الغرام الفاسد
84
خرج معقلش علا راسو فين غادي مكسيري حتى وقف حدا واحد البار صطسيونا تماك و نزل
كل مايكزيد يقرب كيتسمع صوت الموسيقى مجهدة دخل ديريكت لجيهت البارمان جلس و شاف فهذاك السرباي
حيدر : دير ليا شي كوكتيل يكون قوي
السرباي معطلوش هاذاك الساعة بدا كيخلط ليه أقوى المشروبيات لي عندو ...
خدا الكاس الأول و الكاس الثاني و الثالث و الرابع مكنش حاس براسو والا بلي داير بيه كيحس بالشمتة واكلاه من لداخل كيحس بلي التاريخ كيتكرر معاه للمرة الثانية
بقا هاكاك حتى ثقل مزيان عاد ناض خارج كيتمايل حتى وقف ليه واحد من ليكردكور ديال البار
....: سي حيدر واش نوصلك للدار؟؟
حيدر بلا ميشوف فيه جبد ساروت و لاحو عليه و تم غادي لجيهت الطوموبيل
الكاردكور شد الساروت و تم سابقو حل ليه الباب حتى ركب عاد سدو و ركب حتى هو مكسيري ...
وصلات الربعة ديال الصباح بدات كتحل عويناتها بالثقالة كتحس بداتها تقيلة و راسها ضارها بزااف بقات شحال مفيكسية كتشوف فالسقف كتسترجع شنو وقع حاسة بقلبها ضارها بزااف
علاش كتعذب هاكا شنو دارت حتى تعاقب هاكا... ناضت من بلاصتها بزز كتمشة بشوية عليها لجيهة الطواليط دخلات كتشوف وجهها فالمراية كتشوف حالتها كيف ولات هذاك الزيف لي كتغطي بيه شعرها مهبط للنص و نص شعرها باين و لاطراس ديال الد م نازل من جبهتها
حلات الما ديال الدوش و حيدات حوايجها كلهوم و دخلات من تحت الرشاشة لي ردارتها من جيهت الما البارد
كانت سادة عويناتها كتحس بداك الما نازل على داتها كلهى حتى كتحس بشي حد لاسق عليها من اللور و محاوطها بيديه و طابع قبلة حنينة فعنقها
أنت تقرأ
الغرام الفاسد🖤مكتملة🖤
Romance💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
