لانه انتبه لغمازتها الخفيفه لما ابتسمت و للشامه اللي مزروعه بوسطها و لما رفعت عيونها انتبه للشامه اللي تحت عينها
تقدمت لطيفه عشان تعطيه الشبكه يلبسها و اخذها و بدا يلبسها و اخذت الخاتم عشان تلبسه و قال : ذيك الليله امد
يدي عشان بيالة شاهي و اليوم امدها عشان تلبسيني دبلة
ابتسمت و ابتدت كلمات عبادي الجوهر
[ من بعد مزح ولعب... أهو صار حُبّك صحيح
أصبحت مغرم عيون... أمسيت وقلبي طريح
أخجل إذا جات عيني... صدفة في عينك وأصير
مربوك وحاير في أمري... من فرحي أبغى أطير ]
ابتسم لها ملهم : تجين معي ؟
ابتسمت له : اجي معك
مسك يدها و راحوا بعيد عن الناس
جوري : اتمنى ان ملهم يكون متحضر و ما يرجعها لنا حامل
ياسمين : مع شكلها اتوقع بترجع حامل
بسمه : لا ان شاء الله قلت لها ولدنا خفيف ما ينفع له الكشخه بس ما تسمع
