الغرام الفاسد
92
وصل الليل كانت مزال جالسة معا ختها حتى دخلات عندها عدوزتها غير شافتها و هيا تنهد
الحاجة : الله يابنتي خلعتيني عليك من الصباح مشفتك
أميمة بابتسامة : غير معا ختي توحشتها و ضليت هاذ النهار كلو معاها
الحاجة عاد انتابهات لأميمة ملابساش الن قاب : الله يابنتي علاش محيدة نقا بك يقدر يدخل الطبيب دابا ويشوفك
أميمة شافت فيها و نطقات: مغاديش نكذب عليك اخالتي أنا راه مديراش النقاب(سكتات شوية و كملات) الضروف هيا لي خلاتني نديرو
الحاجة قربات عندها و جلسات : ياك لاباس أبنتي؟؟ شنو هوما هاذ الضروف؟؟
أميمة حنات عينيها للأرض و رجعات شافت فيها :عرفتي فاش كتدوي معايا كنحس بحنان الأم لي تحرمت منو
الحاجة حطات يديها على شعر أميمة و تبسمات: واراه نتي مرت ولدي يعني بنتي
أميمة : إلى عرفتي الحقيقة ديالي موحال واش تبقاي باغيا تشوفي حتى فيا
الحاجة:عاودي ليا شنو كاين؟؟
أميمة بقات ساكتة شوية كتفكر واش تقول ليها ولا لا بقات مدة وهيا كتفكر لقات راسها بلي اصلا مكتربطها حتى حاجة بيهوم غادي يعرفو يعرفو يقدر فأي وقت يجي عزيز أو حيدر يقول ليهوم أو يوسف من الأحسن هيا تكمل لي بدات اصلا مصالحش ليها تتعلق بالحاجة كثر من هاكا
أميمة تنهدات و بدات كتعاود للحاجة كلشي من البداية إلى للنهار لي وقعات فيه كسي دة لختها
الحاجة كانت مصدومة من هاذشي لي سمعات بقات فيها أميمة بزاااف حتى نزلو دموعها
الحاجة: الله يابنتي وشنو داز عليك
أميمة تبسمات فاش سمعاتها قالت ديك كلمة بنتي
الحاجة : نتي تضلمتي ابنتي بزااف وهاذشي لي وقع ماشي بخاطرك ولكن .....
أميمة كتشوف فيها كتسناها تكمل كلامها : ولكن شنو اخالتي؟؟
الحاجة : ولدي حيدر معمرو غادي يتقبلك ابنتي واخا أنا نبغيك تبقاي معانا ولكن حيدر نهار لي غادي يعرف غادي يكون آخر نعار عندك معانا ولدي و أنا كنعرفو
أميمة تبسمات بتهكم : قلت ليه كلشي البارح
الحاجة ضربات على صدرها بالقلعة: اوي لي ؟؟ و هو شنو قال ليك؟؟
نزيدكوم ولا باركة عليكوم😁😁😁😁
أنت تقرأ
الغرام الفاسد🖤مكتملة🖤
Storie d'amore💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
