في بيت أبو نايف٠٠٠٠٠
أم نايف: يا أبو نايف
أبو نايف: لبيه
أم نايف :لبيت في منى بس عندي طلب صغير ما عليك أمر
أبو نايف: عيوني لك أمري يا أم نايف شبغيتي
أم نايف: تكفى يا أبو نايف حابه نسوي عشا كبير بمناسبة تخرج ولدنا راشد
أبو نايف: حاضر يا أم نايف ما طلبتي شي أصلا كنت ناوي أسويله عشا... إلا يا أم نايف وين ريوف و عبدالله ؟
أم نايف: ريوف في المشغل مع بنت خالها و عبدالله في المستشفى
أبو نايف وهو مصدوم : عبدالله في المستشفى عسى ما شر شفييييييه
أم نايف: هد يا أبو نايف مافيه شيء الولد جته حرارة بسيطة و هو في المستشفى من الساعة ٩
أبو نايف و هو خايف على عبدالله لان الساعة صارت ١١ :وليه مارجع للحين
أم نايف: حطو له مغذي و تأخر على بال ما يزيد مفعوله
أبو نايف: قدامه العافيه .... يلا اجل أنا بتصل أعزم الربع و الجماعة على العشا و أنتي جهزي الغداء
أم نايف :تأمر أمر
CCCCCCCCCCCCCCCCCCCCCCCCCCCCCCCCCCCCCCC
في بيت أبو سالم في الديرة....
نورة: خلاص يا نايف
نايف: لا مابي
نورة :نايف لا تجنني أخوك نواف لبسه و أهو شاطر أنت ليه ما تبيه؟
نايف : مابييييييييييه (بدا يبكي)
نورة: لا اله الا الله
أم سالم: شفيكم صراخكم واصل لين أخر السيب!!!
نورة: يمه نايف جنني بوديهم السوق لان المعلمه طلبت منهم أغراض للمدرسة و نايف مو راضي يلبس يبي سالم يجيبله حلاوة
أم سالم: ألبس يمه و الحين أقول لسالم يجيبلك حلاو... (ما كملت كلامها الا و جاء سالم)
سالم: السلام عليكم
الكل: و عليكم السلام
نايف: ركض لسالم أبي حلاووووووووووووووو
سالم: طيب طيب الحين نروح
نورة :شلون تروحون و أنا بوديهم السوق عشان المعلمة
سالم: خلاص يختي اخذيله نفس اللي ياخذه نواف
نورة: إذا قال ما يبيهم بعدين مالي شغل
سالم :طيب
أم سالم: الله معكم
€€€€€€€€€€€€€€€€€€€€€€€€€€€€€€€€€€€€€€€€€€€
عند أبو سعود في الشركة .....
سلطان: صباح الخير عمي أبو سعود
أبو سعود :صباح النور يا ولدي
سلطان: هاذي بعض الأوراق اللي طلبتهم و الباقي بجيبهم بعدين لان الطابعة خربت
أبو سعود :ماشي شكرا بس لو سمحت نادي أحد يصلح الطابعة لان الأوراق احتاجهم ضروري
سلطان: حاضر
أبو سعود دق جواله ...
أبو نايف: السلام عليكم
أبو سعود :وعليكم السلام و رحمة الله شلونك أبو نايف حي ذا الصوت
أبو نايف :و الله بخير و الحمد الله شلونك انت عساك بخير
أبو سعود :بخير الحمدالله
أبو نايف: و الله يا أبو سعود أنا داق عليك عشان أعزمك على العشا بمناسبة تخرج ولدي راشد
أبو سعود: ماشاءالله ألف مبروك و دعوتك مقبوله
أبو نايف: لهذا السبب أنا داق عليك أول أحد عارف إقناعك سهل
أبو سعود: يازينك يا أبو نايف ... إلا الساعه كم العشا؟
أبو نايف: العشا على الساعة ٨
أبو سعود: على خير انشاءالله
أبو نايف: تآمر على شيء يالغالي
أبو سعود: أبد سلامتك
أبو نايف: ودعناك الله
$$$$$$$$$$$$$$$$$$$$$$$$$$$$$$$$$$$$$$$$$$$
في المستشفى ....
