ထာဝရနဂါးတန်ခိုးရှင် (လုမင် )
မူရင်း စာရေးဆရာ - Mu Tong Ting Zhu
ဘာသာပြန်သူ - ထာဝရ
အပိုင်း ( 681 ) အေးခဲဓားဝိညာဉ်နှင့် တိုက်ခိုက်ခြင်းခုနစ်ရောင်ခြယ်သခင်က အဆင့်ခုနစ် စစ်မှန်သော သန့်စင်ခြင်းသခင်ဖြစ်ကာ အဆင့်တိုင်းတွင် အနည်းဆုံး ဝိညာဉ်မီးခွက်ခြောက်ခုအထိ ထွန်းညှိထားခဲ့သည်။ ထို့ကြောင့် ဝိညာဉ်မီးတောက်မှာ အလွန်ကြီးမား၏။
လုမင်က အဆင့်တိုင်းတွင် ဝိညာဉ်မီးခွက် ဆယ်ခုကို ထွန်းညှိထားခဲ့သော်လည်း အဆင့်သုံး ကမ္ပည်းသခင်သာ ဖြစ်နေဆဲပင်။ သူက အဆင့်ခုနစ် သန့်စင်ခြင်းသခင်နှင့် ဝေးကွာလွန်းလှသည်။
ဥပမာအားဖြင့် သိုင်းဆရာသခင်နှင့် ဝိညာဉ်သန္ဓေနယ်ပယ် တန်ခိုးရှင်ကဲ့သို့ ကွာဟမှုက ကြီးလှသည်။ ယင်းက မည်မျှ ကွာခြားမည်မှန်းပင် သူမသိပေ။
ထို့ကြောင့် ခုနစ်ရောင်ခြယ်သခင်၏ ဝိညာဉ်မီးက လုမင်၏ ဝိညာဉ်မီးတောက်ကို လျင်မြန်စွာဆက်လက်တိုးတက်စေခဲ့သည်။
ထို့အပြင် ခုနစ်ရောင်ခြယ်သခင်၏ အတွေ့အကြုံအပိုင်းအစများလည်း ရှိသေးသည်။ ယင်းက လုမင်၏ ကမ္ပည်းပညာနှင့် ဆေးဝါးပညာ အတွေ့အကြုံကို ပို၍တိုးတက်စေခဲ့သည်။
"အိုး၊ ရှေ့မှာ နောက်ထပ်နန်းတော်တစ်ခုရှိသေးတယ်"
ရှဲ့နျန်ချင်းက အနည်းငယ် အံ့သြသွားဟန်ဖြင့် ရှေ့ကို ရုတ်တရက် လက်ညှိုးထိုးပြလိုက်သည်။လုမင် လှမ်းကြည့်လိုက်သောအခါ တောင်ထိပ်တစ်ခုပေါ်၌ နန်းတော်တစ်ခုရှိနေကြောင်း မြင်လိုက်ရသည်။
"ခုနစ်ရောင်ခြယ်သခင်က သူလေ့ကျင့်တဲ့နန်းတော်ကို အများကြီးခွဲထားပုံရတယ်။ မဟုတ်မှလွဲ၊ သူ့ရဲ့ ရတနာအားလုံးကို ဒီအရှေ့က နန်းတော်ထဲမှာ သိမ်းထားတာများလား"
လုမင်မျက်လုံး အရောင်လက်သွားသည်။ရှဲ့နျန်ချင်းကလည်း ထိုသို့တွေးနေလေကြောင်း ထင်ရှား၏။
"သတ်၊ သတ်၊ သတ်ပြီး ရတနာတွေအားလုံးကို သိမ်းပိုက်လိုက်"
တန်တန်က အော်ဟစ်လိုက်သည်။"ဝှစ် ဝှစ်"
ထို့နောက်တော့ လုမင်နှင့် ရှဲ့နျန်ချင်းလည်း အလင်းတန်းနှစ်သွယ်အဖြစ်သို့ ပြောင်းလဲကာ ထိုနေရာဆီသို့ ပျံသန်းသွားတော့သည်။
BẠN ĐANG ĐỌC
ထာ၀ရနဂါး တန်ခိုးရှင် ( လုမင် ) (Ch 1 - 985 ) Book 1
Phiêu lưuမူရင်းစာစဉ်အမည် - Everlasting Dragon Emperor (ထာဝရနဂါး တန်ခိုးရှင် ) အဓိကဇာတ်ကောင် - လုမင် အမျိုးအစား - ကျင့်ကြံခြင်း၊လှုပ်ရှားမှု၊စိတ်ကူးယဉ်၊ ရွှမ်ဟွမ် မူရင်း စာရေးဆရာ - Mu Tong Ting Zhu ဘာသာပြန်သူ - ထာဝရ လူငယ်လေးလုမင်ဟာ သွေးကြောလုယူခြင်းခံရပြီး အသ...