لاتنسون+ التصويت+ متابعه الحساب+ التعليق ع كل فقره تحبوه +
وما لقلبي الى انت
حوراء
***********************
الدموع الي تجمعت بعيونها هي الفسرت
حالتها شنو ضحكت ضحكة خيبة وكالت
ايمان:شنو يمه عيدي شكلتي لأن ما سمعت
رحت يمها لزمته وبجيت
حور:عمتج توفت
حجيتها ونزلت راسي ماحس غير صوتها اخترق أذني بشكل واااااضح
تبجي وتصيحح بعلو صوتها
اجى بابه لزمها وصاح
رائد:شكووو شكووو
بجيت وكلت بكلام متقطع
حور: بابـ بابه عمت امـ امي توفت
ضيك عينه وكال
رائد:ياهيه منهن
حور:هاي الي تمرضت قبل فترة
علامات الدهشه باينه عليه كعد بمستواها وخلاها ع صدره ويمسح ع راسها وهي ع فرد بجيه وصياح
اخذاها للغرفه واني وراهم والولد حاولنه نهديهم ماكو ثواني ودخل زوج خالتي ياسمين اكيد راد يخبر أمي بالموضوع بس مــن شافها بوضع يرثه ڵـهٍ
انصدم وكال
-خو ماكو شي يعني منو الي خابركم اني خابرني خالج. وكال مــن يمك كول للبقيه لأن ما فارغ
ماكدرت احجي لأن بابه موجود أشرتله اني
عرف الموضوع لأن كلها دريانه نفس ما كلت مسبقاً بس بابه لٱ وهو اتوقع يعرف بس ساكت
أصرت امي تروح وبس تبجي ما هدأت ابد
خابر بابه ابو امي عزا وكاله
رائد: البقيه بحياتك حجي!!!!
ابو.يوسف:حياتك الباقيه
استفسر اكثر مــن موضوع الوفاة وبعدين كاله
رائد:يلا جاين احنه
رد جدو بسرعه
ابو يوسف:لٱ لٱ ماكو جيه ابد اساساً ماراح نسوي فاتحه مثل كل مرة بسبب الوضع متئزم كُلش
حاجته امي حاولت تقنعه أصر محد يجي
-لا تجون بويه اني لو اشوف الوضع كثل گبل احجي افتح حلكي بس يا بويه. عبور ما تكدرون تعبرون شلون تجون بنص اليل عوفيها بويه وبعدين تعاي
سدو الاتصال وامي ع فرد بجيه ساعه تهدأ وتسكت وتمر دقايق وتتذكر الصار وتبجي صارت الساعه
ب12فرشتلها وطفيت الضوا وطلعت رحت تمددت بس احس جسمي يوجعني وهاي الحاله تصير بيه مــن يصير موقف يهد حيلي
خابرت حسين وحاولت اهدأه بس باين عليه كُلش
مختنك والصار مأثر عليهم لدرجه الماتت تركتلها ولد متزوج ستوا وبنت متزوجه وعدها اطفال وتيتمو للمرة الثانيه وهالمره مــن الأب والأم
أنت تقرأ
وما لقلبي الى انت
Aventuraقصة عراقية بقلمي انا الـ كـاتبه حوراء تتحدث عن ،، طفله تتعذب بسبب اقوال الناس وبسبب تحكم وقرارات الأهل الفاشله تعيش اسواء الأيام وبعدد اعوام ترا ??🤍 تعالو نشوف ما يخبئ لـٍهآ الزمن نبلش 2022/9/1