عبدالله: السلام عليكم
الدكتور: و عليكم السلام ورحمة الله
عبدالله :يا دكتور تكفى أبي حل راسي يوجعني حيل
الدكتور: من متى تعاني من هذا الش... (ما يمدي الدكتور يكمل كلامه إلا وطاح عبدالله مغمى عليه
شالوه و أعطوه مغذي و الدكتور فتح جوالة على سجل المكالمات و أخر مكالمة كانت مع أخوه سعد و قاله يجي
(وصل سعد و عبدالله صحى )
سعد: السلام عليكم
الدكتور: وعليكم السلام ورحمة الله
سعد: خطاك الشر عبود
عبدالله: خطاك الاش
سعد: دكتور ايش سبب الدوخة؟
الدكتور: ما عليه دوخة بسيطة بسبب الحرارة بس الحمد لله الحين خف الوجع و أعطيناه مسكنات و يقدر يطلع و هذي ورقة الأدوية مروا الصيدلية و أخذوا الأدوية
سعد: حاضر و شكرا دكتور تعبناك معنا
الدكتور: العفو تعب عبدالله راحة
سعد: ودعناك الله
###########################################
في بيت أبو أحمد ٠٠٠٠
دخلوا أحمد و محمد مع عيالهم و زوجاتهم :السلام عليكم
الكل: وعليكم السلام و رحمة الله
سعد الصغير ركض لأسيل لانه يحبها حيل و متعلق فيها :عمه أبي تولة
أبو أحمد: تبي تولة عطر؟
أسيل ضحكت: يبه لا تولة يعني كورة
أبو أحمد: اها انا اقول وش يبي بالتولة
خلف دخل و وجهه كان مقلوب و ضايق: السلام عليكم
الكل: وعليكم السلام
أم أحمد: خلف يمه فيك شي؟
خلف باس راسها: لا ما فيني شيء يا روحي
خلف راح لفوق يتروش و محمد حس إن خلف مو طبيعي قرر يروح له فوق
محمد دق الباب: يولد
خلف: هلا هلا ادخل
محمد: هلا بأخوي عضيدي
خلف: هلا والله بس ليش كل هالترحيب؟
محمد: بس كذا ... خلف انت فيك شيء وجهك متغير صح؟
خلف: لا مافيني شيء
محمد :خلف اعرفك زين تكلم
خلف تنهد و قال: آآآه و الله يا أخوي مدري وش أقول لكن صديقي اللي أعده كل دنيتي طلع كذا وقح وقذر و مايخاف ربه متعدي على بنت خالته انا لما سمعت ما صدقت بعدين سمعت من أبو البنت و حلف على القرآن في المحكمة و الحين أهو في السجن محكوم عليه ٩ سنوات
محمد وهو مصدوم: سعووووووووووود
خلف سكر فمه: لالالا ليروح فكرك بعيد مو سعود صديقي سعود ميعرفه اسمه سعيد
محمد: و الله اني غبي لما فكرت بسعود الرجال و نعم الأخلاق و الرجولة
خلف: ايه و الله انك صادق
محمد: المهم لا تضيق صدرك يا أخوي دامه هالسعيد وقح و قذر كذا وصلت فيه لذي المرحلة انه يتعدى على بنت الناس لا تحزن ولا تهتم له لان اللي مثل اشكاله ماتستاهل أحد يحبه
خلف انقلب موده ١٨٠ درجة بعد كلام محمد له :ايه و الله انك صادق حتى أهله تبرو منه
محمد: يلا اجل روح تروش و البس و انزل كل معنا
خلف: حاضر
€€€€€€€€€€€€€€€€€€€€€€€€€€€€€€€€€€€€€€€€€€€
في بيت أبو نجد ٠٠٠٠
أبو نجد: يا أم نجد ..نجد..عامر..عمر
أم نجد: هلا يا أبو نجد شبغيت
أبو نجد :اليوم بنروح للرياض
نجد :ليه يبه؟
أبو نجد: أبو نايف مسوي عشا كبير بمناسبة تخرج ولده راشد و نحن بنروح
أم نجد: ماشاءالله الله يباركله
أبو نجد: يلا جهزوا الشناط
عامر: يبه عندنا امتحان رياضيات الأحد
أبو نجد: لاحقين تذاكرون بنروح الجمعة و بنرجع السبت و مقدر اخليكم عند أبو سالم لانه بيروح بعد العزيمة
أم نجد: يلا يمه جهزوا شناطكم و لا تتأخرون
نجد و عامر و عمر : حاضر
&&&&&&&&&&&&&&&&&&&&&&&&&&&&&&&&
(انتهى البارت ادعموني بنجمة عشان اكمل الاسبوع الجاي ببارت أطول انشاءالله🤎٠٠٠٠ )
أنت تقرأ
و أنا يا خلّف طحت في عشق صغيّر السنّي
Teen Fictionتدور الأحداث حول عائلتين غنيات في المملكة العربية السعودية الأباء يعرفون بعضهم بسبب الشغل بين الشركتين لاكن علاقة الأبناء ماش ما يعرفون بعض لاكن بتصير أحداث ستربط الأبناء مع بعض و ستتعرفون على حياة كل أحد منهم .ّّّّّ...
