الغرام الفاسد
46
على برى كان واقف هو و باه معا الطبيب حيدر باغي يعرف الحالة ديال البنت لي ضربها خوه
الطبيب: راه كيف قلت ليكوم ممعروفش ايمتا تقدر تفيق الضربة لي ضرباتها طونوبيل خلاتها طلع فالسما و تخبط على راسها الشي لي سبب بشق فالجمجمة ديالها
حيدر حاني راسو كيسمع : واش دويتو معا البوليس؟؟
الطبيب شاف فيه و رجع شاف فالحاج عاد دوى :فهاذ الحالات ديما كنديكلاريو ولكن الحاج منعنا قال حتى تجي عاد تقرر
حيدر حرك ليه يدو باش يمشي هاذ الأخير غير عطاه الإشارة و مشا عاد شاف فباه
حيدر : خليتي القرار ليا؟؟
الحاج : أنا قلت لك بلي أي حاجة غادي يديرها خوك.نتا غادي تحمل مسؤوليتها و نتا واعدتيني بلي مستاعد دير أي حاجة
حيدر بعصبية :أي حاجة نديرها ماشي الزواج؟؟ وزيد شيواحد ممعروفاش شكون هيا و شكون عائلتها
الحاج : ديكشي لي عرفتو عليها كافي و كيف قلت لييك ختار واحدة من الزوج ياغادي تزوج بيها أو غادي نديكلاري بخووك
حيدر :إلا الزواج الواليد أي حاجة طلبتيها نديرها و هنا عارف حتى حد ميقدر يبزز عليا شي حاجة
الحاج تبسم و جبد تيليفونو كيدوز شي نمرة ثواني و دوا :شوف ديك الج ث ة سير حطها حدى الكوميسارية
حيدر خرج عيونو فباه :الواليد؟؟؟
الحاج كيستفزو: مجرد منسد الخط غادي ينفذ كلامي
حيدر بلع ريقو عارف باه مفقلبو رحمة و يديرها و يقد بيها ...هو حتى حد ميقدر يفرض صيطرتو عليه ولكن فاش كيتعلق الموضوع بخوه كيستسلم
حيدر : موافق
الحاج كيدير راسو بلي معرفش شنو كيقصد : شنو بس وافقتي عليه؟؟
حيدر : موافق نتزوج بيها
الحاج بابتسامة : صاف خلي ديك الج ث ة فالبلاصة ديالها حتة نشوفو شنو غادي نديرو
أنت تقرأ
الغرام الفاسد🖤مكتملة🖤
Storie d'amore💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
