အမှိုက်ကောင်လေး၏ ပျော်ရွှင်ဖွယ်ဘဝ (Completed) အမွိုက္ေကာင္ေလး၏ ေပ်ာ္႐ႊင္ဖြယ္ဘဝ

ရုံးတော်၏စီရင်ချက် -3

အပိုင်း (၂၅) ရုံးတော်၏စီရင်ချက် -3

ဆူညံနေသည့်အတွက် တရားသူကြီးက တရားရေးတူကို အပြင်းထန်ထုလိုက်ရပြီး ဤသို့ရှုပ်ထွေးနေသည့်ကိစ္စအတွက် စိတ်မကြည်နိုင်တော့ပေ။ သူက...

"ရှောင်မိသားစုပြောတဲ့ သက်သေကိုသွားခေါ်လာခဲ့!"

ရှောင်မိသားစု၏သက်​သေသည် မြို့ငယ်လေးတွင်ရှိနေလေရာ ရုံးတော်မှငယ်သားများက မြင်းနှင့်အမြန်သွားလျှင်တောင်မှ အသွားပြန်နှစ်နာရီလောက်ကြာမှာဖြစ်၍ စစ်ဆေးမှုကို ခေတ္တရပ်တန့်ထားရမည်ဖြစ်သည်။ သို့သော် အမှုတွင်ပါဝင်သောမည်သူမှ ရုံးတော်ကထွက်ခွာနိုင်လိမ့်မည်မဟုတ်ပေ။

လဲ့ရှီနှင့်ရှောင်မိသားစုသည် အောင်နိုင်သူများ၏မျက်နှာများဖြစ်နေသော်လည်း တစ်ဖက်က အကြီးကဲကျန်းနှင့် ရွာသားများမှာမူ သွေးအန်တော့မည်ထိဒေါသထွက်နေကျရပြီး အကြီးကဲကျန်း၏မျက်နှာက အလွန်ကိုမကောင်းဖြစ်နေ၏။

ဒီအမှုတွင် ရှောင်မိသားစုလက်ချက်မှန်းသိသာသော်လည်း ရှောင်မိသားစုကတရားခံမှန်း ထင်ရှားစွာသက်သေမပြနိုင်ပါက ရှောင်မိသားစုကိုအပြစ်ပေးဖို့မဖြစ်နိုင်တော့ပဲ ဒီအစား တရားသူကြီးမင်းသည် သူက ပိုင်လီကိုပဲအပြစ်ပေးနိုင်ကာ အကြီးကျန်းအားလည်း လဲ့ရှီစကားများကြောင့် အကြီးကဲရာထူးအတွက်သင့်တော်မသင့်တော်ကို ပြန်လည်စဥ်းစားတော့မှာဖြစ်ပြီး သက်သေခံဖို့လိုက်ပါလာသည့်ရွာသားများကပင် မဟုတ်တမ်းတရားများထွက်ဆိုသည့်အတွက် အပြစ်ပေးခံရနိုင်သည်။

ပိုင်လီက ပိုင်အမေကို ဒေါသမထွက်ရန် နှစ်သိမ့်ပေးနေသော်လည်း အရာမဝင်ပေ။ ပိုင်အဖေနှင့် ပိုင်ကျန်းပင်လျှင် အလွန်သုန်မှုန်နေကျကာ သူတို့ကအခြေနေကိုလက်မခံနိုင်ဖြစ်နေကျသည်မှာထင်ရှားနေပြီး ရွာသားများကလည်း ဉာဏ်များလွန်းသည့်လဲ့ရှီအား ဆဲဆိုနေကျသဖြင့် အခြေနေကအနည်းငယ်ပရမ်းပတာဖြစ်လို့လည်းနေပေသည်။ ရွာအကြီးကဲ ကျန်းက အချိန်တစ်ခုဒေါသထွက်နေပြီးသော် လူများအားဝေ့ကြည့်လျက် ပိုင်လီတစ်ယောက်အလွန်တည်ငြိမ်နေသည်ကို မြင်လိုက်ရသဖြင့် အနည်းငယ်ထူးဆန်းသွားရ၏။ တကယ်ဆို ခုချိန်မှာစိတ်အတိုသင့်ဆုံးက ပိုင်လီဖြစ်နေသင့်တာမလား။ ပိုင်လီက ဘယ်လိုလုပ် ဘာမှမဖြစ်သလိုဆက်တည်ငြိမ်နေနိုင်ရတာလဲ။